I. NAFARROAKO FORU KOMUNITATEA
Herrilanak eta Zerbitzu Publikoak
1265/2000 EBAZPENA, abenduaren 19koa, Herrilan zuzendari nagusiak emana, "Bide segurtasuna. Istripu ugariko 44. tartea (IUT-4) kentzeko lanak: Iruña-Logroño N-121 errepidea 54,3 k.p.tik 55,5 k.p.ra moldatzea" izeneko proiektua behin betikoz onesten duena.
Herrilan zuzendari nagusiak urriaren 4an emandako 967/2000 Ebazpenaren bidez, onespen teknikoa eman zitzaion "Bide segurtasuna. Istripu ugariko 44. tartea (IUT-4) kentzeko lanak: Iruña-Logroño N-121 errepidea 54,3 k.p.tik 55,5 k.p.ra moldatzea" izeneko proiektuari, eta ukituriko ondasun eta eskubideen zerrendarekin batera hogei egun balioduneko epean jendaurrean jartzea erabaki zen. Ebazpen hura 2000ko urriaren 27ko 130. Nafarroako ALDIZKARI OFIZIALean argitaratu zen.
Epe horretan ez da inolako alegaziorik aurkeztu.
Horrenbestez, Zainketa Zerbitzuak adierazi eta proposatu duenarekin bat, Nafarroako Foru Komunitatearen Gobernua eta Administrazioa arautzen dituen Foru Legearen 36.2 artikuluan emandako ahalmenak erabiliz, eta Herrilan, Garraio eta Komunikazio kontseilariak urriaren 7an emandako 3912/99 Foru Aginduaren bidez esleiturik ditudan eskurantzak erabiliz,
EBATZI DUT:
1. "Bide segurtasuna. Istripu ugariko 44. tartea (IUT-4) kentzeko lanak: Iruña-Logroño N-121 errepidea 54,3 k.p.tik 55,5 k.p.ra moldatzea" izeneko proiektua behin betikoz onestea.
2. Ebazpen hau Nafarroako ALDIZKARI OFIZIALean eta Foru Komunitateko bi egunkaritan argitaratzea.
3. Ebazpen hau jakinaraztea Lukingo Udalari, Desjabetzapen Atalari eta Zainketa Zerbitzuari, behar diren ondorioak izan ditzan.
Iruñean, bi milako abenduaren hemeretzian.-Herrilan zuzendari nagusia, Alvaro Miranda Simavilla.
Iragarkiaren kodea: A0100054
