I. NAFARROAKO FORU KOMUNITATEA
Agintariak eta Langileak
54/2001 FORU DEKRETUA, martxoaren 5ekoa, María Asunción Erice Echegaray andrea Nafarroako Administrazio Auzitegiko 3. Ataleko presidente izendatzen duena.
Nafarroako Administrazio Auzitegiaren Erregelamendu Organikoa onesten duen otsailaren 9ko 31/1998 Foru Dekretuaren 6. artikuluak xedatzen du Nafarroako Administrazio Auzitegiko ataleko presidenteak Nafarroako Gobernuak izendatuko dituela, organo horretako kideen artean aukeratuta, eta Nafarroako Foru Komunitateko Administrazioaren atalburuen maila izanen dutela ondorio guztietarako.
Horrenbestez, Lehendakaritza, Justizia eta Barne kontseilariak proposaturik, eta Nafarroako Gobernuak bi mila eta bateko martxoaren bostean egindako bilkuran harturiko erabakiarekin bat,
DEKRETATU DUT:
Artikulu bakarra.-María Asunción Erice Echegaray andrea, Nafarroako Administrazio Auzitegiko 3. Ataleko presidente izendatzea. Foru Komunitateko Administrazioaren atalburuen maila izanen du.
Iruñean, bi mila eta bateko martxoaren bostean.-Nafarroako Gobernuko lehendakaria, Miguel Sanz Sesma.-Lehendakaritza, Justizia eta Barne kontseilaria, Rafael Gurrea Induráin.
Iragarkiaren kodea: a0102707
