I. NAFARROAKO FORU KOMUNITATEA
Agintariak eta Langileak
1504/2002 EBAZPENA, abuztuaren 30ekoa, Osasunbidea-Nafarroako Osasun Zerbitzuko zuzendari kudeatzaileak emana, José Ignacio Calvo Sáez jauna Nafarroako Ospitaleko Anestesia eta Errehabilitazio Zerbitzuko buru izendatzen duena bitarte baterako.
Osasunbidea-Nafarroako Osasun Zerbitzuan sartu eta bertako lanpostuak betetzea arautzen duen azaroaren 22ko 347/1993 Foru Dekretuko bigarren xedapen gehigarriko 6. atalak xedatzen duenez, Osasunbidea-Nafarroako Osasun Zerbitzuko zuzendari kudeatzaileak izanen du eskumena unitate organikoetako buruak bitarte baterako edo ordezko gisa izendatzeko.
Osasunbidea-Nafarroako Osasun Zerbitzuko egitura organikoa aldatzen duen abenduaren 26ko 604/1995 Foru Dekretuaren bidez eskuordeturik ditudan eskumenak erabiliz,
EBATZI DUT:
1.-José Ignacio Calvo Sáez jauna, Osasunbidea-Nafarroako Osasun Zerbitzuko funtzionarioa, Nafarroako Ospitaleko Anestesia eta Errehabilitazio Zerbitzuko buru izendatzea bitarte baterako.
2.-Ebazpen hau Nafarroako ALDIZKARI OFIZIALean argitaratzeko agindua ematea.
3.-Ebazpen honen berri ematea interesatuari, Nafarroako Ospitaleko Langileri Zuzendaritzari, Osasunbidea-Nafarroako Osasun Zerbitzuko Langileriaren Kudeaketa, Sarrera eta Barne Igoerarako Zerbitzua, Nominen eta Gastu Kontrolaren Zerbitzuari eta Departamentuko idazkari teknikoari, behar diren ondorioak sor ditzan.
Iruñean, bi mila eta biko abuztuaren hogeita hamarrean.-Osasun- bidea-Nafarroako Osasun Zerbitzuko zuzendari kudeatzailea Victor Calleja Gómez.
Iragarkiaren kodea: A0210195
