I. NAFARROAKO FORU KOMUNITATEA
Beste Xedapenak
270/2001 EBAZPENA, abenduaren 13koa, Unibertsitateetarako eta Hizkuntza Politikarako zuzendari nagusiak emana, Hezkuntza eta Kultura Departamentuaren eta Nafarroako Unibertsitatearen arteko Lankidetza Itunaren testua onesten duena. Itun horren xedea Iruñean, 2001eko azaro-abenduetan, ikerketa eta kultura ekitaldi batzuk egitea da.
Unibertsitateko Irakaskuntza eta Ikerketa Zerbitzuak proposamena aurkeztu du Hezkuntza eta Kultura Departamentuaren eta Nafarroako Unibertsitatearen arteko Lankidetza Ituna onesteko. Itun horren xedea 2001eko azaro-abenduetan ikerketa eta kultura ekitaldi batzuk egitea da, Nafarroako Unibertsitateko departamentuek antolatu dituztenak. Ekitaldi horien finantzaketan parte hartzeko, 3.650.000 pezetako gehieneko gastua baimentzea proposatu du, kalkulatu den osoko kostuaren % 60tik % 30era bitarte, alegia, ekitaldien interes eta oihartzunaren arabera.
Hezkuntza eta Kultura kontseilariak, ekainaren 29an eman 255/2000 Foru Aginduaren bidez, esleitu dizkidan ahalmenak eta eskuordeturik ditudan eskurantzak erabiliz,
EBATZI DUT:
1. Hezkuntza eta Kultura Departamentuaren eta Nafarroako Unibertsitatearen arteko Lankidetza Itunaren testua onestea. Itun horren xedea Iruñean, 2001eko azaro-abenduetan, ondoren aipatzen diren ekitaldiak egitea da. Hona hemen ekitaldi bakoitzarendako dirulaguntza:
EKITALDIAREN IZENBURUA DIRULAGUNTZA EGUNAK
Erizaintzako ikertzaileen III. bilera 1.005.000 pezeta azaroaren
(% 60) 22a eta 23a
"Zeluletako eta minbiziko biologia" 906.000 pezeta 2001eko otsailetik
mintegiak" (% 60) abendua bitarte
2001/2002 ikastur.
Nazioarteko sinposioa: Espainiako 1.506.000 pezeta 2001eko 20a
XII. mendeko eredu bat (% 60) eta 21a
Europako gaur egunerako
Erdi Aroko historiako mintegia: 45.000 pezeta 2001eko
"Plantagenetarren enperadoregoa" (% 30) abendua
Erdi Aroko gaietako eleberrigintza 53.000 pezeta 2001eko
historikoa (% 30) abenduaren 10a
Ikasgaien arteko mintzaldi multzoa: 81.000 pezeta 2001eko
Gabonak Artean (% 30) abendua
2. Nafarroako Unibertsitateko departamentuek antolatu dituzten ekitaldi horien finantzaketan parte hartzeko, hala nola haren emaitzak zabaldu eta argitaratzeko, 3.650.000 pezetako gehieneko gastua baimentzea, kalkulatu den osoko kostuaren % 60tik % 30era bitarte, alegia.
3. Gastuen finantzaketa Departamentuaren gastuen aurrekontuko 43000-4810-422400 ("Nafarroako unibertsitate eta bestelako zientzia eta kultur entitateekiko hitzarmenak") kontusailaren kargura eginen da, gehienez 3.650.000 pezeta. Horretarako, dirua Departamenturako indarra duen "Sociedad de Estudios Universitarios" izeneko 43000-4810-422402 kontusailetik kenduko da.
4. Ebazpen hau eta Lankidetza Itunaren testua Nafarroako ALDIZKARI OFIZIALean argitaratzea.
5. Ebazpen hau eta Lankidetza Itunaren testua Nafarroako Unibertsitatera, Ekonomi eta Ogasun Departamentuak Hezkuntza eta Kulturakoan duen kontu-hartzaile delegatuari, Unibertsitateetarako eta Hizkuntza Politikarako Zuzendaritza Nagusira, Unibertsitateko Irakaskuntza eta Ikerketa Zerbitzura, Goi Mailako Ikasketen Atalera, Aurrekontu eta Kudeaketa Ekonomikoaren Atalera, Goi Mailako Ikasketen Bulegora, Administrazio Orokorreko Bulegora eta Kudeaketa Ekonomikoaren Bulegora igortzea, behar diren ondorioak izan ditzan.
Iruñean, bi mila eta bateko abenduaren hamahiruan.-Unibertsitateetarako eta Hizkuntza Politikarako zuzendari nagusia, Pedro Pegenaute Garde.
HEZKUNTZA ETA KULTURA DEPARTAMENTUAREN ETA NAFARROAKO UNIBERTSITATEAREN ARTEKO LANKIDETZA ITUNA, IRUÑEAN, AZARO-ABENDUETAN, NAFARROAKO UNIBERTSITATEAK ANTOLATU DITUEN EKITALDI BATZUK EGITEKO
Iruñean, 2001eko abenduaren 17an.
Bildurik:
Alde batetik, Pedro Pegenaute Garde jauna, Nafarroako Gobernuko Hezkuntza eta Kultura Departamentuko Unibertsitateetarako eta Hizkuntza Politikarako zuzendari nagusia.
Bestetik, Manuel Casado Velarde jauna, Nafarroako Unibertsitateko Irakasleen errektoreordea, Unibertsitatearen izenean eta bertako errektoreak delegaturik,
Azaldu dute:
1.-Nafarroako Gobernuko Hezkuntza eta Kultura Departamentuak eta, bereziki, Unibertsitateetarako eta Hizkuntza Politikarako Zuzendaritza Nagusiak interesa dutela ondoren aipatzen diren ekitaldiak bultzatzeko, Nafarroako Unibertsitateak antolatu dituenak.
EKITALDIAREN IZENBURUA DIRULAGUNTZA EGUNAK
Erizaintzako ikertzaileen III. bilera 1.005.000 pezeta azaroaren
(% 60) 22a eta 23a
"Zeluletako eta minbiziko biologia" 906.000 pezeta 2001eko otsailetik
mintegiak" (% 60) abendua bitarte
2001/2002 ikastur.
Nazioarteko sinposioa: Espainiako 1.506.000 pezeta 2001eko 20a
XII. mendeko eredu bat (% 60) eta 21a
Europako gaur egunerako
Erdi Aroko historiako mintegia: 45.000 pezeta 2001eko
"Plantagenetarren enperadoregoa" (% 30) abendua
Erdi Aroko gaietako eleberrigintza 53.000 pezeta 2001eko
historikoa (% 30) abenduaren 10a
Ikasgaien arteko mintzaldi multzoa: 81.000 pezeta 2001eko
Gabonak Artean (% 30) abendua
2.-Ekitaldi horiek sartzen direla Nafarroako Unibertsitateetarako eta Hizkuntza Politikarako Zuzendaritza Nagusiak duen planteamenduan, alegia, unibertsitateko komunitatearentzat eta oro har, nafar guztientzat interesgarriak diren gaiak aztertu eta zabaltzeko Nafarroako unibertsitate eta irabazi asmorik gabeko bestelako entitateekin itunak ezartzeko duen horretan.
3.-Kontuan harturik ikerketa eta kultura ekitaldi horiek egiteko gastu handiak behar direla, Hezkuntza eta Kultura Departamentuak konpromisoa hartzen du horren finantzaketan laguntzeko, gehienez 3.650.000 pezetarekin, kalkulatuko kostu osoaren % 60tik % 30era bitarte, hain zuzen, ekitaldien interes eta oihartzunaren arabera.
Erabaki dute:
1.-Nafarroako Gobernuak ekitaldi horiek egiteko laguntza emanen du.
2.-Nafarroako Unibertsiteak konpromisoa hartzen du 2001eko azaro-abenduetan aurreikusitako ekitaldiak egiteko. Ponentziak, komunikazioak eta azkeneko ondorioak bildu eta Nafarroako Gobernuko Unibertsitateetarako eta Hizkuntza Politikarako Zuzendaritza Nagusira kopia bat igorriko du.
Nafarroako Unibertsitateak hartutako konpromisoen truke, Nafarroako Gobernuak dirulaguntza bat emanen du ekitaldi horiek finantzatzeko, gehienez 3.650.000 pezetakoa, kalkulatutako kostu osoaren % 60tik % 30era bitarte, hain zuzen, interes eta oihartzunaren arabera. Bidezko froga-agiriak aurkeztu ondoren, Unibertsitateetarako eta Hizkuntza Politikarako Zuzendaritza Nagusiak dagokion diru transferentzia eginen du, Departamentuaren gastuen aurrekontuko 43100- 4810-422400 ("Nafarroako unibertsitate eta bestelako zientzia eta kultur entitateekiko hitzarmenak") kontusailaren kargura. Horretarako, dirua Departamenturako indarra duen "Sociedad de Estudios Universitarios" izeneko 43000-4810-422402 kontusailetik kenduko da.
3.-Itun honetan xedatutakoa betetzen dela zaintzeko, jarraipen batzorde bat osatuko da, ondoko kide hauekin:
Nafarroako Gobernuko kideak:
-Pedro Pegenaute Garde jauna, Nafarroako Gobernuko Unibertsitateetarako eta Hizkuntza Politikarako zuzendari nagusia.
-José Remigio Múgica Navarro jauna, Unibertsitateko Irakaskuntza eta Ikerketa Zerbitzuko zuzendaria.
Nafarroako Unibertsitateko kideak:
-Manuel Casado Velarde jauna, Nafarroako Unibertsitateko Irakasleen errektoreordea.
-José Manuel Zumaquero Romero jauna, kudeatzailea.
4.-Itun honek izaera administratiboa du eta, hortaz, itundutakoa interpretatu eta aplikatzerakoan ager daitezkeen desadostasun guztiak Unibertsitateetarako eta Hizkuntza Politikarako Zuzendaritza Nagusiak ebatziko ditu, eta horren ebazpenen aurka administrazioarekiko auzi-errekurtsoa jarri ahalko da Nafarroako Auzitegi Nagusiko Administrazioarekiko Auzien Sailari zuzendua, gora jotzeko errekurtsoa, Nafarroako Gobernuari zuzendua, jarri ondoren.
5.-Itun honek sinatu eta biharamunean hartuko du indarra.
Eta adostasuna adierazteko, itun hau sinatu dute aurretik adierazitako egun eta tokian.
Nafarroako Gobernuaren aldetik, Pedro Pegenaute Garde jauna. Nafarroako Gobernuko Unibertsitateetarako eta Hizkuntza Politikarako zuzendari nagusia.
Nafarroako Unibertsitatearen aldetik, Manuel Casado Velarde jauna. Nafarroako Unibertsitateko Irakasleen errektoreordea.
Iragarkiaren kodea: A0113300
