I. NAFARROAKO FORU KOMUNITATEA
IBILGAILU ASTUNAK 2 (III.2 Mota)
88/2001 EBAZPENA, apirilaren 27koa, Unibertsitateetarako eta Hizkuntza Politikarako zuzendari nagusiak emana. Hezkuntza eta Kultura Departamentuak eta Nafarroako Unibertsitateak Iruñean "El mundo social y cultural en la época de la Celestina" izeneko Nazioarteko Mahai-ingurua egiteko sinatu duten Lankidetza Akordioaren testua onesten du. Mahai-ingurua 2001eko ekainaren 21 eta 22an eginen da, eta "Grupo de Investigación Siglo de Oro (GRISO)" taldeak aurreikusitako ekintzen barnean antolatu da.
Unibertsitateko Irakaskuntza eta Ikerketa Zerbitzuak proposatu du onets dadila Hezkuntza eta Kultura Departamentuak eta Nafarroako Unibertsitateak Iruñean eginen den Nazioarteko Mahai-ingururako sinatu duten Lankidetza Akordioa. Mahai-inguruak "El mundo social y cultural en la época de la Celestina" izena izanen du, 2001eko ekainaren 21 eta 22an eginen da eta "Grupo de Investigación Siglo de Oro (GRISO)" taldeak aurreikusitako ekintzen barnean antolatu da. Halaber, ekintza hori finantzatzen laguntzeko 2.000.000 pezetako gastua baimentzea proposatu du.
Hezkuntza eta Kultura kontseilariak ekainaren 29ko 255/2000 Foru Aginduaren bidez emandako ahalmenak eta esleiturik ditudan eskurantzak erabiliz,
EBATZI DUT:
1. Hezkuntza eta Kultura Departamentuak eta Nafarroako Unibertsitateak Iruñean eginen den Nazioarteko Mahai-ingururako sinatu duten Lankidetza Akordioa onestea. Mahai-inguruak "El mundo social y cultural en la época de la Ceslestina" izena izanen du, 2001eko ekainaren 21 eta 22an eginen da eta "Grupo de Investigación Siglo de Oro (GRISO)" taldeak aurreikusitako ekintzen barnean antolatu da.
2. Nazioarteko mahai-inguru hori finantzatzen laguntzeko 2.000.000 pezetako gastua baimentzea gehienez; diru horren bidez mahai-ingurua egiteko eta zabalkundea eta konklusioen edizioa egiteko kalkulatu den kostu osoaren % 57a finantzatuko da.
3. Izanen diren gastuen finantziazioa, 2.000.000 pezeta bitarte, Departamentuko gastuen aurrekontuko 43100- 41000-4810-422402 kontusailaren kargura eginen da ("Irabazi asmorik gabeko erakundeekin Akordioak eta Hitzarmenak egitea eta Unibertsitate Hedapena").
4. Ebazpen hau eta Lankidetza Akordioaren testua Nafarroako ALDIZKARI OFIZIALean argitaratzea.
5. Ebazpen hau eta Lankidetza Akordioaren testua igortzea Nafarroako Unibertsitatera, Ekonomi eta Ogasun Departamentuak Hezkuntzakoan duen kontu-hartzaile delegatuari, Unibertsitateetarako eta Hizkuntza Politikarako Zuzendaritza Nagusira, Unibertsitateko Irakaskuntza eta Ikerketa Zerbitzura, Goi Mailako Ikasketen Atalera, Aurrekontu eta Kudeaketa Ekonomikoaren Atalera, Goi Mailako Irakaskuntzaren Bulegora, Administrazio Orokorreko Bulegora eta Kudeaketa Ekonomikoaren Bulegora, behar diren ondorioak izan ditzan.
Iruñean, bi mila eta bateko apirilaren hogeita zazpian.-Unibertsitateetarako eta Hizkuntza Politikarako zuzendari nagusia, Pedro Pegenaute Garde.
NAFARROAKO GOBERNUKO HEZKUNTZA ETA KULTURA DEPARTAMENTUAK ETA NAFARROAKO UNIBERTSITATEAK IRUÑEAN "EL MUNDO SOCIAL Y CULTURAL EN LA EPOCA DE LA CELESTINA" IZENEKO NAZIOARTEKO MAHAI-INGURUA EGITEKO SINATU DUTEN LANKIDETZA AKORDIOA. 2001EKO EKAINAREN 21 ETA 22AN EGINEN DA, ETA "GRUPO DE INVESTIGACION SIGLO DE ORO (GRISO)" TALDEAK AURREIKUSITAKO EKINTZEN BARNEAN ANTOLATU DA
Iruñean, 2001eko .....aren .....ean.
Bildu dira:
Alde batetik, Pedro Pegenaute Garde jauna, Nafarroako Gobernuaren Hezkuntza eta Kultura Departamentuko Unibertsitateetarako eta Hizkuntza Politikarako zuzendari nagusia.
Beste aldetik, Manuel Casado Velarde jauna, Nafarroako Unibertsitateko Irakasleen errektoreordea, Unibertsitatearen izenean eta hura ordezkatuz, eta Nafarroako Unibertsitateko errektore jaunak eskuordeturik.
Azaldu dute:
Nafarroako Gobernuko Hezkuntza eta Kultura Departamentuak interesa duela eta, bereziki, Unibertsitateetarako eta Hizkuntza Politikarako Zuzendaritza Nagusiak, "El mundo social y cultural de la época de la Celestina" izeneko Nazioarteko Mahai-ingurua bultzatzeko, Nafarroako Unibertsitateko "Grupo de Investigación Siglo de Oro (GRISO)" taldeak aurreikusitako ekintzen barnean. Iruñean eginen da 2001eko ekainaren 21 eta 22an.
2. Unibertsitateetarako eta Hizkuntza Politikarako Zuzendaritza Nagusiaren zenbait xederekin lotzen da nazioarteko mahai-ingurua, xede horiek baitira Nafarroako unibertsitateekin eta irabazi asmorik gabeko beste erakunde batzuekin akordioak eta hitzarmenak egitea, unibertsitateko komunitatearentzat eta, oro har, iritzi publiko nafarrarentzat interesgarriak diren gaiak aztertu eta zabaltzeko.
3. Kontuan harturik mahai-ingurua nazioartekoa izanen dela eta aurrera eramateak gastu handiak sortuko dituela (aldi bereko itzulpena honako Unibertsitateetako irakasleen arteko komunikaziorako: Nafarroako Unibertsitatea, Madrileko Complutensea, Michiganeko Unibertsitatea, Liverpooleko Unibertsitatea, Madrileko Autonomoa, Georgetowneko Unibertsitatea, Zaragozakoa, Valentziakoa, Virginiakoa, Extremadurakoa, Jaengoa, Euskal Herrikoa eta Salamancakoa; gutun eta komunikazioak, ponentzia eta komunikazioak eta mahai-inguruko aktak argitaratzea, eta munduko zenbait herrialdetako parte- hartzaileei egin beharreko arreta eta beren gastu orokorrak), Hezkuntza eta Kultura Departamentuak 2.000.000 pezetara bitarteko dirua jarriko du, mahai-inguruko jarduerak finantzatzen laguntzeko.
ERABAKI DUTE:
1. Nafarroako Gobernuak "El mundo social y cultural de la época de la Celestina" izeneko Nazioarteko Mahai- ingurua egiteko laguntza emanen du. Antolatzailea Nafarroako Unibertsitateko "Grupo de Investigación Siglo de Oro (GRISO)" taldea da. Ohorezko Batzordeko burua Nafarroako Gobernuko lehendakaria izanen da, Miguel Sanz Sesma jauna.
2. Nafarroako Gobernuaren Hezkuntza eta Kultura Departamentuak ordezkari hauek izanen ditu Nazioarteko Mahai-inguruan:
.Ohorezko Batzordea: Jesús Laguna Peña jauna, Hezkuntza eta Kultura kontseilaria; José Mª Bastero jauna, Nafarroako Unibertsitateko errektorea; Pedro Pegenaute Garde jauna, Nafarroako Gobernuko Unibertsitateetarako eta Hizkuntza Politikarako zuzendari nagusia; Manuel Casado jauna, Nafarroako Gobernuko Irakasleen errektoreordea.
.Batzorde Akademikoa: Agustín González Enciso irakasle jauna, Historia Departamentuko zuzendaria; Ignacio Arellano irakasle jauna, Literatura Hispanikoaren Departamentuko zuzendaria; José Remigio Múgica Navarro doktore jauna, Nafarroako Gobernuko Unibertsitateko Irakaskuntza eta Ikerketa Zerbitzuko zuzendaria.
.Antolaketa Batzordea: Rocío García Bourrellier andrea eta Jesús Usunáriz jauna, Nafarroako Unibertsitateko Historiako irakasle atxikia.
3. Nafarroako Unibertsitateak konpromisoa hartzen du 2001eko ekainaren 21 eta 22an Iruñean eginen den nazioarteko mahai-inguruan aurreikusitako jardueren programa garatzeko. Ponentzia eta komunikazioen bilketaren eta azken konklusioen kopia bat igorriko du Nafarroako Gobernuaren Unibertsitateetarako eta Hizkuntza Politikarako Zuzendaritza Nagusira.
4. Nafarroako Unibertsitateak harturiko konpromisoen ordainetan, Nafarroako Gobernuak 2.000.000 pezetara bitarteko laguntza orokor bat emanen du nazioarteko mahai- inguruko gastuak finantzatzen laguntzeko. Behar diren frogagiriak aurkeztu ondoren, Unibertsitateetarako eta Hizkuntza Politikarako Zuzendaritza Nagusiak diru transferentzia eginen du, Hezkuntza eta Kultura Departamentuko gastuen aurrekontuko 43100-4810-422402 kontusailaren kargura ("Irabazi asmorik gabeko erakundeekin Akordioak eta Hitzarmenak egitea eta Unibertsitate Hedapena").
5. Akordio honetan ezarritakoa egoki betetzen den begiratzeko Jarraipen Batzorde bat eratu da. Kide hauek osatzen dute:
.Nafarroako Gobernuaren aldetik:
Pedro Pegenaute Garde jauna, Unibertsitateetarako eta Hizkuntza Politikarako zuzendari nagusia.
José Remigio Múgica Navarro jauna, Unibertsitateko Irakaskuntza eta Ikerketa Zerbitzuko zuzendaria.
.Nafarroako Unibertsitatearen aldetik:
Manuel Casado Velarde jauna, Irakasleen errektoreordea.
Ignacio Arellano Ayuso jauna, Literatura Departamentuko zuzendaria eta GRISOko kidea.
6. Akordio honek sinatu ondoko egunean hartuko du indarra.
Eta adostasuna adierazteko, Lankidetza Akordio hau sinatu dute, aipatu egun eta tokian.
Nafarroako Gobernuaren aldetik, Pedro Pegenaute Garde jauna, Unibertsitateetarako eta Hizkuntza Politikarako zuzendari nagusia. Nafarroako Unibertsitatearen aldetik, Manuel Casado Velarde jauna, Irakasleen errektoreordea.
Iragarkiaren kodea: a0105337