I. NAFARROAKO FORU KOMUNITATEA
Agintariak eta Langileak
215/2002 EBAZPENA, urriaren 11koa, Justizia zuzendari nagusiak emana, Justiziako Estatu Idazkaritzak 2002ko irailaren 12an eman Ebazpena Nafarroako ALDIZKARI OFIZIALean argitaratzea xedatzen duena. Hartan, Justizia Administrazioko Agenteen Kidegoan sartzeko hautapen probak, 2001eko uztailaren 19ko Aginduz deituak, gainditu dituzten izangaien behin betiko zerrenda onetsi eta argitara ematen da.
2002ko irailaren 12ko Ebazpenaren bitartez, Justiziako Estatu Idazkaritzak Justizia Administrazioko Agenteen Kidegoan sartzeko hautapen probak, 2001eko uztailaren 19ko Aginduz deituak, gainditu dituzten izangaien behin betiko zerrenda onetsi eta argitara eman da.
Deialdiaren oinarrietan eta otsailaren 16ko 249/1996 Errege Dekretuaren 20. artikuluan ezarritakoari jarraituz, bidezko da Justiziako Estatu Idazkaritzak eman Ebazpena Nafarroako ALDIZKARI OFIZIALean argitaratzea. Errege Dekretu horrek Justizia Administrazioko Ofizial, Laguntzaile eta Agenteen Kidegoen Erregelamendu Organikoa onesten du.
Horrenbestez, eta Lehendakaritza, Justizia eta Barne kontseilariaren urriaren 13ko 2002/1999 Foru Aginduak emandako eskurantzak erabiliz,
EBATZI DUT:
1. Justiziako Estatu Idazkaritzak 2002ko irailaren 12an eman Ebazpena Nafarroako ALDIZKARI OFIZIALean argitara dadila xedatzea. Bertan, Justizia Administrazioko Agenteen Kidegoan sartzeko hautapen probak, 2000ko uztailaren 19ko Aginduz deituak, gainditu dituzten izangaien behin betiko zerrenda onetsi eta argitara ematen da.
2. Justiziako Estatu Idazkaritzak 2002ko irailaren 12an eman Ebazpena eta eranskin guztiak Justizia Zuzendaritza Nagusian (Iruñean, Iratxeko monasterioa, 22-behean) daude ikusgai.
Iruñean, bi mila eta biko urriaren hamaikan.-Justizia zuzendari nagusia, José María Abad Alegría.
E R A N S K I N A
EBAZPENA, 2002ko irailaren 12koa, Justiziako Estatu Idazkaritzak emana, Justizia Administrazioko Agenteen Kidegoan sartzeko txanda irekiko hautapen probak, 2001eko uztailaren 19ko Aginduz deituak, gainditu dituzten izangaien behin betiko zerrenda onetsi eta argitara ematen duena.
2001eko uztailaren 19ko Aginduz ("Estatuko Aldizkari Ofizial"a, irailaren 11koa) egin zen deia Justizia Administrazioko Agenteen Kidegoan sartzeko hautapen probetarako. Haren 10. oinarrian ezarritakoari jarraituz, izangaien alegazioak aztertu eta ebatzirik, eta Epaimahai Kalifikatzaileak hautapen probak gainditu dituzten izangaien behin betiko proposamena igorririk.
Estatu Idazkaritza honek erabaki du:
Lehenbizi.-Lurralde eremu bakoitzean hautapen probak gainditu dituzten izangaien behin betiko proposamena onestea. Ebazpen honen I. eranskinean jaso da zerrenda.
Bigarren.-Behin betiko zerrenda horretako izangaiek, Ebazpen hau "Estatuko Aldizkari Ofizial"ean argitaratu eta hogei egun naturaletan, honako dokumentuak aurkeztuko dituzte Justizia Ministerioko Erregistro Orokorrean (Justiziako Estatu Idazkaritza, calle de la Manzana, 2) edo Administrazio Publikoen Araubide Juridikoari eta Guztiendako Administrazio Prozedurari buruzko azaroaren 26ko 30/1992 Legeko 38. artikuluak aipatzen dituenetako edozein bide erabiliz:
A) Nortasun Agiri Nazionalaren bi fotokopia konpultsatu.
B) Deialdian eskatzen den tituluaren fotokopia konpultsatua edo titulua eskuratzeko eskubidea ematen dioten irakasgai guztiak gainditu izana frogatzen duen ziurtagiri akademikoa, harekin batera titulua ateratzeko eskubideak pagatu izanaren frogagiria ere aurkeztuta.
C) Justizia Administrazioko Agente eginkizunetan aritzea galarazten dion gaitz edo akats fisikorik ez duela frogatzeko ziurtagiri medikoa, interesatuari dagokion Gizarte Segurantzako Medikuntza Orokorreko Fakultatiboak emana. Interesatua ez badago Gizarte Segurantzako araubide batean sartua, Osasun eta Kontsumo Ministerioko Zerbitzu Probintzialek eta Autonomia Erkidegoetako eite bereko organoek emanen dute ziurtagiria.
Legez 100eko 33ko ezgaitasuna edo handiagoa aitortua duten izangaiek Lan eta Gizarte Gaien Ministerioko ziurtagiria aurkeztu beharko dute, edo zeinek bere Autonomia Erkidegoa, ezgaitasun hori dutela frogatzeko eta gai direla Justizia Administrazioko Agenteen Kidegoari dagozkion eginkizunetan aritzeko.
D) Zinpeko deklarazioa, adierazten duena ez duela bateraezintasun arrazoirik eta ez eginkizun publikoetan aritzeko debekurik, Estatuaren, Autonomia Erkidegoen edo toki administrazioen Kidego batetik diziplina prozedura baten bidez bereizi gabea dela, eta ez duela eginkizun publikoetan aritzeko etendurarik izan diziplina edo auzitegi bidean, non eta errehabilitazioa lortu ez duen (II. eranskina).
Hirugarren.-Aurreko atalean aipatu dokumentuak aurkeztu ezina ongi frogatzen bada, zilegi da beste edozein bide erabiltzea, zuzenbidean onartzeko modukoa bada, deialdian eskatu baldintzak betetzen direla frogatzeko.
Laugarren.-Funtzionario publiko diren izangaiek ez dituzte berriz frogatu beharko beren aurreko izendapenerako bete behar izan zituzten baldintzak eta betebeharrak; horren ordez, Ministerioaren edo haien gaineko Organismoaren ziurtagiria aurkeztuko dute funtzionarioak direla eta beren zerbitzu orrian agertzen diren gorabehera guztiak frogatzeko.
Bosgarren.-Inork behar den epean delako dokumentazioa aurkezten ez badu, ezinbesteko arrazoiengatik ez bada, edo dokumentazioa aztertuta agertzen bada ez duela betetzen 2.1. oinarrian ezarri direnetako baldintzaren bat, ez da karrerako funtzionario izendatuko eta ordura arte egindako jarduerak baliogabetuko zaizkio, hasierako eskabidean informazio okerra jartzeagatik egozten ahal zaion erantzunbeharra ezertan galarazi gabe.
Seigarren.-Ebazpen honen kontra, administrazio bidea amaitzen baitu, zilegi da berraztertzeko errekurtsoa jartzea, Estatu Idazkaritza honi zuzendua, hilabeteko epean, edo administrazioarekiko auzi-errekurtsoa, Administrazioarekiko Auzien Epaitegi Zentralei zuzendua, bi hilabeteko epean. Ebazpen hau "Estatuko Aldizkari Ofizial"ean argitaratu eta biharamunetik kontatuko da epea.
Madrilen, bi mila eta biko irailaren hamabian.-Justiziako Estatu Idazkaria (P.O.D. 1996ko urriaren 29koa).-Zuzendari Nagusia, Carlos Lesmes Serrano.-Justizia Administrazioaren zerbitzuko Giza Baliabideen zuzendariorde nagusia.
I. ERANSKINA
Nafarroan aritzeko oposizioa gaindutu duten izangaien zerrenda
HURRENKERA NANa DEITURAK ETA IZENA 1. NOTA 2. NOTA AZKEN NOTA
1 33434708 RIPALDA AYARRA, BERTA MARIA 109.51 80.25 189.76
2 29032049 REYES BALLESTEROS, FELICITAS 101.86 83.75 185.61
3 33441802 ROS SANZ, MARIA EUGENIA 104.01 74.25 178.26
4 15949127 FERNANDEZ CASALES, FERNANDO 102.04 74.50 176.54
5 33444408 OROZ LARRAYOZ, ICIAR 99.70 74.00 173.70
6 44616786 SARMIENTO DE CARLOS, SONIA 98.55 74.00 172.55
7 29095751 RIVERO REGIDOR, ALFONSO 103.85 68.00 171.85
8 29031837 ARRIBA DE PRADO, M. BEGOÑA 92.71 78.25 170.96
9 44625919 ILINCHETA LERIN, IZASCUN 99.69 70.00 169.69
10 30633572 ARRIBA DE PRADO, M. BEGOÑA 88,88 78,75 167,63
11 18193627 TAPIZ SALINAS, ANA 95.19 71.75 166.94
12 33440546 LARRAZ LARUMBE, VICENTE 99.36 67.50 166.86
II. ERANSKINA
.............................................. jaunak/andreak aditzera ematen du .................(e)an daukala helbidea, ..... urte dituela eta ............ zenbakiko NANa duela; zin egiten du edo hitz ematen, Justizia Administrazioko Agenteen Kidegoko funtzionario izendatzea lortzeko, Administrazio Publiko baten zerbitzutik inoiz bereizi gabea dela, ez zaiola eginkizun publikoetan aritzeko debekurik ezarri eta ez duela xedapen organikoetan finkatzen direnetako ez-gaitasun edo bateraezintasun arrazoirik.
.......................................(e)n, 2002ko ....................aren ......(e)an.
(Izenpetzen duena)
Iragarkiaren kodea: A0211095