8. ALDIZKARIA - 2001eko urtarrilaren 17a

III. NAFARROAKO TOKI ADMINISTRAZIOA

SAN ADRIAN

2000. urterako lan eskaintza publikoa Kirol koordinatzaile lanpostu baterako deialdiaren oinarriak

San Adriango Udaleko alkate udalburuak azaroaren 16ko 23/00 Ebazpena eman du. Hona hemen testu osoa:

"1.-2000. urterako lan eskaintza publikoa onestea: kirol koordinatzaile lanpostu bat, B mailakoa, lan-araubide finkoan.

2.-San Adriango Udalaren zerbitzuko kirol koordinatzaile lanpostua oposizio-lehiaketa bidez betetzeko deialdiaren oinarriak, ondoren ematen direnak, onestea.

1.-Arau orokorrak.

1.1. San Adriango Udaleko kirol koordinatzaile lanpostua oposizio-lehiaketa bidez betetzea da deialdiaren xedea.

1.2. Izendapenak lan-kontratudun langile finko bilakatuko du izendatua, ondorio guztietarako, jabetza hartzen duen unetik.

1.3. Lanpostua San Adriango Udalaren plantilla organikoan ezarrita dauden mailetako B mailari dagozkion lansariez hornituko da, Nafarroako Administrazio Publikoen zerbitzuko langileen lansarien behin-behineko Araudia onesten duen uztailaren 4ko 158/1984 Foru Dekretuak eta horrekin bat datozen xedapenek aurreikusitakoen pare baitira.

1.4. Lanaldia osoa izanen da. Hala ere, lanaldiaren antolamendua noiznahi aldatzen ahalko dute administrazioko erakunde eskudunek, zerbitzuaren beharrek hala eskatzen badute.

1.5. Izendatuak San Adriango udalerrian egiazki bizi beharko du.

2.-Bete beharreko eginkizunak.

Kirol arloko teknikoak bete beharreko egintzak dira, besteak beste:

-Udala ordezkatzea udalerrien edo erkidegoen artean egun diren edo izan daitezkeen batzorde teknikoetan.

-Estatutuei jarraituz, aldian-aldiko Kirol Unitate Organikoko Zuzendaritza Batzordeko kide izatea.

-Toki Administrazioaren kirol arloko eskumenen plangintza egitea.

-Tokian tokiko kirol sistema osatzen duten elementuak kudeatzea.

-Kirol programa eta jarduerak antolatzea.

-Bere esparruan, azterlan eta txosten teknikoak egitea.

-Udalari aholku ematea, bere jarduketa eremuarekin zerikusia duten gaietan.

-Herriko estamentu, entitate eta kirol elkarteekin koordinatzea.

-Udalak agintzen dion beste edozein eginkizun, bere maila eta kategoriari dagokiona bada.

3.-Izangaien betebeharrak

3.1. Oposizio-lehiaketan onartuak izateko, izangaiek eskabideak aurkezteko epea akitzen den egunean, ondoko baldintza hauek bete beharko dituzte:

a) Adinez nagusia izatea eta nazionalitatez espainiarra edo abenduaren 29ko 27/1994 Foru Legeak bere 1. artikuluan ezartzen dituen beste edozein Estatutakoa izatea, eta aipatu artikuluan ezartzen diren baldintzetan.

b) Gorputz Hezkuntzako diplomadun titulua edukitzea, edo Irakasletza titulua Gorputz Hezkuntzako espezialitatean, edo bestela hiru urte gainditu izana Gorputz Hezkuntzako lizentziaturan.

c) Egin beharreko eginkizunak egiteko aski gaitasun fisiko eta psikiko izatea.

d) Eginkizun publikoetan jarduteko ezgaiturik ez egotea eta administrazio publikoen zerbitzutik berezi ez izana.

e) Ibilgailuak gidatzeko baimena, B-1 mailakoa bederen, izatea.

3.2. Aipatu betebeharrok deialdi honen hamargarren oinarrian ezartzen diren epean eta eran frogatu beharko dituzte izangaiek, eta eskabideak aurkezteko epea akitzen den egunean bete beharko dituzte.

4.-Eskabideak

4.1. Deialdian parte hartzeko eskabideak San Adriango Udaleko Erregistro Orokorrean aurkeztu behar dira, deialdia Nafarroako ALDIZKARI OFIZIALean argitaratu eta ondoko hogeita hamar egun naturalen barnean.

4.2. Eskabideak deialdi honetako I. eranskinean argitaratutako ereduari jarraikiz aurkeztuko dira eta horietan izangaiek adierazi beharko dute eskatutako baldintza guztiak betetzen dituztela eskabideak aurkezteko epea akitzen den egunerako.

4.3. Eskabidearekin batera ondoko agiriok ere aurkeztu beharko dira:

a) Nortasun Agiri Nazionala edo haren baliokidea.

b) Zinpeko edo aginduzko aitorpena, 3. oinarriko baldintzak betetzen dituela adierazten duena.

c) Curriculum vitae-a eta baremorako alegatzen diren merezimendu guztiak egiaztatzen dituzten agiriak, jatorrizkoak nahiz kautotuak.

4.4. Eskabideak aurkezteko epea ez da luzatzen ahal.

5.-Izangaien onarpena

5.1. Eskabideak aurkezteko epea iraganik, San Adriango Udaleko jaun alkateak izangai onartu eta baztertuen behin- behineko zerrenda onesten duen ebazpena emanen du, eta Nafarroako ALDIZKARI OFIZIALean argitara dadin aginduko. Hamar egun balioduneko epea emanen da, argitaratu eta biharamunetik, erreklamazioak nahiz alegazioak egin daitezen.

5.2. Baztertutako izangaiek, behin-behineko zerrenda Nafarroako ALDIZKARI OFIZIALean argitaratu eta hurrengo hamar egun baliodunen barnean, erreklamazioak egin eta, halakorik bada, egin dituzten akatsak zuzendu ahalko dituzte.

5.3. Erreklamazioen epea iraganik eta horiek ebatzi ondoan, alkateak izangai onartu eta baztertuen behin betiko zerrenda onesten duen ebazpena emanen du eta argitara dadin aginduko. Ebazpen horretan probak hasteko tokia, eguna eta ordua zehaztuko dira.

6.-Epaimahai kalifikatzailea

6.1. Ondoko hauek osatuko dute epaimahaia:

-Mahaiburua: San Adriango Udaleko alkatea edo hark eskuordetutakoa.

-Mahaikidea: San Adriango Udaleko zinegotzia; ordezkoa, San Adriango Udaleko beste zinegotzi bat.

-Mahaikidea: San Adriango Udaleko zinegotzia; ordezkoa, San Adriango Udaleko beste zinegotzi bat.

-Mahaikidea: San Adriango Udaleko zinegotzia; ordezkoa, San Adriango Udaleko beste zinegotzi bat.

-Mahaikidea: Nafarroako Kirol eta Gazteriaren Institutuak izendatutako teknikaria; ordezkoa, Nafarroako Kirol eta Gazteriaren Institutuak izendatutako beste teknikari bat.

-Mahaikidea: San Adriango Udaleko langileen ordezkaria; ordezkoa, San Adriango Udaleko langileen beste ordezkari bat.

-Idazkaritza: San Adriango Udaleko idazkaria edo hura ordezkatzen duena.

6.2. Epaimahaia ez da eratzen ahal, gutxienez bere kideen erabateko gehiengoa ez bada.

6.3. Epaimahaiak gehiengoz ebatziko ditu deialdi honen oinarriak ulertu eta aplikatzerakoan sor litezkeen aferak.

6.4. Epaimahaia eraturik, bere kideen gehiengo osoa beharko du, eta puntuazioa, agertzen direnen batez besteko aritmetikoa eginez lortuko da.

6.5. Epaimahaiak aholkulari adituak ekar ditzake, probetako gaietan ezagupen tekniko bereziak badituzte. Aholkulari horiek ez dute botorik izanen.

7.-Oposizio-lehiaketaren garapena

7.1. Onartuen eta baztertuen behin betiko zerrenda onesten duen Ebazpenean zehaztuko dira probak egingo direneko tokia, eguna eta ordua.

7.2. Oposizio-lehiaketa bi alditan eginen da, lehiaketaldia lehenbizi eta oposizioaldia gero, oinarri hauetan zehazten den gisara.

7.3. Lehiaketaldia

Epaimahaiak izangaiek aurkezturiko merezimenduak baloratuko ditu, ondoan aipatzen den merezimendu baremoari jarraikiz.

Izangaiek oposizio-lehiaketan parte hartzeko eskabidea aurkezten duten unean alegatu beharko dituzte merezimendu guztiak, baita une berean agiri bidez frogatu ere, jatorrizko agiriak edo behar bezala kautotutako agiriak erabiliz. Horrela egiten ez bada, ez aurkeztutzat joko dira.

Merezimenduen balorazioa eginda, emaitzak Udaletxeko iragarki oholean emanen dira argitara.

Merezimenduen baremoa. Lehiaketari gehienez ere 30 puntu ematen ahal zaizkio eta ez da baztergarria izanen. Balorazio partzialak honakoak izanen dira, gehienez:

a) Esperientzia:

a.1. Toki administrazio publikoetan kirol koordinatzaile lanpostuan izandako esperientzia: lanaldi osoan egindako urte bakoitzeko, 1,5 puntu eta gehienez ere 15 puntu. Gutxienez ere lanaldi erdian ari izanez gero, horren proportzioan baloratuko dira lanak. Dagokion toki administrazio publikoko organo eskudunak luzatutako egiaztagiriarekin frogatuko da.

a.2.) Aitzineko lerroaldean sartu gabeko elkarte edo entitate pribatu nahiz publikoetan, kirol arloko edo gizarte eta kirol arloko lanetan izandako esperientzia: lanaldi osoan egindako urte bakoitzeko, puntu 1 eta gehienez ere 10 puntu. Gutxienez ere lanaldi erdian ari izanez gero, horren proportzioan baloratuko dira lanak. Dagokion lan kontratuarekin edo behar bezala konpultsatutako kopiarekin frogatuko da.

b) Prestakuntza osagarria:

b.1. Bete beharreko lanpostuarekin ikustekoa duten 40 orduko edo gehiagoko prestakuntza ikastaroengatik, erakunde ofizialek emanak badira: 0,5 puntu, eta gehienez ere 3 puntu. Organo eskudunaren egiaztagiriarekin edo dagokion diplomaren kopia konpultsatuarekin frogatuko da.

b.2. Bete beharreko lanpostuarekin ikustekoa duten jardunaldi edo kongresuetan parte hartzeagatik: 0,25 puntu bakoitzeko, eta gehienez ere 2 puntu. Dagokion diplomaren kopia konpultsatuarekin frogatuko da.

7.4. Oposizioaldia

Oposizioaldiari gehienez ere 60 puntu emanen zaizkio, eta atalka zehazten diren puntuazioetara iristen ez direnak baztertuko dira.

Oposizioaldiak ondoko proba hauek izanen ditu:

a) Ariketa teoriko idatzia, II. eranskineko zerrendakoen artean zozketaz hautatutako bi gai garatu beharrekoa. Ariketaren iraupena lau ordukoa izanen da gehienez, eta lortzen ahal den puntuazioa, berriz, 22,5 puntu gehienez. Gutxienez ere 11,25 puntu eskuratzen ez dituzten izangaiak bazterturik geldituko dira.

b) Ariketa praktiko idatzia, gehienez ere 4 ordutan egitekoa, San Adrianerako 2001/04 kirol planifikazioaren gainean, epaimahaiak hautatutako kasu batez. Gehienez ere 22,5 puntu emanen dira osotara. Gutxienez ere 11,25 puntu eskuratzen ez dituzten izangaiak bazterturik geldituko dira.

c) Buruz buruko elkarrizketa, baztergarria izanen ez dena. Gehienez 15 puntu erdiesten ahal dira. Epaimahaikoek eginen dute eta mintzagaiak ondoko hauek izanen dira: egindako ariketak, jarduketa programak, egin beharreko lanaren ikuspegi orokorra eta Epaimahaiak egoki jotzen dituen gaiak. Gehienez 30 minututan eginen da.

Mahaikide bakoitzak bere kalifikazioa eman beharko du eta kalifikazio guztien batez besteko aritmetikoa izanen da ariketa edo proba hartako puntuazioa.

Proba bakoitzerako deialdi bakarra eginen da, eta hartara izangaiek Nortasun Agiri Nazionala aldean daramatela agertu beharko dute. Ariketara agertzen ez diren izangaiak deialditik kanpo geldituko dira.

Azkeneko puntuazioa, aldi bakoitzean erdietsitako puntuazio guztien batuketa eginda aterako da, betiere gutxieneko puntuazioak lortu badituzte.

8.-Puntuazio osoa.

Epaimahaiak gainditu eta baztertuen zerrenda prestatuko du puntuazioaren araberako ordenan. Puntu berdinketarik gertatzen bada, oposizio proba osagarriak eginen dira.

9.-Probak gainditu dituztenen zerrenda

Azken ariketa zuzendurik, epaimahaiak probak gainditu dituztenen zerrenda, bakoitzaren puntuazioaren hurrenkeraren arabera egina, emanen du argitara San Adriango Udaletxeko iragarki oholean eta Nafarroako ALDIZKARI OFIZIALean. Horretarako, izangai bakoitzak ariketetan lortutakoak batuko ditu eta zerrenda horrekin batera, puntuaziorik handiena lortzen duen izangaiaren aldeko izendapen proposamena eginen du.

10.-Agirien aurkezpena

Proposatutako izangaiak aurkeztu beharreko dokumentazioa eman beharko du, lanpostuaz jabetu baino lehenago, eta izendapenaren jakinarazpena jasotzen duenetik hogeita hamar egun naturaleko epearen barrenean.

Honako agiri hauek aurkeztu beharko ditu:

a) Deialdiaren 3. oinarrian eskatutako tituluak egiaztatzen dituzten agiriak.

b) Eginkizun publikoetan aritzeko ezgaituta edo gabetuta ez dagoela eta administrazio publikoaren zerbitzutik berezi ez dela adierazten duen zinpeko aitorpena.

c) Izangaiaren gaitasun fisikoa zein psikikoa egiaztatzen duen txostena.

d) Ibilgailuak gidatzeko baimena, B-1 mailakoa bederen, izatea.

Aipatu epearen barrenean izangaiek agiri horiek aurkezten ez badituzte, eskubide guztiak galduko dituzte, deusetan ukatu gabe, bidezko bada, frogak aurkezterakoan egindako faltsukeriagatik letorkeen erantzunkizuna.

Azken atalean azaldutakoa gertatzen bada, San Adriango Udalak gainditu dutenen zerrendan ondo-ondotik heldu den izangaia hartu eta harekin betetzen ahalko du lanpostua. Orobat, aipatu zerrenda lau urtetan erabiltzen ahalko du, zerbitzuaren beharren ariora aldi baterako behar diren kontratazioak egiteko.

11.-Izendapena eta lanpostuaz jabetzea.

11.1. Udalak, erabaki baten bidez, aurreko oinarriak ezarri dituen betebeharrak betetzen dituen izangaia izendatuko du San Adriango Udaleko lan-kontratudun finko, Kirol koordinatzaile lanpostua betetzeko. Izendapena Nafarroako ALDIZKARI OFIZIALean argitaratuko du.

11.2. Izendatutako izangaiak izendapenaren jakinarazpena hartu eta hilabeteko epean jabetu beharko du lanpostuaz. Epe horren barnean lanpostuaz jabetzen ez bada, ezinbertzeko kasuetan salbu, San Adriango Udaleko lan- kontratudun finkoa izateko eskubide guztiak galduko ditu. Halakorik gertatuz gero, aurreko oinarrian ezarritakoari jarraituko zaio.

12.-Errekurtsoak

Deialdi honen, haren oinarrien eta hura aplikatzeko egintzen kontra, administrazioarekiko auzi-errekurtsoa paratzen ahal da, zuzenean, Nafarroako Auzitegi Nagusian horren eskumena duen organoari zuzendua, eta horretarako bi hilabeteko epea dago argitaratu eta biharamunetik aitzina. Bertzenaz, aldez aurretik eta hautara, horien aurka jotzeko bide hauek ere badira:

a) Berraztertze errekutsoa paratzea, egintza egin duen organo berari zuzendua, eta horretarako hilabeteko epea dago oinarriak argitaratu eta biharamunetik aitzina.

b) Nahi bada, gora jotzeko errekurtsoa paratzea, Nafarroako Administrazio Auzitegiari zuzendua, oinarriak argitaratu eta hilabeteko epean.

I. ERANSKINA

Izena ....................., adinez nagusia, Nortasun Agiri Nazionalaren zenbakia ........, sorteguna ........, sorlekua ................., bizilekua ............., karrika ................, posta kodea ......., telefonoa .........

Zure aitzinera azaldu eta modu egokian diot:

San Adriango Udaleko kirol koordinatzailea oposizio- lehiaketaren bidez hartzeko deialdira onartua izatea eskatu nahi dudala.

Karguan lan egitea eragozten didan akats edo eritasun fisiko edo psikologikorik ez dudala.

Indarra duten xedapenetan ezarrita dauden ezgaitasun bakarra ere ez dudala.

Inongo administrazio publikoren zerbitzutik diziplina espediente bidez ez naizela baztertua izan eta eginkizun publikoak betetzeko ezgaituta ez nagoela.

Deialdiaren 3. oinarrian zehaztutako titulazioa badudala.

Eskatzen diren baldintza guztiak betetzen ditudala, eskabideak aurkezteko aipatzen den epea akitzen den eguneko.

Horiek horrela,

Eskatzen dut: eskabide hau onar dezazun eta San Adriango Udaleko Kirol koordinatzailea oposizio-lehiaketaren bidez hartzeko deialdian onar nazazun.

San Adrianen, 2001eko ...aren ...(e)an.

II. ERANSKINA

Gai-zerrenda

1. gaia.-Udalerria eta kirola: egitura eta eskumen orokorrak. Udalaren nondik norakoak kirolaren gainean. Eskaintza eta eskaeren arteko oreka. Udal kirolen antolaketarako osagaiak. Udal kirolen esparruko lege- euskarria.

2. gaia.-Udaleko kirol zerbitzuaren kudeaketa: kudeaketa ereduak. Zuzeneko kudeaketaren ereduak. Zeharkako kudeaketaren ereduak. Kudeaketa eredu mistoetarantz. Udal kirolaren zuzendaritza-kudeaketa.

3. gaia.-Planifikazioa: definizioa. Xedeak eta helmugak. Motak eta mailak. Planifikazio prozesua.

4. gaia.-Lehen maila: diagnostikoa egitea. Egoera aztertu, ikertu eta zehaztea. Aurrekariak bilatzea. Zergatiak zehaztea. Kirol eskaera. Antzemandako arazoen garrantzia.

5. gaia.-Bigarren maila: erabakiak hartzea. Lehentasunak zehaztea. Irizpideak. Lehentasunak zehazteko bideak.

6. gaia.-Hirugarren maila: metodoaren garapena. Kirol planak. Kirol programak. Kirol proiektuak. Ardurak. Baliabideak. Langileen eginkizunak.

7. gaia.-Laugarren maila: betearazpena. Metodoaren garapena. Jarduerak elkarren artean lotzea. Zuzendaritza. Betetzen direla kontrolatzea.

8. gaia.-Bosgarren maila: ebaluaketa. Kontzeptua. Ebaluaketa motak. Prozesuaren ebaluazioa. Irizpideak. Baldintzak.

9. gaia.-Erabiltzailea: Erabiltzailearen identifikazioa. Beharrak eta eskaerak. Haiek kontuan hartzearen garrantzia. Noren ardura da?. Eskaintzaren ebaluazioa eskaeren arabera. Erabiltzaileen gogobetetzea.

10. gaia.-Kirolak Nafarroan. Kirol gertakariak Nafarroan. Azterketa sozio-kulturala. Biztanleen sailkapena, eta kirola egiteko duten aukera. Kirol jardueren ezaugarri nagusiak. Praktikako eragileak. Kirolaren etorkizuna Nafarroan.

11. gaia.-Kirolaren garapenean eragiten duten estamentu publiko eta pribatuak. Administrazio publikoa. Entitate pribatuak.

12. gaia.-Kirol sistema lokala. Osagaiak. Haien arteko harremana. Zabaltzeko aukerak.

13. gaia.-Kalitatearen kudeaketa tokian tokiko kirol antolakuntzan. Kontroletik kalitatera. Normalizazioa, homologazioa eta zertifikazioak. Kalitate sistemak. Azterketa eta diagnostikoak. Kalitate eta kalitate- gabeziaren kostua. Erabiltzaileen gogobetetzearen azterketa.

14.-Kirolaren gaineko ikerkuntza. Ikerkuntzaren esanahia. Udaletan ikertzeko beharra. Ikerketak, hobera jotzeko bidea. Ikerkuntzako metodoak. Estatistikako zazpi tresnak.

15.-Araudi interesgarria. Berariazkoa. Orokorra.

16.-Kirol zerbitzuetako marketing-a. Zerbitzuen ezaugarriak. Kirol marketing-aren betebeharrak. Kirol zerbitzuen osagaiak. Marketing-plana.

17.-Kirol ariketa, TKTaren (Tokiko kirol teknikaria) tresna eta objektua. Helburuak. Funtzioak. Modalitateak. Sailkapena. Motak.

Bibliografia

-Los siete instrumentos de la calidad total. Alberto Galgano. Díez de Santos.

-Marketing y calidad total. Miguel Mazarrasa. Ediciones Gestión 2000, S.A.

-Sociología del deporte. VV.AA. Ciencias Sociales Alianza. Editorial.

-I Encuentro de Diputados Provinciales de Deportes. Federación Española de Municipios y Provincias.

-La población navarra ante el hecho deportivo. Cuadernos técnicos de deporte n.º 4. I.N.D.J.

-I Jornada sobre deporte municipal en Navarra. Cuaderno técnico de deporte n.º 9. I.N.D.J.

-Calidad total en la gestión de servicios. Valarte A., Zeithamil, A. Parasuraman y Leonard L. Berry. Díaz de Santos.

-Calidad total y normalización. Andrés Senlle y Guillermo Astoll. Ediciones Gestión 2000, S.A.

-Técnicas de dirección y marketing para entidades deportivas. Pedro Aragón Cansino. Cuadernos técnicos n.º 18-Unisport.

-Calidad total en los servicios y en la Administración Pública. Andres Senlle. Ediciones Gestión, 2000, S.A.

-La calidad del servicio, a la conquista del cliente. Jacques Horovitz. Mc Graw-HILL.

-Manual práctico de organización deportiva. Oscar Martín Andrés. Gymnos Editorial.

-XI Jornadas de deporte y corporaciones locales. Federación Española de Municipios y Provincias.

-Planificación deportiva, teoría y práctica. Juan A. Mestre Sancho. Inde Publicaciones.

-La gestión del deporte municipal. Juan A. Mestre Sancho. Eduardo García Sánchez. Inde Publicaciones

-Planificación estratégica en las organizaciones deportivas. Fernando París Roche. Editorial Paidotribo.

-Gestión y dirección de empresas deportivas. Carmen Alberto Sacristán. Victor Hernando. José A. Fernández. Gymnos Editorial.

III. ERANSKINA

Udal arloko gaiak

1.-Udalerria. Kontzeptua eta osagarriak. Eskumenak. Oinarrizko antolamendua eta osagarria. Nafarroako bestelako toki entitateak.

2.-Administrazio prozedura eta Administrazio Publikoen araubide juridikoa. Egintza administratiboak eta xedapen orokorrak. Egintza administratiboen ezaugarriak.

3.-Administrazio prozedura. Hastapena. Administrazioaren isilaldia. Instrukzioa, antolaketa eta bukaera. Jakinarazpenen araubidea. Gora jotzeko errekurtsoak.

4.-Administrazio Publikoekiko kontratuak. Arautegi aplikagarria. Kontratu administratiboen motak. Aldez aurreko jarduketak. Esleitzeko prozedurak eta erak.

5.-Nafarroako toki entitateen zerbitzuko langileak. Motak. Arautegi aplikagarria. Aplikatzeko esparrua.

6.-Nafarroako toki entitateen baliabideak, Toki Ogasunei buruzko 2/1995 Foru Legearen arabera. Haien nozio orokorrak.

7.-Udalen aurrekontuak. Kontzeptua eta edukia. Egitura. Prestatzeko eta onesteko prozedura.

8.-Aurrekontuen bete eta kitatzea. Betetzearen faseak. Kitapena.

3. 2000. urterako lan eskaintza publikoaren onespenari eta oinarri hauei buruzko iragarkia Nafarroako ALDIZKARI OFIZIALera bidaltzea argitara dadin eta behar diren ondorioak izan ditzan."

San Adrianen, bi milako azaroaren hamazazpian. Alkatea, Jesús Angel Mendaza Marrodán.

Iragarkiaren kodea: A0010827