I. NAFARROAKO FORU KOMUNITATEA
Herrilanak eta Zerbitzu Publikoak
728/2001 FORU AGINDUA, ekainaren 22koa, Ingurumen, Lurraldearen Antolamendu eta Etxebizitza kontseilariak emana, Altsasun, Ultzaman (Anue, Basaburua, Imotz, Lantz, Odieta eta Ultzaman berean) eta Noainen ingurumeneko auditoriak lehiaketa irekiaren bidez kontratatu eta tokian tokiko agendak 21 hasteko espedientea onesten duena.
Ingurumen, Lurraldearen Antolamendu eta Etxebizitza Departamentuak lizitaziorako dei egin du, Altsasun, Ultzaman (Anue, Basaburua, Imotz, Lantz, Odieta eta Ultzaman berean) eta Noainen ingurumeneko auditoriak kontratatu eta tokian tokiko agendak 21 hasteko espedientea kontratatzeko, baldintza orokor hauei jarraituz:
-Kontratuaren xedea: Altsasun, Ultzaman (Anue, Basaburua, Imotz, Lantz, Odieta eta Ultzaman berean) eta Noainen ingurumeneko auditoriak kontratatu eta tokian tokiko agendak 21 hasteko espedientea kontratatzea.
-Esleitzeko era: lehiaketa bidez eginen da esleipena.
-Lizitazio prezioa: gehienez ere 26.000.000 pezetakoa izanen da, BEZa barne (156.263,15 euro).
-Egiteko epea: hamabi hilabete.
-Proposamenen aurkezpena: proposamenak Nafarroako Gobernuko Ingurumen, Lurraldearen Antolamendu eta Etxebizitza Departamentuko Erregistroan aurkeztuko dira, Alondegi kalea, 1- 2.a, Iruña, ebazpen hau Nafarroako ALDIZKARI OFIZIALean argitaratu ondoko hogeita zortzigarren egun naturaleko 14:30 baino lehen.
-Aurkeztu beharreko dokumentazioa: administrazio klausula partikularren pleguan ageri dena. Agiriek jatorrizkoak edo kopia kautotuak izan beharko dute.
-Proposamenak jendaurrean irekitzeko tokia eta egun-orduak:
*3. kartazala, proposamen ekonomikoa biltzen duena, irekitzea: aurreko atalean proposamenak irekitzeko ezarririko epea bukatu eta hamazazpigarren egun naturalean.
Administrazio klausula partikularren eta agindu teknikoen pleguak Ingurumen eta Lurraldearen Antolamendu Departamentuan daude (Idazkaritza Teknikoa), Alondegi kalea, 1-2. solairua, Iruña, eta http://www.cfnavarra.es/medioambiente webgunean.
Iruñean, bi mila eta bateko ekainaren hogeita bian.-Ingurumen, Lurraldearen Antolamendu eta Etxebizitza kontseilaria, Jesús Javier Marcotegui Ros.
PROPOSAMEN EREDUA
Hau sinatzen duena, ........... J/A, adinez nagusia, ....... NAN, .......(e)ko ........... kaleko ..... zk.an bizi dena, bere izenean (edo ......... ordezkatuz, ....... IFZ, ........(e)ko ........... kalea), ........ lanak lehiaketa bidez esleitzeko prentsan argitaratu iragarkiaren eta lizitazio hori arautzen duten klausula tekniko eta administratibo partikularren pleguen jakinaren gainean dago eta hitz ematen du lan horiek burutu eginen dituela aipatu agiriei segituz eta ......... pezetaren truke .......... (zenbakiz).
(Data eta sinadura)
Iragarkiaren kodea: A0106767
