126. ALDIZKARIA - 2002ko urriaren 18a

I. NAFARROAKO FORU KOMUNITATEA

Herrilanak eta Zerbitzu Publikoak

1603/2002 EBAZPENA, irailaren 23koa, Osasunbidea-Nafarroako Osasun Zerbitzuko zuzendari kudeatzaileak emana, Lizarrako García Orcoyen Ospitalea handitzeko ekipamenduko 10. lotearen (sukaldea) hornidura kontratatzeko gastua baimentzen duena (OB12/2002 lehiaketa).

Osasunbidea-Nafarroako Osasun Zerbitzuak lizitaziorako dei egin du Lizarrako García Orcoyen Ospitalea handitzeko ekipamenduko 10. lotearen (sukaldea) hornidura kontratatzeko (Concurso OB12/2002).

Kontratuaren xedea: Lizarrako García Orcoyen Ospitalea handitzeko ekipamenduko 10. lotearen (sukaldea) hornidura kontratatzea (OB12/2002 lehiaketa).

Adjudikazio modua: lehiaketa, prozedura irekia, tramitazio arrunta.

Lehiaketaren aurrekontua: 132.717,12 euro.

Behin-behineko bermea: ez da eskatuko.

Aurkeztu beharreko agiriak: administrazio klausula partikularren eta baldintza teknikoen pleguan ageri dena.

Proposamenen aurkezpena: lehiaketaren iragarkia Nafarroako ALDIZKARI OFIZIALean argitaratu eta biharamunetik hogeita zazpi egun naturaleko epean, Osasunbidea-Nafarroako Osasun Zerbitzuko Erregistroan (Irunlarrea, 39; 31008 Iruña). Halaber, ekainaren 24ko 137/2002 Foru Dekretuan aipaturiko Nafarroako Gobernuaren Erregistro Orokorreko edozein bulegotan (abuztuaren 7ko Nafarroako ALDIZKARI OFIZIALa, 95. zenbakia) nahiz Administrazio Publikoen Araubideari eta Guztiendako Administrazio Prozedurari buruzko azaroaren 26ko 30/1992 Legearen 38.4 artikuluan aipatzen diren erregistro edo bulegoetan.

Proposamen ekonomikoak jendaurrean irekitzeko eguna eta tokia: epea amaitu ondoko hamabigarren eguneko 12:00etan, Osasunbidea-Nafarroako Osasun Zerbitzuko egoitzan (Irunlarrea kalea, 39, 31008 Iruña).

Administrazio klausula partikularren plegua eta baldintza teknikoak lizitatzaileen eskura daude interneteko gune honetan:: http://www.cfnavarra.es/sns-o/concursos, Osasunbidea-Nafarroako Osasun Zerbitzuan (Irunlarrea kalea, 39), 948-428800 telefonoa, 428894 faxa, eta baldintza teknikoen plegua Librería Tucánen (Irunlarrea kalea, 25, Iruña. 948177335 telefonoa/948196389 faxa).

Iruñean, bi mila eta biko irailaren hogeita hiruan.-Osasunbidea-Nafarroako Osasun Zerbitzuko zuzendari kudeatzailea, Víctor Manuel Calleja Gómez.

Iragarkiaren kodea: A0210636