I. NAFARROAKO FORU KOMUNITATEA
Herrilanak eta Zerbitzu Publikoak
716/2002 EBAZPENA, abuztuaren 2koa, Herrilan zuzendari nagusiak emana, "Lodosan, NA-134 (Ebroko Ardatza) eta NA-129 (Acedo-Lodosa) errepideen arteko gurutzagunea hobetzeko proiektua" behin betikoz onesten duena.
Herrilan zuzendari nagusiak, ekainaren 12ko 584/2002 Ebazpenaren bidez, "Lodosan, NA-134 (Ebroko Ardatza) eta NA-129 (Acedo-Lodosa) errepideen arteko gurutzagunea hobetzeko proiektua" teknikoki onetsi eta 20 egun baliodunetan jendaurrean jarri zuen, hark ukituriko ondasun eta eskubideen zerrenda barne. Ebazpena 2002ko ekainaren 28ko Nafarroako ALDIZKARI OFIZIALean (78. zk.) eman zen argitara.
Epe horretan ez da alegazio bat ere aurkeztu.
Hori horrela, Zainketa Zerbitzuak adierazi eta proposatutakoarekin bat, Nafarroako Foru Komunitateko Gobernua eta Administrazioa arautzen dituen 23/1983 Foru Legeko 36. artikuluko 2. idatz-zatiaren bidez eskuratu ditudan ahalmenak eta Herrilan, Garraio eta Komunikazio kontseilariak urriaren 7ko 3912/99 Foru Aginduaren bidez eman dizkidan eskurantzak erabiliz,
EBATZI DUT:
1. "Lodosan, NA-134 (Ebroko Ardatza) eta NA-129 (Acedo-Lodosa) errepideen arteko gurutzagunea hobetzeko proiektua" behin betikoz onestea.
2. Ebazpen hau Nafarroako ALDIZKARI OFIZIALean eta Foru Komunitateko bi egunkaritan argitaratzea.
3. Ebazpen hau Lodosako Udalera, Desjapetzapen Atalera eta Zainketa Zerbitzura igortzea, behar diren ondorioak sor ditzan.
Iruñean, bi mila eta biko abuztuaren bian.-Herrilan zuzendari nagusia, Alvaro Miranda Simavilla.
Iragarkiaren kodea: A0209071
