III. NAFARROAKO TOKI ADMINISTRAZIOA
L E R G A
Ordenantzetako aldaketak. Behin betiko onespena
Ordenantza fiskaletako aldaketa hasiera batez onetsia zela aditzera emateko, iragarkia argitaratu zen 2001eko urriaren 29an, 131. Nafarroako ALDIZKARI OFIZIALean.
Jendaurreko epean ez da erreklamaziorik aurkeztu; hortaz, behin betikoz onetsita gelditu dira aldaketa horiek.
Ordenantzetako ondoko artikuluak aldatu dira.
AGIRIAK LUZATU ETA IZAPIDATZEKO TASAK ARAUTZEN DITUEN ORDENANTZA FISKALA
6. art. Hauek dira ordenantza honen tarifak:
1.-Eskabideak eta agiriak
a) Kopiak eta fotokopiak: 0,15 euro bakoitzeko.
b) Faxak bidaltzea. 0,60 euro orri bakoitzeko.
c) Agirien konpultsa: 0,15 euro bakoitzeko.
2.-Ziurtagiriak.
a) Alderdi batek eskaturik luzatutako ziurtagiriak: 0,60 euro bakoitzeko.
ESTOLDERIA TASA ETA HONDAKIN-UREN ARAZKETARENA ARAUTZEN DITUEN ORDENANTZA FISKALA
7. art. 1. Estolderiaren sarera lotzeko lizentzia edo baimenari dagokion tributu-kuota behin baizik ez da eskatuko eta 16 eurotako zenbateko finkoa izanen da.
2. Estolderia eta arazketa zerbitzuagatik eskatu beharreko tributu-kuota urteko 16 eurotako zenbateko finkoa izanen da.
UR HORNIDURAREN TASA ARAUTZEN DUEN ORDENANTZA
6. art. Zerbitzuagatiko tarifak ondoren aipatzen diren kontzeptuengatik igorriko dira:
-Sarera lotzea: 100 euro.
-Kontsumoa: 0,39 euro/metro kubiko.
EREMU PUBLIKOKO ETA HERRILURRETAKO ZORUAN, HEGALKINEAN ETA ZORUPEAN EGITEN DIREN APROBETXAMENDU BEREZIEN TASA ARAUTZEN DUEN ORDENANTZA
E R A N S K I N A
I. epigrafea.-Herriz herriko salmenta.
-Jaietako barrakak: 13 euro.
-Jaietako taberna: 181 euro.
Lergan, bi mila eta bateko abenduaren hogeita seian. Alkatea, Sagrario Zabalza Zabalegui.
Iragarkiaren kodea: A0113648