I. NAFARROAKO FORU KOMUNITATEA
Herrilanak eta Zerbitzu Publikoak
167/2001 FORU DEKRETUA, ekainaren 25ekoa, Funesko Udaleko 13.125 metro koadroko herrilurraren onura publikoa deklaratu eta haren desafektazioa onesten duena, ondoren "Ursua Sobejano, S.L.ri" saltzeko.
Funesko Udalak Nafarroako Gobernuari eskatu dio 13.125 metro koadroko herrilurraren desafektazioa onets dezala. Lursail horrek 4. poligonoko 602. lurzati osoa hartzen du.
Desafektazioaren xedea da lur hori "Ursua Sobejano, S.L.ri" saltzea, bertan zerritegi bat jartzeko.
Funesko Udalak zehatz-mehatz bete du espediente honen xede den arloaren gainean Nafarroako Toki Administrazioari buruzko uztailaren 2ko 6/1990 Foru Legeak dioena, baita Nafarroako Toki Entitateen Ondasunei buruzko Erregelamenduan ezarritakoa ere (urriaren 18ko 280/1990 Foru Dekretuaren bidez onetsia).
Horrenbestez, Nekazaritza, Abeltzaintza eta Elikadura kontseilariak proposaturik, eta Nafarroako Gobernuak bi mila eta bateko ekainaren hogeita bosteko bilkuran harturiko erabakiari jarraikiz,
DEKRETATU DUT:
1. artikulua. Funesko Udaleko 13.125 metro koadroko herrilurraren onura publikoa deklaratu eta haren desafektazioa onesten da. Lur hori 4. poligonoko 602. lurzatia da.
2. artikulua. Funesko Udalari baimena ematen zaio desafektatutako lur hori "Ursua Sobejano, S.L.ri" saltzeko, bertan zerritegi bat jar dezan.
3. artikulua. Aipatu desafektazioaren onespena Funesko Udalak gai honetaz onetsitako baldintza plegua hertsiki betetzearen baldintzapean dago, batez ere klausula berezi bat, zeinean adierazten baita herrilur hori herri ondarera itzuli behar dela desafektazioa eragin zuten helburuak desagertu edo betetzen ez badira. Klausula hori kontratua eratzen duen agiri publikoan agertu beharko da eta Jabetza Erregistroan inskribatu.
4. artikulua. Funesko Udalak espediente honen xede diren lurren mugak jarri beharko ditu eta katastroko kartografia ofizialean adierazi. Halaber, aldaketaren berri emanen die Nafarroako Zerga Ogasunari (Lurralde Aberastasunaren Zerbitzua) eta Nekazaritza, Abeltzaintza eta Elikadura Departamentuko Nekazaritzako Egituren Zerbitzuari.
AZKEN XEDAPENA
Foru Dekretu honek Nafarroako ALDIZKARI OFIZIALean argitaratu eta biharamunean hartuko du indarra.
Iruñean, bi mila eta bateko ekainaren hogeita bostean.-Nafarroako Gobernuko lehendakaria, Miguel Sanz Sesma.-Nekazaritza, Abeltzaintza eta Elikadura kontseilaria, Ignacio Javier Martínez Alfaro.
Iragarkiaren kodea: A0107154
