III. NAFARROAKO TOKI ADMINISTRAZIOA
NOAIN (ELORTZIBAR)
Herri-larreen enkantea
Noain-Elortzibarko Udalak, 2002ko azaroaren 5eko osoko bilkuran, Otanoko herri-larreen aprobetxamenduaren errentamendua, 8 urtetarako, ahozko posturen bidezko prozeduran, enkante publikora ateratzea erabaki zuen.
Enkantea abenduaren 16an eginen da goizeko hamaika eta erdietan Udaletxeko bulegoetan; Errege kalea 62, A.
Baldin eta enkantea esleitu gabe geratzen bada, abenduaren 17an, leku eta ordu berean, bigarren enkantea eginen da % 10eko beherapenarekin. Berau ere esleitu gabe geratzen bada, hirugarren bat eginen da abenduaren 18an, leku eta ordu berean, % 20ko beherapenarekin.
Baldintza ekonomiko-administratiboak Udaletxeko bulegoetan daude interesdunen eskura.
Noainen, bi mila eta biko azaroaren bostean. Alkate udalburua, Miguel Elizari Reta.
Iragarkiaren kodea: A0211810