I. NAFARROAKO FORU KOMUNITATEA
Herrilanak eta Zerbitzu Publikoak
1092/2002 EBAZPENA, abuztuaren 6koa, Industri zuzendari nagusiak emana, Longida eta Urrotzen goi tentsioko instalazio elektrikoa jartzeko baimena eman, dagokion proiektua onetsi eta, zehazki, haren onura publikoa deklaratzen duena.
Ikusirik Iberdrola D.E.S.A.U. enpresak egin duen eskakizuna, ondotik aipatzen diren ezaugarri nagusiak dituen linea elektriko baten instalazioa baimendu, proiektua onetsi eta, zehazki, haren onura publikoa deklaratzeko, bide zortasuna ezartzearren, eta linea elektrikoak ukitutako ondasun eta eskubideen presako okupazioa deklara dadin:
a) Eskatzailea: Iberdrola D.E.S.A.U.
b) Instalazioa jartzeko tokia: Longida eta Urrotz.
c) Instalazioaren xedea: Agoitz-Urrotz 20 KV-ko aireko linea aldatzea, horniduraren kalitatea hobetzeko.
d) Ezaugarri nagusiak: Ezaugarri nagusiak: 20 KV-ko aireko linearen aldaera, hasiera "S.T.R. Agoitz-Urrotz" lineako 00.04 zk.ko euskarrian, Ekaiko mugapean, 6.526 metro; metal eta hormigoizkoak; bukaera linea bereko 00.44 zk.ko euskarrian; trazadura orain dagoenaren parean; bertan dauden T.Z.etarako deribazioak, 00.14 zk.ko euskarritik "Billabeta" T.Z.ra, 374 metro; 00.26 zk.ko euskarritik "Liberri" T.Z.ra, 245 metro; 00.34 zk.ko euskarritik "M.R. Urbanos" T.Z.ra, 129 metro; 00.40 euskarritik "Urrotz Hegoaldea 2" T.Z.ra, 108 metro; 00.38 zk.ko euskarritik "S.P.I." T.Z.ra, 42 metro, eta "Silo" T.Z.ra, 16 metro, Longidako eta Urrozko Ekai, Billabeta eta Liberriko mugapeetan.
e) Nongo materialak: Nazionalak.
f) Aurrekontua: 183.186,81 euro.
Hasitako espedientean arauzko izapide bidezkoak bete dira. Tere Iriarte Armendáriz andreak aurkezturiko alegazioak ezetsi dira, linearen segurtasunerako trabarik ez dagoelako.
Horrenbestez, Industria eta Teknologia, Merkataritza, Turismo eta Lan kontseilariak urriaren 14ko 572/1999 Foru Aginduaren bidez (99-10-25eko NAO, 133. zk.) eman dizkidan ahalmenez baliaturik,
EBATZI DUT:
1.-Aipatu instalazio elektrikoa jartzeko baimena ematea.
2.-Zehazki, instalazio horren onura publikoa deklaratzea, Sektore Elektrikoari buruzko azaroaren 27ko 54/1997 Legearen 52., 53. eta 54. artikuluetan, eta abenduaren 1eko 1955/2000 Errege Dekretuaren 148. eta 149. artikuluetan aurreikusitako ondorioetarako.
3.-Instalazio hori egiteko aurkeztu proiektua onestea, aurkeztutako alegazioa Ebazpen honen azalpen zatian adierazitako moduan ebaztea eta 12 hilabeteko epea ematea lanak egiteko. Proiektu hori Iruñean datatua da, 2002ko urtarrilean, Javier Juárez Gay industri ingeniari jaunak sinatua.
Ebazpen honen aurka gora jotzeko errekurtsoa aurkez daiteke, Nafarroako Gobernuari zuzendua, jakinarazpen egunaren biharamunetik hasi eta hilabeteko epean.
Ebazpen honen berri ematea Longidako eta Urrozko Udalei, Ebroko Ur Konfederazioari, Telefónica, S.A.ri, Enagas, S.A.ri Nafarroako Gobernuko Herrilan, Garraio eta Komunikazio Departamentuko Zainketa Zerbitzuari eta Iberdrola D.E.S.A.U. enpresari, eta Nafarroako ALDIZKARI OFIZIALean argitaratzea.
Iruñean, bi mila eta biko abuztuaren seian.-Industria zuzendari nagusia, Enrique Jiménez Goicoa.
Iragarkiaren kodea: A0208766
