I. NAFARROAKO FORU KOMUNITATEA
Agintariak eta Langileak
1514/2001 EBAZPENA, abenduaren 18koa, Nafarroako Unibertsitate Publikoko errektoreak emana, Jesús Murillo Martínez doktorea, lehiaketaren ondorioz, "Landare ekoizpena" jakintza arloko unibertsitateko katedradun izendatzen duena.
2001eko urtarrilaren 9ko Ebazpenak unibertsitateko kidegoetako lanpostuak betetzeko lehiaketara dei egin zuen. Ebazpen hori urtarrilaren 26ko "EAO"n argitaratu zen. Ikusirik, epaitzeko izendatuta dagoen batzordeak egin duen proposamena eta abuztuaren 25eko 11/1983 Legean, irailaren 26ko 1888/1984 Errege Dekretuan eta apirilaren 30eko 898/1985 Errege Dekretuan ezarritakoarekin bat.
Unibertsitatearen Erreformari buruzko abuztuaren 25eko 11/1983 Legearen 42. artikuluak eta apirilaren 30eko 898/1985 Errege Dekretuak emandako eskurantzak erabiliz, errektoreak ebatzi du Jesús Murillo Martínez doktorea Nafarroako Unibertsitate Publikoko unibertsitateko katedradun izendatzea, Nekazaritzako Ekoizpena Sailari atxikitako "Landare ekoizpena" jakintza arloan. Indarra duten xedapenen arabera dagokion soldata jasotzeko eskubidea izanen du.
Izendapen honek "Estatuko Aldizkari Ofizial"ean argitara eman eta interesatua lanpostuaz jabetzen denetik aurrera izanen ditu behar diren ondorio guztiak.
Ebazpen hau behin betikoa da bide administratiboan eta bere kontra bidezko da administrazioarekiko auzi-errekurtsoa paratzea, Administrazioarekiko Auzien Epaitegiei zuzendua, "EAO"n argitaratu eta biharamunetik bi hilabeteko epean.
Iruñean, bi mila eta bateko abenduaren hemezortzian.-Errektorea, Antonio Pérez Prados.
Iragarkiaren kodea: A0200032
