I. NAFARROAKO FORU KOMUNITATEA
Herrilanak eta Zerbitzu Publikoak
188/2001 FORU DEKRETUA, uztailaren 2koa, Aiegiko Udaleko 961 metro koadroko herrilurraren desafektazioa onesten duena, ondoren haren erabilera lagatzeko.
Aiegiko Udalak Nafarroako Gobernuari eskatu dio 961 metro koadroko herrilurraren desafektazioa onets dezala. Lursail horrek 2. poligonoko 362 lurzati osoa hartzen du.
Desafektazioaren xedea da lurzati horien erabilera lagatzea Bodegas Irache S.L.ri, 30 urterako, urteko kanon baten truke, mahasti esperimentutegitarako.
Aiegiko Udalak zehatz-mehatz bete du espediente honen xede den arloaren gainean Nafarroako Toki Administrazioari buruzko uztailaren 2ko 6/1990 Foru Legeak dioena, baita Nafarroako Toki Entitateen Ondasunei buruzko Erregelamenduan ezarritakoa ere (urriaren 18ko 280/1990 Foru Dekretuaren bidez onetsia).
Horrenbestez, Nekazaritza, Abeltzaintza eta Elikadura kontseilariak proposaturik, eta Nafarroako Gobernuak bi mila eta bateko uztailaren biko bilkuran harturiko erabakiari jarraikiz,
DEKRETATU DUT:
1. artikulua. Aiegiko Udaleko 961 metro koadroko herrilurraren desafektazioa onesten da. Lur horrek 2. poligonoko 362. lurzati osoa hartzen du.
2. artikulua. Aiegiko Udalari baimena ematen zaio desafektatutako lur horren erabilera lagatzeko Bodegas Irache S.L..ri, 30 urteko eperako, urteko kanon baten truke, mahasti esperimentutegitarako.
3. artikulua. Aipatu desafektazioaren onespena Aiegiko Udalak gai honetaz onetsitako baldintza plegua hertsiki betetzearen baldintzapean dago, batez ere klausula berezi bat, zeinean adierazten baita herrilur hori herri ondarera itzuli behar dela desafektazioa eragin zuten helburuak desagertu edo betetzen ez badira.
4. artikulua. Aiegiko Udalak espediente honen xede diren lurren mugak jarri beharko ditu.
AZKEN XEDAPENA
Foru Dekretu honek Nafarroako ALDIZKARI OFIZIALean argitaratu eta biharamunean hartuko du indarra.
Iruñean, bi mila eta bateko uztailaren bian.-Nafarroako Gobernuko lehendakaria, Miguel Sanz Sesma.-Nekazaritza, Abeltzaintza eta Elikadura kontseilaria, Ignacio Javier Martínez Alfaro.
Iragarkiaren kodea: A0107659
