142. ALDIZKARIA - 2002ko azaroaren 25a

I. NAFARROAKO FORU KOMUNITATEA

Xedapen Orokorrak. Foru Legeak

30/2002 FORU LEGEA, azaroaren 19koa, 2004rako toki azpiegituren plan bereziari buruzkoa.

NAFARROAKO GOBERNUKO LEHENDAKARIA NAIZEN HONEK

Aditzera ematen dut Nafarroako Parlamentuak ondoko hau onetsi duela:

2004RAKO TOKI AZPIEGITUREN PLAN BEREZIARI BURUZKO FORU LEGEA.

ZIOEN AZALPENA.

Nafarroako toki administrazioari buruzko uztailaren 2ko 6/1990 Foru Legeak 61. artikuluan agintzen du Nafarroako Gobernuak, hartarako gaitasuna ematen dion foru lege bat oinarri, inbertsio planak ezarriko dituela toki entitateekin lankidetzan aritzeko tresnatzat, eta plan horien helburu nagusia izanen dela Nafarroako lurralde osoan segurtatzea nahitaezko udal zerbitzuak egon daitezen.

Hori betetzeko, bada, zenbait arau onetsi dira bata bestearen ondotik; haietarik berrienak 2001-2003rako toki azpiegituren hiru urteko planari buruzko uztailaren 3ko 7/2000 Foru Legea eta 2001-2003rako plan bereziari buruzko uztailaren 5eko 16/2001 Foru Legea dira, orain garatzen eta betetzen ari direnak.

Tresna horiei esker, kontsignatutako kapital transferentzien partiketa objektiboa lortu da, nahiz eta aurrekontuaren gutxiegitasunak ezindu duen eskatutako inbertsio guztiak asetzea. Plan horien betetzeak agerian utzi du zenbait eremuren egoera, beren kokaera geografikoagatik edo populazio gutxi eta barreiatua izateagatik edo bestegatik, makurtu dela, haien inbertsioak ezin izan baitira sartu hiru urteko planetan, beste herrietan lehentasun handiagoko obrak zeudelako, edo haien finantzen egoera oso larria zelako. Inbertsioetarako dirutzak arrazionalki igotzeak ere ez luke egoera hau konponduko.

Aipa dezagun, adibidez, presio handiko ur-horniduraren plan zuzentzailearen kasua, irispide handikoa delako. Plan hori 2001-2003rako toki azpiegituren hiru urteko planari buruzko uztailaren 3ko 7/2000 Foru Legean ageri zen, zeinaren finantzazio arrunta, kapital transferentzien bidezkoa, inbertsio kostuaren 100eko 90era iristen den. Parte-hartze portzentajea handia bada ere, defizita egoten da halako azpiegituretan Nafarroako zenbait puntutan, batez ere kasuko toki entitateak hartarako finantzaketa bere gain hartu ezin eta ez direlako atxikitzen.

Bestalde, toki programazioko inbertsioei dagokienez, toki entitate guztiek aurkeztutako eskaerak hautatu eta lehenesteko formulak aukera ematen du konprobatzeko badirela zenbait obra, entitate bakoitzak erabiltzen duen defizit kontzeptuaren arabera laburrera begira beharrezkotzat hartuak baina hala ere inbertsio planetan sartzen ez direnak, zeren aplikatzen diren gainerako aldagaiek, inbertsioak biztanleko duen errentagarritasuna ere barne, nabarmen gutxitzen dutelako obra hautatu eta lehenesteko koefizientea.

Nafarroako toki administrazioari buruzko uztailaren 2ko 6/1990 Foru Legeko 34. artikuluak agintzen du ekintza publikoaren sektoreak arautzeko Foru Komunitateko legeetan zilegi izanen dela araubide bereziak ezartzea zenbait udalentzat, baldin beren kokaera geografikoagatik, jarduera nagusiagatik, ondare historikoagatik edo beste edozein berezitasunengatik komeni bada haien antolamenduan edo finantzazio sisteman tratamendu banakatua ematea.

Lortutako esperientzia ikusita, honelako azpiegitura oinarrizkoak finantzatu, hautatu eta lehenesteko irizpideak moldatu behar dira, berdin direnek elkarrekin lehiatzeko aukera izateko moduan.

Nafarroako lurraldearen antolamenduaz eta hiri sistemaz egin diren ikerketek agertu dute badirela garapen sozioekonomiko txikiagoko zenbait udal, eta horren ondorioz heldu zaizkiela gainbehera demografikoa, populazioaren zahartzea, euskarri produktibo atzeratua, garapen ekonomikoaren eta dotazioen maila apala eta beste hainbat aldagai esanguratsu.

Kontzeptu horiek parametro harturik, bada, herri zerrenda bat ateratzen da, Nafarroako eremu deprimitutzat jotzeko modukoena; horiei eman nahi zaie finantza tratamendu berezia eta horiek dira foru lege honen helburu.

Oinarrizko azpiegiturez hornitzera bultzatzeko asmoan, ezin ahaztu da eginahalean lortu behar dela baliabideen aprobetxamendurik handiena. Hortaz, eta erdietsi behar den efikazia helburu, baliteke zenbait ekintzatarako toki entitateen borondatezko elkarteak sortu behar izatea.

Nafarroako eremu deprimituek dituzten premia gero eta handiagoak asetzeko, araubide berezi bat ezarri behar da 2004. urtera arte, indarrean den hiru urteko plana osatzeko, eremu horiek oinarrizko azpiegituretan izaten duten defizita berdintzeko funts eta finantzazio sistema banakatua ezarriz, aukera emango diena horko herritarrei gainerako nafarrek eskura izaten dituzten oinarrizko zerbitzuak haiek ere izateko.

Aurreko guztia gogoan, lagundu behar zaie toki entitate horiei inbertsio behinenak egiteko: presio handiko ur-horniduraren plan zuzentzailea, ura banatzeko eta saneamendurako sare lokalak, zoladurak, kaleetako argiteria, udaletxeak eta herri-bideak ere barne, 2001-2003rako toki azpiegituren hiru urteko planerako eskaerak oinarri hartuta eta funtsak aplikatzeko arau honek erasaten dien entitateetarako erdietsi diren hautatu eta lehenesteko irizpideak aintzat hartuta.

Finantzaketari dagokionez, presio handiko ur-horniduraren plan zuzentzaileari 100eko 10 emanen zaio 2001-2003rako toki azpiegituren hiru urteko planaren Foru Legeak agintzen duenaren osagarri; toki programazioko obretarako eutsi eginen zaio arau hori aplikatuta tokatzen den finantzaketari.

Foru lege honen ondoriozko dotazioak osagarriak dira 2001-2003rako toki azpiegituren hiru urteko planari buruzko uztailaren 3ko 7/2000 Foru Legeak agintzen dituenen aldean; biek batera osatzen dute toki ogasunek kasuan kasuko ekitaldi ekonomikoan Nafarroako tributuetan parte hartzeko fondotik toki entitateek jaso behar duten kapital transferentzien bidezko aportazioa.

Azkenik, arau honek toki azpiegituren sistemarekiko duen osagarritasuna aitorturik, uztailaren 3ko 7/2000 Foru Legeak eta bera garatzeko araudiak agintzen duen prozedura erabiliko da foru lege honek espresuki aurreikusten ez dituen ekintzetarako.

1. artikulua. Foru lege honen helburua da 2004ko aurrekontu-ekitaldirako plan berezi bat ezartzea toki azpiegituren gaietarakoa, 2001-2003rako toki azpiegituren hiru urteko planari buruzko uztailaren 3ko 7/2000 Foru Legeak eta 2001-2003rako plan bereziari buruzko uztailaren 5ko 16/2001 Foru Legeak agintzen dutenaren osagarri. Planak eranskinean ageri diren herriak izanen ditu helburu, foru lege honek agintzen dituenetarako horiek hartzen baitira eremu deprimitutzat.

2. artikulua. Finantzatu beharreko inbertsioak honakoak izanen dira, hurrenez hurren eta inbertsio mota bakoitzari funtsak aplikatuz, behin aurrekoa osatu ondoren: presio handiko ur-horniduraren plan zuzentzailea eta 2004ko lanen planean sartu ez diren zoladurari buruzko toki programazioko lanak, baldin eta delako planean sartu ziren ura banatzeko eta saneamendurako sare lokaletarako inbertsioekin lotuta badaude, ura banatzeko eta saneamendurako sare lokalen lanak eta bai, halakorik bada, lan horiek erasandako kale-zoladurako lanak, bi inbertsio motak eskatu badira; kale-zoladurako lanak, kaleetako argiteria, udaletxeak eta, azkenik, herri-bideetako lana, 2001-2003rako toki azpiegituren hiru urteko planari buruzko uztailaren 3ko 7/2000 Foru Legeko 2. eta 3. artikuluek zehazten duten moduan.

3. artikulua. Plan berezi honi egiten zaion aportazioa, Nafarroako aurrekontu orokorretik kapital transferentziak eginez gauzatuko dena, 3.906.579 eurokoa izanen da.

4. artikulua. Presio handiko ur-horniduraren plan zuzentzailea gauzatu eta betearazteko, aintzat hartuko da 2001-2003rako toki azpiegituren hiru urteko planari buruzko uztailaren 3ko 7/2000 Foru Legeak eta haren garapeneko araudiek agintzen dutena.

5. artikulua. Toki programazioko lanak hautatu eta lehenesteko, aintzat hartuko da foru lege honek aipatzen dituen toki entitateek 2001-2003rako hiru urteko planaren formazio prozesuan aurkeztutako eskaerek izan duten hautatze eta leheneste koefizientea. Zehaztu diren klaseko lanetatik laburrera begira beharrezkotzat kalifikatu direnak baizik ez dira aintzat hartuko, azpiegituretan bakoitzak duen defizitaren arabera.

6. artikulua. Presio handiko ur-horniduraren plan zuzentzaileko lanetarako aportazioa 100eko 10ekoa izanen da, 2001-2003rako toki azpiegituren hiru urteko planari buruzko Foru Legeak inbertsio horietarako aurreikusten dituen aportazioen osagarri.

7. artikulua. Toki programazioko lanetarako aportazio araubidea 2001-2003rako toki azpiegituren hiru urteko planari buruzko Foru Legeko 9. eta harekin bat datozen artikuluek agintzen dutena izanen da.

8. artikulua. Foru lege honetan jasotzen den plan berezia sortu, garatu, kudeatu eta betearazteko prozedura, 2001-2003rako toki azpiegituren hiru urteko planari buruzko uztailaren 3ko 7/2000 Foru Legeak eta lege hori garatzeko erregelamendua onesten duen azaroaren 20ko 36/2000 Foru Dekretuak ezartzen dutena izanen da, arau honetan aurreikusten diren berezitasunen arabera moldatua.

9. artikulua. 1. Ekitaldi ekonomiko batean erabiltzen ez diren baliabideak, hurrengo ekitaldikoei erantsiko zaizkie.

Kreditu bat erantsi eta eranste horri baimena eman zaion ekitaldi ekonomikoan aplikatzen ez bada, hurrengo ekitaldiko aurrekontuetako gastu egoerari erantsiko zaio, ekitaldi horretan aplikatzeko.

2. Emaitzen kontuetako aurrerapenak aurreko ekitaldietako lanen kostu soberakinak berdintzeko erabiliko dira eta bai, hala behartzen bada, lan berriak egiteko ere, 2, 4 eta 5. artikuluetan agintzen diren modu eta baldintzetan.

LEHENBIZIKO XEDAPEN GEHIGARRIA

Presio handiko ur-horniduraren plan zuzentzaileko inbertsioak, foru lege honek aipatzen dituenak, toki entitate bat baino gehiagok elkar hartuta egitea beharrezkoa bada, hartarako elkartea sortzea izanen da baldintza; elkarte bakoitzak arau honen eranskinean ageri diren herriek osatua beharko du eta zilegi izanen da beste entitate batzuk ere elkartekide izatea, betiere populazioaren gehiengoa beste herri horietakoa bada.

BIGARREN XEDAPEN GEHIGARRIA

Kapital transferentziei dagozkien zenbatekoa banatzeko, 2001- 2003rako toki azpiegituren hiru urteko planari buruzko Foru Legeak eta 2001-2003rako plan bereziari buruzko uztailaren 5eko 16/2001 Foru Legeak toki azpiegituren gaietan agintzen dutena hartuko da aintzat.

AZKEN XEDAPEN BAKARRA

Foru lege honek Nafarroako ALDIZKARI OFIZIALean argitaratu eta biharamunean hartuko du indarra.

Nik, Nafarroako Foru Eraentza Birrezarri eta Hobetzeari buruzko Lege Organikoaren 22. artikuluan xedatutakoa bete dadin, Foru Lege hau B.M. Erregearen izenean aldarrikatzen dut, Nafarroako ALDIZKARI OFIZIALean berehala argitara eta Estatuko Aldizkari Ofizialera igor dadila agintzen dut eta hiritar eta agintariei bete eta betearaz dezaten manatzen diet.

Iruñean, bi mila eta biko azaroaren hemeretzian._Nafarroako Gobernuko lehendakaria, Miguel Sanz Sesma.

E R A N S K I N A

KODEA UDALERRIA

001 ABAIGAR

002 ABARTZUZA

003 ABAURREGAINA

004 ABAURREPEA

005 ABERIN

007 ADIOS

008 AGUILAR KODESKOA

011 ALLIN

AMILLAO

ARAMENDIA

ARBEITZA

ARTABIA

ETXABARRI

EULTZ

GALDIO

LARRION

MUNETA

ZUBIELKI

013 AMESKOABARREN

ARTATZA

BAKEDAO

BARINDAO

EKALA

GOLLAO

SAN MARTIN-AMESKOA

ZUDAIRI

014 ANTZINIBAR

ANTZIN

MENDILIBARRI

017 ANUE

ARITZU

BURUTAIN

EGOZKUE

ETSAIN

ETULAIN

LEAZKUE

OLAGUE

018 AÑORBE

020 ARAITZ

ARRIBE-ATALLU

AZKARATE

GAINTZA

INTZA

UZTEGI

021 ARANARATXE

022 ARANTZA

024 ARANO

026 ARAS

027 ARBIZU

028 ARTZIBAR

ARRIETA

ARTOZKI

AZPARREN

LAKABE

NAGORE

SARAGUETA

URITZ

HIRIBERRI-ARTZIBAR

030 ARELLANO

031 ARESO

033 ARIA

034 ARIBE

035 ARMAÑANTZAS

037 ARRUAZU

039 ARTAZU

040 ATETZ

AROSTEGI

ZIGANDA

BERATSAIN

BEUNTZA

EGUARATS

ERITZE

043 AZUELO

044 BAKAIKU

045 BARASOAIN

046 BARBARIN

047 BARGOTA

048 BARILLAS

049 BASABURUA

ARRARATS

BERUETE

GARTZARON

IGOA

IHABEN

ITSASO

JAUNTSARATS

OROKIETA-ERBITI

UDABE-BERAMENDI

051 BEIRE

052 BELASKOAIN

055 BETELU

056 BIURRUN-OLKOTZ

BIURRUN

OLKOTZ

058 AURITZ

059 BURGI

061 EL BUSTO

063 CABREDO

071 GAZTELUBERRI

073 ZIORDIA

074 ZIRAUKI

075 ZIRITZA

079 DESOJO

080 DEIKAZTELU

081 DONAMARIA

082 ETXALAR

083 ETXARRI

085 ETXAURI

087 ELGORRIAGA

089 ENERITZ

090 ERATSUN

091 ERGOIENA

DORRAO

LIZARRAGA

UNANU

092 ERROIBAR

AINTZIOA

AURIZBERRI

BIZKARRETA-GERENDIAIN

ERRO

ESNOTZ

LINTZOAIN

MEZKIRITZ

ORONDRITZ

ZILBETI

093 EZKAROZE

094 ESLABA

095 ESPARTZA

096 ESPRONTZEDA

099 ETAIU

100 EULATE

102 EZKURRA

103 EZPOROGI

AIESA

110 GALIPENTZU

111 GALOZE

IZIZE

ITZALLE

USKARTZE

112 GARAIOA

113 GARDE

114 GARINOAIN

115 GARRALDA

116 GENEVILLA

118 GOÑERRI

AIZPUN

AZANTZA

GOÑI

AMUNARRITZ

URDOTZ

119 GORZA

GORZA

IGARI

120 GESALATZ

ARGIÑAO

ESTENOTZ

GARISOAIN

GENBE

IRURRE

ITURGOIEN

IZURTZU

LERATE

MUETZ

MUNIAIN-GESALATZ

BIDAURRE

121 GIRGILLAO

ETXARREN-GIRGILLAO

GIRGILLAO

124 IBARGOITI

ABINTZAO

IDOTZIN

IZKO

GETZE-IBARGOITI

125 IGUZKITZA

AZKETA

IGUZKITZA

LABEAGA

URBIOLA

126 IMOTZ

ETXALEKU

ERASO

GOLDARATZ

LATASA

MUSKITZ

OSKOTZ

URRITZA

ZARRANTZ

127 IRAÑETA

128 IZABA

129 ITUREN

130 ITURMENDI

132 ITZAGAONDOA

ARDATZ-ITZAGAONDOA

133 ITZALTZU

134 JAURRIETA

135 XABIER

136 TXULAPAIN

ARISTREGI

BEORBURU

GARTZIRIAIN

LARRAIOTZ

MARKALAIN

NABATZ

NUIN

OLLAKARIZKETA

OTSAKAR

OSINAGA

UNTZU

137 LABAIEN

139 LANA

GALBARRA

GASTIAIN

NARKUE

ULIBARRI

BILORIA

140 LANTZ

141 LAPOBLACION

LAPOBLACION

MEANO

143 LARRAGOA

145 ELIZAGORRIA

146 LEATXE

147 LEGARDA

148 LEGARIA

150 LEOTZ

ARTARIAIN

IRATXETA

LEOTZ

OLETA

151 LERGA

154 LEZAUN

155 LEDEA

156 LIZOAIN

158 LONGIDA

AOS

ARTAXO

EKAI

MURELU-LONGIDA

BILLABETA

160 LUKIN

162 MARAÑON

166 MENDAZA

ACEDO

ASARTA

MENDAZA

UBAGO

168 METAUTEN

ARTEAGA

GAUZA

METAUTEN

OLLOBARREN

OLLOGOIEN

ZUFIA

170 MIRAFUENTES

172 ELO

174 MORENTIN

175 MUES

177 MURIETA

179 MURILLO EL FRUTO

180 MURUZABAL

181 NABASKOZE

AIZPURGI

NABASKOZE

USTAIZE

182 NAZAR

184 OKO

185 OTSAGABIA

186 ODIETA

ANOZIBAR

ZIAURRITZ

GASKUE

GELBENTZU

GENDULAIN

LATASA

OSTITZ

ERRIPA

187 OITZ

188 OLAIBAR

ENDERITZ

OLAITZ

OLABE

OTSAKAIN

190 OLEXUA

192 OLORITZ

ETXAGUE

MENDIBIL

OLORITZ

SOLTXAGA

195 ORBAITZETA

196 ORBARA

197 ORISOAIN

198 ORONTZE

199 OROTZ-BETELU

203 PETILLA DE ARAGON

204 PIEDRAMILLERA

207 PUIU

209 ERROMANTZATUA

ARBONTZE

BIOTZARI

DOMEÑU

MURILLO-BERROIA

210 ERRONKARI

211 ORREAGA

212 ZARE

213 SALDIAS

214 JAITZ

217 SAN MARTIN UNX

219 SANTSOL

222 SARTZE

IBILTZIETA

SARTZE

225 SORLADA

226 SUNBILLA

229 TIRAPU

230 TORRALBA DEL RIO

231 TORRES DEL RIO

233 TULEBRAS

234 UKAR

235 UXUE

237 UNTZITIBAR

ALTZORRITZ

ARTAITZ

ZENBORAIN

NAXURIETA

UNTZITI

ZABALTZETA

238 UNTZUE

239 URDAZUBI

240 URDIAIN

241 URRAULGOITI

AIETXU

IMIRIZALDU

IRUROZKI

ONGOTZ

242 URRAULBEITI

ARTIEDA

GERETZ

ARRIPODAS

SAN VICENTE

SANTSOAIN

TABAR

243 URROTZ

244 URROTZ

245 URZAINKI

246 UTERGA

247 UZTARROZE

248 LUZAIDE

252 BIDANKOZE

253 BIDAURRETA

255 VILLAMAYOR DE MONJARDIN

256 HIRIBERRI-AEZKOA

260 DEIERRI

ALLOTZ

ARANDIGOIEN

ARITZALA

ARITZALETA

AIZKOA

BEARIN

ERAUL

GOROZIN

IBIRIKU-DEIERRI

IRUÑELA

LAKAR

LORKA

MURELU-DEIERRI

MURUGARREN

ERREZU

UGAR

HIRIBERRI-DEIERRI

ZABAL

ZURUKUAIN

261 ESA

262 ZABALTZA

ARRAITZA

UBANI

ZABALTZA

263 ZUBIETA

264 ZUGARRAMURDI

265 ZUÑIGA __ __ a0212496 __

Iragarkiaren kodea: