I. NAFARROAKO FORU KOMUNITATEA
Herrilanak eta Zerbitzu Publikoak
165/2001 FORU DEKRETUA, ekainaren 25ekoa, Asarta-Mendaza Kontzejuko herrilur batzuen onura publikoa deklaratu eta haien desafektazioa onesten duena, ondoren jabetza partikularreko finka batzuekin trukea egiteko.
Asarta-Mendaza Kontzejuak 9.160 metro karratuko herrilurraren onura publikoa deklaratu eta haren desafektazioa eskatu du, ondoren herriko biztanle batzuen jabetzako 5.435 metro karratuko lurrekin trukatzeko.
Trukaketen xedea da jabetza partikularreko lur batzuen erosketa legeztatzea, finketan sartzeko hiru bide egokitzeko.
Asarta-Mendazako Kontzejuak zehatz-mehatz bete du espediente honen xede den arloaren gainean Nafarroako Toki Administrazioari buruzko uztailaren 2ko 6/1990 Foru Legeak dioena, baita Nafarroako Toki Entitateen Ondasunei buruzko Erregelamenduan ezarritakoa ere (urriaren 18ko 280/1990 Foru Dekretuaren bidez onetsia).
Horrenbestez, Nekazaritza, Abeltzaintza eta Elikadura kontseilariak proposaturik, eta Nafarroako Gobernuak bi mila eta bateko ekainaren hogeita bosteko bilkuran harturiko erabakiari jarraikiz,
DEKRETATU DUT:
1. artikulua. Asarta-Mendazako Kontzejuko 9.160 metro karratuko herrilurraren onura publikoa deklaratu eta haren desafektazioa onestea, ondotik adierazten diren trukeak egiteko:
1) Lurren trukea, Asartako Kontzejuaren eta Sofía Oroquieta Elorza andrearen artean.
Kontzejuak 1.050 metro karratu ematen ditu, 2. poligonoko 266. lurzatian.
Halaber, Sofía Oroquieta Elorza andreak 270 metro karratu ematen ditu, 2. poligonoko 264. lurzatian.
2) Lurren trukea, Asartako Kontzejuaren eta Amalio Antoñana San Félix jaunaren artean.
Kontzejuak 4.010 metro karratu ematen ditu, 2. poligonoko 261. lurzatian.
Halaber, Amalio Antoñana San Félix jaunak 3.110 metro karratu ematen ditu, 2. poligonoko 260. lurzatian.
3) Lurren trukea, Asartako Kontzejuaren eta Elías Alegría Nieva jaunaren artean.
Kontzejuak 4.100 metro karratu ematen ditu, 2. poligonoko 277. lurzatian.
Halaber, Elías Alegría Nieva jaunak 2.055 metro karratu ematen ditu, 2. poligonoko 188, 189 eta 196. lurzatietan.
2. artikulua. Eskatutako desafektazioaren xedea da jabetza partikularreko lur batzuen erosketa legeztatzea, finketan sartzeko hiru bide egokitzeko.
3. artikulua. Aipatu desafektazioaren onespena Asarta-Mendazako Kontzejuak gai honetaz onetsitako baldintza plegua hertsiki betetzearen baldintzapean dago, batez ere klausula berezi bat, zeinean adierazten baita herrilur hori herri ondarera itzuli behar dela desafektazioa eragin zuten helburuak desagertu edo betetzen ez badira. Klausula hori kontratua eratzen duen agiri publikoan agertu beharko da eta Jabetza Erregistroan inskribatu.
4. artikulua. Asarta-Mendazako Kontzejuak espediente honen xede diren lurren mugak jarri beharko ditu eta katastroko kartografia ofizialean adierazi. Halaber, aldaketaren berri emanen die Nafarroako Zerga Ogasunari (Lurralde Aberastasunaren Zerbitzua) eta Nekazaritza, Abeltzaintza eta Elikadura Departamentuko Nekazaritzako Egituren Zerbitzuari.
AZKEN XEDAPENA
Foru Dekretu honek Nafarroako ALDIZKARI OFIZIALean argitaratu eta biharamunean hartuko du indarra.
Iruñean, bi mila eta bateko ekainaren hogeita bostean.-Nafarroako Gobernuko lehendakaria, Miguel Sanz Sesma.- Nekazaritza, Abeltzaintza eta Elikadura kontseilaria, Ignacio Javier Martínez Alfaro.
Iragarkiaren kodea: a0107152
