I. NAFARROAKO FORU KOMUNITATEA
Herrilanak eta Zerbitzu Publikoak
EBAZPENA, 2002ko urriaren 7koa, Nafarroako Kontuen Ganbarako lehendakariak emana, Ganbarak 2003rako Nafarroako udal batzuen kontuak eta kudeaketa ekonomiko-finantzarioa fiskalizatzeko behar dituen laguntza teknikoko lanak prozedura irekiaren eta enkantearen bidez kontratatzeko espedientea onesten duena.
1.-Entitate esleitzailea: Nafarroako Kontuen Ganbara.
2.-Kontratu mota: laguntza teknikoa.
3.-Kontratuaren xedea: Ganbarak 2003rako Foru Komunitateko udal batzuen kontuak eta 2002ko kudeaketa ekonomikoa fiskalizatzeko behar dituen laguntza teknikoko lanak kontratatzea. Hona hemen udal horiek: 1 Tutera, 2 Barañain, 3 Burlata, 4 Lizarra, 5 Tafalla, 6 Zizur Nagusia, 7 Atarrabia, 8 Baztan, 9 Altsasu, 10 Corella, 11 Antsoain, 12 Cintruénigo, 13 Berriozar, 14 San Adrián eta 15 Azkoien.
Udalak aztertzeko lanak elkarrengandik bereiziak direnez eta txosten bana sortu behar dutenez, kontratazio espedientea 15 lotetan banatzen da, lehiakideen konkurrentzia errazteko. Horiek nahi adina lote hautatzen ahalko dituzte, lehiaren iragarkiko 8. idatz-zatian kaudimenari buruz ezarririko betebeharren arabera. Loteak esleitzerakoan, lote bezainbat kontratu eginen dira.
Lote batzuetarako proposamenak aurkeztuz gero, eskaintza ekonomikoak banan-banan bereziak izanen dira. Beraz ez da eskaintza bat ere onartuko lote batzuetarako edo guztietarako.
4.-Egiteko epea: 4 hilabete kontratua izenpetzen denetik hasita.
5.-Izapidaketa, prozedura eta esleitzeko era: kontratazio espedientea modu arruntean izapidatuko da, prozedura irekiaren eta enkantearen bidez. Espedientea osatzen duen lote bakoitza proposamenik zuhurrena aurkezten duen lehiakideari aurkeztuko zaio, betiere lote bakoitzerako hasierako prezioa gainditzen ez badu.
6.-Hasierako prezioa: kontrata bidezko aurrekontuak gehienez ere 199.836 (ehun eta laurogeita hemeretzi mila, zortziehun eta hogeita hamasei) euro eginen du, honela banaturik:
1. Tutera (1. lotea): 18.030 euro.
2. Barañain (2. lotea): 16.258 euro.
3. Burlata (3. lotea): 16.528 euro.
4. Lizarra (4. lotea): 15.025 euro.
5. Tafalla (5. lotea): 15.025 euro.
6. Zizur Nagusia (6. lotea): 15.025 euro.
7. Atarrabia (7. lotea): 13.523 euro.
8. Baztan (8. lotea): 12.020 euro.
9. Altsasu (9. lotea): 12.020 euro.
10. Corella (10. lotea): 12.020 euro.
11. Antsoain (11. lotea): 12.020 euro.
12. Cintruénigo (12. lotea): 10.518 euro.
13. Berriozar (13. lotea): 10.518 euro.
14. San Adrián (14. lotea): 10.518 euro.
15. Azkoien (15. lotea): 10.518 euro.
BEZa eta lanak egiteko gastu guztiak barne.
Kontratuei buruzko Foru Legeko 80. artikuluko 1.e) idatz-zatian xedaturikoarekin bat, Nafarroako Kontuen Ganbarak berriz kontratuak izenpetzen ahalko ditu, hasierako kontratuaren esleipena hartzen duten kontratistekin, plegu honetan aurreikusiriko prestazioen antzekoetarako, gehienez ere hiru urtez. Kasu horretan urte haietariko bakoitzerako kontrata bidezko aurrekontuak gehienez ere atal honetan aurreikusten dena eginen du, espedientea osatzen duen lote bakoitzerako eta lote guztietarako, aurreko urteko Nafarroako KPIa gehiturik. Demagun urtero KPI iraunkorra eta ehuneko 2koa dela. Horrela lau urteetarako lote guztien hasierako prezioak gehienez ere 823.646 euro eginen du, BEZa eta gastuak barne.
7.-Agiriak eta argibideak non jaso: Kontratazio espedienteari buruzko agiri eta argibideak eta hura arautzen duten administrazio klausula partikularren plegua Nafarroako Kontuen Ganbararen egokitzan eskuratzen ahalko dira, Iruñeko Ansoleaga kaleko 10ean (P.K.: 31001). Telefonoa: 948-421400. Faxa: 948-421433.
8.-Kontratistaren berariazko betebeharrak: gaitasun juridiko osoa eta jardutekoa duten pertsona fisiko edo juridikoak daude gaiturik kontratua izenpetzeko, baldin eta zerga eta Gizarte Segurantzaren kuota guztiak pagatu badituzte, kontratuei buruz indarra duten legeetan aurreikusiriko debekurik ez badute eta Kontu Auditoreen Erregistro Ofizialean lanean jarduteko izena emanak badira.
Kontuen Ganbarak horretarako osatzen diren enpresaburu taldeekin ere izenpetzen ahalko du kontratua, baita batera lehian aritzen diren enpresekin ere. Erantzukizuna beti solidarioa eta kontratuaren ondoriozko eginbeharrak ezin banatuko dira. Enpresek ordezkari bakar bat izenpetu beharko dute, eskubideak erabili eta kontratuaren ondoriozko eginbeharrak betearazteko ahalmen guztiak izanen dituena.
Betiere, pertsona juridiko edo naturalak izan beharko dute. Haien helburu edo jarduerak zuzenean loturik egon beharko du kontratuaren xedearekin, kasuan kasuko estatutu edo osaeraren arauen arabera, edo bestela halaxe frogatu beharko da. Erakunde bat eduki beharko dute, kontratua betetzeko adina langile eta baliabide biltzen dituena.
Aurreko lerroaldeari dagokionez, teknikaren edo langileen aldetik, kontratu honetan parte hartzeko gutxieneko betebeharrak hauexek izanen dira:
a) Kontu Auditoreen Erregistro Ofizialean izen emana egotea: Nafarroako Kontuen Ganbarak antolaturiko lehian parte hartzen duen enpresa edo auditoreak Kontu Auditoreen Erregistro Ofizialean lanean jarduteko izena emana beharko du.
b) Langileak:
b.1. Enpresa edo auditoreak frogatu beharko du hautatu nahi dituen hiruna loterengatik (edo beheragoko edo goragoko zatikiagatik), taldeburu bat daukala, gutxienez ere unibertsitateko diploma edo antzeko titulua eta auditoretzan bost urteko esperientzia eduki beharko duena.
b.2. Hautatu nahi duen lote bakoitzerako frogatu beharko du lana egiteko laguntzaile bat duela, gutxienez ere unibertsitateko diploma edo antzeko titulua eta auditoretzan hiru urteko esperientzia eduki beharko duena.
b.3. 8. eta 9. loteetan (Baztango eta Altsasuko Udalarenak baitira), Nafarroako euskal eremuan daudenez, laguntzaileak frogatu beharko du euskaraz ongi edo oso ongi dakiela, aztertzeko lana hizkuntza horretan egiteko moduan.
c) Enpresaren esperientzia: lehian parte hartzen duen enpresa edo auditoreak frogatu beharko du azken hiru urteetan (1999an, 2000n eta 2001ean) gutxienez ere hiruna auditoretza eginak dauzkala, administrazio publikoetan edo merkataritzari buruz indarra duen arautegiak urtero kontuen auditoretza egitera behartzen dituen enpresetan.
Atal honetan ezarririko betebeharrak 1. kartazalean frogatu beharko dira (enpresaren orotariko agiriei buruzko horretan). Teknikaren edo langileen kaudimenaren betebeharrak honelaxe frogatuko da:
1. Aurreko a) eta b) lerroaldeetan eskatzen diren betebeharrak lehian parte hartzen duen enpresa edo auditorearen adierazpen erantzulearen bidez frogatuko dira. Adierazpen horretan agerraraziko dira Kontu Auditoreen Erregistro Ofizialean izena emateko zenbakia eta udal bakoitzean lana eginen duten langileen izen-deiturak, tituluak eta auditoretzan duten esperientzia. 8. eta 9. loteak hautatuz gero (Baztango eta Altsasuko Udalarenak), enpresa edo auditoreak, gainera, frogatu beharko du adierazpenean lana egiteko izendaturiko laguntzaileak euskaraz badakiela, ongi edo oso ongi, aztertze-lana hizkuntza horretan egiteko moduan.
2. c) lerroaldean eskatzen den betebeharra Kontabilitate eta Kontu Auditoretzaren Institutuak luzatzen duen ziurtagiri baten bidez frogatuko da. Ziurtagiri horretan agerraraziko dira enpresa edo auditoreak Kontu Auditoreen Erregistro Ofizialean izena eman zueneko eguna eta hiru urteetariko bakoitzean eginiko auditoretzen zerrenda, auditoretzaren xede izan diren administrazio publikoak edo enpresak adieraziz eta, enpresak izanez gero, urtero beren kontuen auditoretza egitera beharturik ote dauden.
9.-Proposamenen aurkezpena: proposamenak Kontuen Ganbarako erregistro ofizialean aurkeztuko dira, 8:30etik 14:30 arte, lehiaren iragarkia Nafarroako ALDIZKARI OFIZIALean argitaratu eta biharamunetik hogeita sei eguneko epean. Proposamen horiek I. eranskineko eskabidea izanen dute eredu.
Esleitzeko prozedura prentsan agertzeak ez du eraginik izanen proposamenak aurkezteko epea kontatzen hasteko.
10.-Aurkeztu beharreko agiriak: lehiakideek kartazal bakar batean aurkeztuko dituzte proposamenak. Kartazal horretan beste bi sartuko dituzte, itxiak eta lehiakideak edo hau ordezkatzen duenak izenpetuak. Kartazal batean zenbakia eta edukia agertuko dira, ondoren ezartzen denaren arabera:
a) 1. kartazala, "orotariko agiriak, gaitasuna, kaudimena eta nortasuna frogatzen dutenak" izenekoa. Lehiakidearen orotariko agiriak bilduko dira, haien artean:
1. Pertsona fisikoak izanez gero, eskaintza aurkezten duenaren NANa edo haren fotokopia kautotua.
2. Pertsona juridikoak izanez gero, osaeraren eskritura eta Erregistroan inskribatzeko ziurtagiria, eta eskaintza izenpetzen duenak enpresa lehiakidearen izenean eta haren ordezkaritzaz jarduteko duen ahalordearen froga-agiria.
3. Adierazpen erantzulea, lehiakideak zerga eta Gizarte Segurantzaren kuota guztiak pagatu eta indarra duten xedapenek segurtasunari, laneko osasunari eta lan arriskuen aurkako aurreneurriei ezartzen dituzten eginbeharrak betetzen dituela dioena, betiere proposamenak aurkezteko epea bukatu arte.
4. Adierazpen erantzulea, kontratuak izenpetzeko debekurik ez duela dioena. Debeku horiek Nafarroako Administrazio Publikoen Kontratuei buruzko ekainaren 16ko 10/1998 Foru Legeko 30. artikuluan eta Administrazio Publikoen Kontratuei buruzko Legearen testu bategina onesten duen ekainaren 16ko 2/2000 Legegintzako Errege Dekretuan ezarri ziren.
5. Hala bada, enpresen aldi baterako batasun bat osatzeko konpromisoa. Bi enpresak edo gehiagok lehian parte hartzen dutenean, aldi baterako batasuna osatuz edo batera esku hartuz, osatzen duten lehiakide guztiek beren nortasuna eta gaitasuna frogatu beharko dute eta agiri pribatu batean adierazi beharko dituzte izenpetzen duten enpresaburuen izen-deiturak eta inguruabarrak, haietariko bakoitzaren parte-hartzea eta, kontratuak diraueino, Kontuen Ganbararen aurrean haien ordezkaritza osoa duenaren izena.
Batasuna osatzen duten enpresa guztien ordezkariek eta ahaldunak izenpetu beharko dute agiri hori.
Erantzukizuna betiere solidarioa izanen da eta kontratuaren ondoriozko eginbeharrak ezin banatuko dira.
6. Teknikaren eta langileen kaudimenaren frogak. Kontu Auditoreen Erregistro Orokorrean lanean jarduteko izena emana dagoela frogatzen duen ziurtagiria aurkeztu beharko du eta, gainera, teknikaren eta langileen kaudimena agiriak aurkeztuz frogatu beharko da, lehia iragarki honetako 8. idatz-zatian aipatzen diren baliabide eta langileak dauzkatela frogatzen dutenak.
7. Hala bada, gutxienez ere enpresako plantillako langileen ehuneko hiru ezinduak direla frogatuko da, organo eskudunak egin beharreko ziurtagiriaren bidez.
b) 2. kartazala, "proposamen ekonomikoa" izenekoa. Horretan lehiakideek eginiko proposamen ekonomikoa sartuko da, kontzeptu guztiak eta BEZa barne.
Proposamenak kartazal bakar batean aurkeztuko dira. Horretan beste biak sartuko dira. Denak itxiak egonen dira eta lehiakideak izenpetuko ditu.
Lehiakide berak kontratazio honen xede diren lote batzuk hautatu nahi baditu, parte hartu nahi dueneko lote bezainbat 2. zenbakiko kartazal aurkeztu beharko ditu. Aski izanen da 1. zenbakiko kartazal bakarra aurkeztea ("orotariko agiriak"). Lehiakide berak, lote batzuetara aurkeztuz gero, argi eta garbi adierazi beharko du kasuan kasuko lotea, 2. zenbakiko kartazal bakoitzean.
11.-Eskaintza ekonomikoak (2. kartazala) irekitzeko tokia eta egun-orduak: 2. kartazaleko proposamen ekonomikoak 2002ko abenduaren 12an irekiko dira, 12:00etan, Nafarroako Kontuen Ganbaran.
I. ERANSKINA
Eskabidearen eredua
........................ j/a.k, ... N.A.N. duenak, ...............(e)n, ..................... kalean bizi denak eta ................ telefonoa duenak, bere izenean edo egoitza ...............(e)n ............. kalean eta ............. K.P.n duen eta .............. IFZ duen enpresaren ordezkari, adierazten du:
1. Nafarroako Kontuen Ganbarako lehendakariak 2002ko urriaren 7an emaniko Ebazpenaren berri izan duela. Horren bidez, Ganbarak 2003rako Nafarroako udal batzuen kontuak eta 2002ko kudeaketa ekonomikoa fiskalizatzeko behar dituen laguntza teknikoko lanak kontratatzeko espedientea onetsi zen.
2. "Administrazio klausula partikularren plegua" aztertu duela eta beraz badazaguela, eta hura eta arloan aplikatzekoa den arautegia oso-osorik onartzen duela.
3. Lehia honetan parte hartzeko plegu honetan aurreikusiriko betebeharrak betetzen dituela.
4. Bere proposamenak kartazal itxi eta izenpetu batean aurkeztu dizkiola Nafarroako Kontuen Ganbarari .......... loteetarako. Kartazal horrek badauzka beste bi: 1. zenbakikoa ("orotariko agiriak") eta 2. zenbakikoa ("proposamen ekonomikoa"). Eskatzen du beraz kontratu honetan kontuan har daitezela.
Iruñean, 2002ko ........................aren ..............(e)an.
Iragarkiaren kodea: A0210847