I. NAFARROAKO FORU KOMUNITATEA
Beste Xedapenak
259/2001 FORU AGINDUA, martxoaren 2koa, Ingurumen, Lurraldearen Antolamendu eta Etxebizitza kontseilariak emana, Murillo el Frutoko Arau Subsidiarioak 4. poligonoko 321, 237, 240, 243, 1290 eta 1307. lurzatietako abeltegiak sendotu eta zabaltzeko baldintzei dagokienez eta abeltegien arteko aldeari buruzko 8.5.1.3.2 artikuluari dagokionez aldatzeko espedientea behin betikoz onesten duena.
Murillo el Frutoko Udalak idazpuruan zehaztutako espedientea aurkeztu du Ingurumen, Lurraldearen Antolamendu eta Etxebizitza Departamentuan, behin betikoz onets dezaten.
Ikusirik ekarritako dokumentazioa eta Lurraldearen Antolamendu eta Hirigintza Zerbitzuak emandako adostasun txostena, bidezko da espediente hori behin betikoz onestea.
Horren ondorioz, Lurraldearen Antolamenduari eta Hirigintzari buruzko uztailaren 4ko 10/1994 Foru Legearen 116. artikuluan xedatutakoari jarraikiz,
AGINDU DUT:
1. Behin betikoz onestea Murillo el Frutoko Arau Subsidiarioak 4. poligonoko 321, 237, 240, 243, 1290 eta 1307. lurzatietako abeltegiak sendotu eta zabaltzeko baldintzei dagokienez eta abeltegien arteko aldeari buruzko 8.5.1.3.2 artikulua aldatzeko espedientea.
2. Foru Agindu honen kontra gora jotzeko errekurtsoa jar daitekeela adieraztea, Nafarroako Gobernuari zuzendua, jakinarazi edo, bestela, Nafarroako ALDIZKARI OFIZIALean argitaratu eta biharamunetik hilabeteko epean gehienez ere, Administrazio Publikoen Araubide Juridikoari eta Guztiendako Administrazio Prozedurari buruzko azaroaren 26ko 30/1992 Legearen 114. eta 115. artikuluei jarraikiz. Aldaketa horren kontra, bestalde, administrazioarekiko auzi-errekurtsoa jarri ahalko da Nafarroako Auzitegi Nagusiko arlo bereko Sailari zuzendua, Foru Agindu hau jakinarazi edo Nafarroako ALDIZKARI OFIZIALan argitaratu eta biharamunetik hasita bi hilabeteko epean, Administrazioarekiko Auzien Jurisdikzioa arautzen duen uztailaren 13ko 29/1988 Legearen 10. artikuluan xedatutakoari jarraikiz.
3. Foru Agindu hau Murillo el Frutoko Udalari jakinaraztea eta Nafarroako ALDIZKARI OFIZIALean argitara ematea, behar diren ondorioak izan ditzan.
Iruñean, bi mila eta bateko martxoaren bian.-Ingurumen, Lurraldearen Antolamendu eta Etxebizitza kontseilaria, Jesús Javier Marcotegui Ros.
Iragarkiaren kodea: A0102300
