Iragarkia

25. ALDIZKARIA - 2001eko otsailaren 23a

I. NAFARROAKO FORU KOMUNITATEA

Xedapen Orokorrak. Foru Aginduak

19/2001 FORU AGINDUA, urtarrilaren 25ekoa, Hezkuntza eta Kultura kontseilariak emana. Arautzen du diru publikotik ari diren irakaskuntza ez-unibertsitarioko ikastetxeetan ikasleak 2001/2002 ikasturtean onartzeko prozedura.

Otsailaren 28ko 56/1994 Foru Dekretuak (martxoaren 4ko 130/1996 Foru Dekretuaren bidez aldatua), Nafarroako Foru Komunitatean diru publikotik ari diren irakaskuntza ez-unibertsitarioko ikastetxeetan ikasleak onartzeko prozedura arautzen du. Arau hark zehazturiko esparruaren barnean eta aipatu Dekretua garatu nahian, bidezkoa da segurtasun juridiko egokia emateko prozedura arautua ezartzea.

Kontuan harturik zer agintzen duen Ikastetxeen Parte-hartze, Ebaluazio eta Gobernuari buruzko azaroaren 20ko 9/1995 Lege Organikoko bigarren Xedapen Gehigarriak (azaroaren 21eko E.A.O.) sozialki nahiz kulturalki desfaboratutako ikasleak eskolatzeari buruz, toki-erreserba bat ezartzen da ikasleak Haur Hezkuntzako bigarren zikloko lehen kurtsoan onartzeko, diru publikotik ari diren ikastetxe guztietan.

Horrenbestez,

AGINDU DUT:

I. KAPITULUA

Alderdi orokorrak

1. artikulua. Foru Agindu honen helburua da diru publikotik ari diren irakaskuntza ez-unibertsitarioko ikastetxeetan ikasleak 2001-2002 ikasturtean onartzeko prozedura arautzea.

2. artikulua. 1. Foru Agindu honetako araubidea ondoko ikasle hauei aplikatuko zaie: batetik, diru publikotik ari diren irakaskuntza ez-unibertsitarioko ikastetxeetan lehenbiziko aldiz sartu nahi dutenei eta, bestetik, Arte Plastikoetako eta Diseinuko ikasketak, Erdi Mailako eta Goi Mailako Berariazko Lanbide Heziketako zikloak eta Teknologiako eta Arteetako modalitateetako Batxilergoak egin asmo dituztenei.

2. Ikastetxe berean hezkuntza maila batetik bestera iragateko edo ikastetxe atxiki batetik atxikipen ikastetxera iragateko ez da onarpen prozedurarik beharko, ondoko inguruabarren bat gertatzen ez bada bederen:

a) Ikastetxe beraren edo hari atxiki ikastetxeen eskari osoa asetzeko adina eskola-posturik ez bada. Hori hala bada, ikastetxe horen eta hari atxiki ikastetxeen eskatzaileen artean onarpen prozesua egin beharko da.

b) Arte Plastikoetako eta Diseinuko, Erdi Mailako Berariazko Lanbide Heziketako Zikloetako, Goi Mailako Berariazko Lanbide Heziketako Zikloetako eta Teknologiako eta Arteetako modalitateetako Batxilergoko ikasketak egin nahi direnean. Horietan guztietan sartzeko, ikasle eskatzaile guztien artean onarpen prozesua eginen da eta, hala behar denetan, indarra duen arautegian aurreikusten diren lehentasunak ezarriko dira.

2. zenbakiko a) eta b) letretan zehaztutako kasuetan izan ezik, atxikipen ikastetxeak ikasleari onarpen prozesua aplikatu gabe esleituko dio eskola-postua, ikastetxe atxikiak eskatuta edo ikaslearen guraso-agintea dutenek edo, guraso-agintearen menpe ez dagoen kasuetan, ikasleak berak eskatuta.

3. artikulua. Eskaerak horretarako prestatu eredu ofizialaren araberakoak izanen dira.

4. artikulua. Eskatzaile bakoitzak eskabide bakarra aurkeztuko du, non adierazi beharko baitu zein ikastetxetan nahi duen eskola-postua, bere lehentasunen arabera. Eskabide hori lehenbiziko tokian jarri duen ikastetxeko administrazio bulegoan aurkeztu beharko da. Oso-osorik bete beharko da eta nahitaezkoa izanen da aurkeztea hartan aditzera emandako frogagiri guztiak eta, hala behar denean, ikastetxeko erakunde eskudunak edo Eskolatze Batzordeak eskatzen duen informazio osagarria.

5. artikulua. Eskabidea toki bat baino gehiagotan aurkeztuz gero, lortutako eskola-postua galduko da.

6. artikulua. Ikastetxeek, behar den epean aurkezten diren eskaera guztiak onartuko dituzte. Sartzeko eskaera guztietarako nahiko eskola-posturik ez dagoenean, hurrengo irizpideetan oinarritutako lehentasun ordenari jarraikiko zaio:

a) Erdi Mailako Heziketa zikoletarako: Foru Agindu honetako 26. artikuluan aipatzen direnak lehenetsiko dira. Irizpide horiek aplikatu ondoren berdinketa izaten bada, orduan aplikatuko da 7-13 artikuluek agintzen dutena.

b) Berariazko lanbide Heziketako Goi Mailako Heziketa Zikloetarako: Foru Agindu honetako 30. artikuluan esaten dena.

c) Arte Plastiko eta Diseinuko irakaskuntzetarako, Foru Agindu honetako VI. kapituluan esaten direnak.

d) Gainerako irakaskuntzetarako 7-13 artikuluetan ezarri irizpideak aplikatuko dira.

7. artikulua. 1. Famili unitatearen urteko errentak baremo honen arabera baloratuko dira:

a) Lanbidearteko gutxieneko soldataren adinakoak edo baxuagoak diren errentak: 1,5 puntu.

b) Lanbidearteko gutxieneko soldatatik gora, halako bi edo gutxiago diren errentak: 0,5 puntu.

c) Lanbidearteko gutxieneko soldata halako bi edo gehiago diren errentak: 0 puntu.

2. Famili unitatearen urteko errenta frogatzeko, Pertsona Fisikoen Errentaren gaineko Zergaren Aitorpenaren kopia (familiarena) aurkeztu beharko da, eskola-postua zein urte naturaletarako nahi den, bi urte lehenagoko ekitaldi fiskalari dagokiona, Ogasunak gaituriko bulegoren batek zigilatua.

3. Eskola-postua zein urte naturaletarako nahi den, bi urte lehenagoko ekitaldi fiskalean ikaslearen famili unitateak deklaratu beharra dakarren urteko famili errentatik beherako dirusarrerak izan baditu, errenta hori egiaztatzeko ondoko ataletan aipatzen diren agirietako bat aurkez daiteke:

a) Epe horri dagokion Pertsona Fisikoen Errentaren gaineko Zergaren borondatezko aitorpena, edo

b) Epe horretan jasotako dirusarrerak egiaztatzeko beste agiri batzuk.

Kasu bietan, ikastetxeetako organo eskudunek behar duten dokumentazio osagarria eskatzen ahalko diete eskatzaileei, eskaeran agertutako famili errenta egiazkoa ote den ikusteko.

4. Famili unitatearen errentak behar bezala egiaztatzen ez badira, atal honengatik 0 puntu emanen da.

8. artikulua. 1. Artikulu honetako 2. zenbakiko kasuetan izan ezik, ikastetxea ikaslearen etxetik hurbil egotea honela baloratuko da:

a) Ikaslearen etxea ikastetxearen eragin eremuaren barnean baldin bada: 5 puntu.

b) Ikaslearen etxea ikastetxearen eragin eremuarekin mugakide den eremuan baldin bada, 2 puntu.

c) Ikaslea beste eremu batean bizi baldin bada: 0 puntu.

Familiaren helbidea tokian tokiko Udalak luzaturiko ziurtagiriaren bidez egiaztatuko da.

2. Eskaeretan, ikaslearen onarpenaren ondorioetarako, familiaren helbidearen ordez lantokiarena jartzen ahalko da. Lantokiaren helbidea egiaztatzeko, enpresaren titularrak emandako agiria aurkeztu beharko da, lantokia non dagoen zehaztu eta ikasleak edo ikaslearen guraso-agintea duen pertsonak bertan lan egiten duela adierazteko. Lantokia ikastetxearen eragin eremuan edo horren eremu mugakideren batean baldin badago, eskatzaileari 2 puntu emanen zaizkio.

3. Arte Plastikoetako eta Diseinuko, erdi edo goi mailako Berariazko Lanbide Heziketako Zikloetako edo Teknologiako eta Arteetako modalitateetako Batxilergoko ikasketak egin nahi dituzten ikasleen kasuan, ikaslea ikastetxetik hurbil bizitzea honela baloratuko da:

a) Aukeraturiko irakaskuntza barrutiko ikastetxe batean baino gehiagotan eskaintzen bada, barrutian helbideraturik dauden eskatzaileek 5 puntu lortuko dituzte atal honetan, barrutiko ikastetxe guztietarako.

b) Irakaskuntza hori eskatzailearen helbideari dagokion barrutian eskaintzen ez bada, ikasleari 5 puntu emanen zaizkio helbidearengatik, irakaskuntza horretan sartzea eskatzen badu.

c) Iruñerrian, (12, 13, 14, 15, 16, 17 eta 18. barrutiak), barruti horietan helbidea duten ikasleek 5 puntu izanen dituzte Iruñerriko edozein ikastetxetan irakasten diren ikasketetarako.

d) Nafarroan bizi den ikasle batek bere barrutia ez den batean ikasi nahi baldin badu, atal honengatik 2 puntu hartuko ditu.

9. artikulua. Eskatzen den ikastetxean senideak matrikulaturik izatea, honela baloratuko da:

a) Ikastetxean senide bat: 3 puntu.

b) Gainerako senide bakoitzarengatik: puntu 1.

Ikastetxean senideak dituela ulertuko da onarpena eskatzen den ikasturte horretan ikastetxean segitu behar baldin badute.

10. artikulua. Familia larri bateko kide izateagatik, puntu 1 emanen da. Horretarako, behar den titulu edo liburua aurkeztu beharko da.

11. artikulua. Ofizialki ezagututako elbarritasuna egiaztatzen duten ikasleei puntu 1 emanen zaie.

12. artikulua. Ikastetxe bakoitzeko Eskola Kontseiluak beste 3 puntu gehiago ematen ahalko ditu, ezartzen duen irizpide osagarri bakoitzagatik gehienez ere puntu 1. Irizpide horiek Eskolatze Batzordeak aurretik baimendu beharko ditu.

13. artikulua. Puntu berdinketa gertatzen denean, otsailaren 28ko 56/1994 Foru Dekretuaren 16.2. artikuluko irizpideak aplikatuko dira.

14. artikulua. 1. Hezkuntza eta Kultura Departamentuak ikastetxe bakoitzean zenbat eskola-postu huts dauden zehaztuko du eta, ikasleen onartzeari begira, eragin barrutiak eta barruti mugakideak zein diren finkatuko du.

2. Ikasgela batean gehienez zenbat ikaslek egon behar duten zehazteko, ondoko arauei jarraikiko zaie: irailaren 5eko 153/1994 Foru Dekretua edo hura ordezkatzen duen arautegia, eta irakaskuntza pribaturako hitzarmen eta dirulaguntzetarako deialdiak.

15. artikulua. 1. Eskolatze Batzordeak, epe arruntean aurrenik eskatu ikastetxean posturik lortu ez duten ikasleei eskola postu bat egotziko die.

2. Hurrengo ikasturterako tokia eskatzen duten ikasleak: Epe arrunta pasatuz gero aurkeztu eskaerarik ez da onartuko, eta eskatzaileari epe berezian berriz eskatzeko esanen zaio. Epe berezi horretan, nahitaezko irakaskuntzen kasuan, epe arruntean posturik lortu ez zuten ikasleen eskaerak baizik ez dira onartuko.

3. Bukatu gabeko ikasturte baterako tokia eskatzen duten ikasleak: ikasturtean, toki hutsak dituzten ikastetxeek honako eskaerak baizik ez dituzte onartuko: helbidea aldatuta ikastetxera etortzeko zaitasunak dituzten ikasleak edo Hezkuntza sistemara lehenbizikoz iristen diren ikasleak.

Ikastetxeak behin-behinekoz onartu duen ikaslea lehenbailehen hasiko da tokatzen zaion ikasgelan eta ikastetxeak hiru eguneko epea izanen du orduan behin betiko baimena emateko eskaera Eskolatze Batzordeari bidaltzeko. Baimen hori harturik, ikastetxeak matrikulatu eginen du ikaslea eta hark orduz geroz baja hartuko bere jatorriko ikastetxean.

Toki hutsik ez duten ikastetxeek eskualde hartako beste ikastetxeen gaineko informazioa emanen diete eskatzaileei eta hiru eguneko epean bidaliko diote Eskolatze Batzordeari eskaera zigilatua.

4. Artikulu honetan aipatzen diren eginkizunak betetzeko, Eskolatze Batzordeak ikastetxeei eta Departamentuko zerbitzuei behar diren txostenak eskatuko dizkie.

16. artikulua. Eskolaratua dagoen ikastetxean ez, beste batean eskolaratzeko onarpenak, epe arruntean, jatorrizko ikastetxeko eskola-postua galtzea ekarriko du. Eskola-postu hori galtzearen ondorio akademikoak ikasturtearen amaieratik aurrera hasiko dira.

II. KAPITULUA

Haur Hezkuntza, Lehen Hezkuntza eta Derrigorrezko Bigarren Hezkuntza

17. artikulua. 1. Haur Hezkuntza, Lehen Hezkuntza eta Derrigorrezko Bigarren Hezkuntzako ikastetxeetan onarpen eskabideak aurkezteko epe bakarra hau da: otsailaren 26tik martxoaren 9ra bitarte, biak barne.

2. Onartuen behin-behineko zerrenda martxoaren 19an paratuko da jendaurrean. Onartu eta baztertuen behin betiko zerrenda martxoaren 23an paratuko da jendaurrean.

3. Artikulu honetan aipatzen diren hezkuntza maila guztietan, ikasketa baldintza guztiak betetzen dituzten ikasleek ekainaren 25etik uztailaren 3ra bitarte, biak barne, egin beharko dute matrikula.

18. artikulua. 1. Sozialki nahiz kulturalki desfaboratutako ikasleak eskolatzea segurtatzeko, ikasle talde baimendu bakoitzeko bi toki erreserbatuko dira, ikasleak Haur Hezkuntzako bigarren zikloko lehen kurtsoan onartzeko prozesu arruntean, irakaskuntza horiek ematen dituzten eta diru publikotik ari diren ikastetxe guztietan.

2. Ikasleak onartzeko epe arruntean, gutxiengo etnikoetako edo sozialki nahiz kulturalki desfaboratutako taldeetako familiek izanen dute aukera toki horiek eskatzeko, espainolak izan nahiz Europako Batasuneko etorkinak, 1998. urtean jaiotako ikasleentzat.

3. Erreserba horretako tokiak lortu nahi dituzten eskatzaileek hala eman beharko dute aditzera aurreinskripzio inprimakian, eta harekin batera beren herriko Oinarrizko Gizarte Zerbitzuko txostena ere aurkeztu.

4. Eskaerak dauden toki hutsak baino gehiago izaten badira, Foru Agindu honetako 7-13 artikuluetan finkatu irizpideen arabera lehenetsiko dira. Horretarako, bosna puntu emanen dira kasu guztietan, zein ere tokitan duen eskatzaileak bizilekua.

5. Erreserbako toki hutsen faltan onartu ez diren eskaerak eskaera zerrenda orokorrari erantsiko zaizkio aurreko puntuan aipatu irizpideen arabera izan duten puntuazioari dagokion hurrenkeran.

6. Zerrenda orokorrari erantsi eta hala ere tokirik lortzen ez duten eskaerak, Eskolatze batzordeari bidaliko zaizkio, aurkeztutako dokumentazioarekin batera.

7. Erreserbako toki hutsik geratzen bada, eskaera zerrenda orokorraren arabera esleituko dira.

19. artikulua. 1. 17. artikuluko 1. puntuan aipatzen diren irakaskuntzetarako eskaerak aurkezteko epe berezia, irailaren 3tik 5erakoa izanen da, bi egunak barne.

2. Onartu eta baztertuen zerrenda behin-behinekoa irailaren 6an argitaratuko da eta onartu eta baztertuen zerrenda behin betikoak irailaren 10ean.

3. Matrikula gauzatzeko epe berezia irailaren 10a izanen da.

20. artikulua. matrikula aipatu epe horietako batean gauzatzen ez bada, eskatzaileak galduko du onarpen prozesuan esleitu zaion tokia hartzeko eskubidea.

III. KAPITULUA

Batxilergoa

21. artikulua. 1. Batxilergoko ikastetxeetan onarpen eskabideak aurkezteko epea hau da: maiatzaren 2tik maiatzaren 11ra bitarte, biak barne.

2. Onartuen behin-behineko zerrenda maiatzaren 21ean paratuko da jendaurrean. Onartu eta baztertuen behin betiko zerrenda maiatzaren 28an paratuko da jendaurrean.

3. Ikasketa baldintzak betetzen dituzten ikasleek ekainaren 25etik uztailaren 3ra bitarte, biak barne, egin beharko dute matrikula.

22. artikulua. 1. Ikastetxeetan batxilergorako onarpen eskaerak aurkezteko epe berezia irailaren 3tik 7rakoa izanen da, biak barne.

2. Onartuen zerrenda behin-behinekoa irailaren 11n argitaratuko da eta onartu-baztertuen zerrenda behin betikoa irailaren 14an.

3. Ikasketa baldintzak betetzen dituzten ikasleek irailaren 14tik 17ra, biak barne, egin beharko dute matrikula.

23. artikulua. Epe horietako batean matrikula egiten ez badu, eskatzaileak galduko du onarpen prozesuan esleitu zaion tokia hartzeko eskubidea.

IV. KAPITULUA

Erdi Mailako Heziketa Zikloak

24. artikulua. 1. Erdi mailako berariazko lanbide heziketako ikastetxeetan onarpen eskaerak aurkezteko epe arrunta maiatzaren 2tik 11rakoa izanen da, biak barne.

2. Onartuen zerrenda behin-behineko maiatzaren 21ean argitaratuko da eta behin betikoa maiatzaren 28an.

3. Ikasketa baldintzak betetzen dituzten ikasleek ekainaren 25etik uztailaren 3ra, biak barne, egin beharko dute matrikula.

25. artikulua. 1. Ikastetxeetan Erdi mailako berariazko lanbide heziketarako onarpen eskaerak aurkezteko epe berezia irailaren 3tik 7rakoa izanen da, biak barne.

2. Eskaerak Erdi mailako berariazko lanbide heziketako ikastetxe horietan toki hutsak daudenean baizik ez dira onartuko.

3. Onartuen zerrenda behin-behinekoa irailaren 11n argitaratuko da eta behin betikoa irailaren 14an.

4. Ikasketa baldintzak betetzen dituzten ikasleek ekainaren 25etik uztailaren 3ra, biak barne, egin beharko dute matrikula.

26. artikulua. Epe horietako batean matrikula egiten ez badu, eskatzaileak galduko ditu onarpen prozesuan esleitu zaion tokia hartzeko eskubidea.

27. artikulua. Erdi mailako berariazko lanbide heziketako zikloetan presentzialki parte hartzeko eskaeren kasuan, honela lehenetsiko dira:

1.-Sarbide zuzena: sarbide zuzeneko eskola-postuetarako lehentasuna izanen dute 2000/2001 ikasturtean Bigarren Hezkuntzako graduatu titulua lortzen dutenek.

Egoera horretan dauden ikasleak Foru Agindu honetako I. Kapituluan ezarri irizpideen arabera barematuko dira.

2.-Proba bidezko sarrera: Sarrera modalitate honetarako, eskaintzen den erdi mailako lanbide heziketako heziketa ziklo bakoitzeko lau toki erreserbatzen dira, eta eskaerak gehiago direnean toki hutsak baino, honako irizpideak hartuko dira aintzat eskaerak lehenesteko:

a) Egin nahi duten heziketa zikloarekin lotura duen produkzio sektore batean urtebete baino gehiagoko esperientzia dutela frogatzen dutenak.

b) Edozein produkzio sektoretan urtebetetik gorako lan esperientzia dutela frogatzen dutenak.

c) behar adinako lan esperientzia dutela frogatzen ez dutenak.

Proba bidezko sarreraren modalitatean eskatzaile gehiago badago eskaintzako tokiak baino, a, b eta c taldeetako ikasleak hurrenkera horretan onartuko dira, honako irizpideen arabera:

-Lehenbizikoa: Sarrera proban izandako nota, handienetik txikienera. Proba horretako puntuazioa jakiterik ez badago, Ziurtagirian NAHIKOA hutsa jaso delako, 5,5 puntuko balioa emanen zaio.

-Bigarrena: Lan esperientzia, handienetik txikienera.

-Hirugarrena: berdinketa izanez gero, zozketa publikoa eginen da.

V. KAPITULUA

Goi mailako heziketa zikloak

28. artikulua. 1. Ikastetxeetan Goi mailako berariazko heziketarako onarpen eskaerak aurkezteko epe arrunta ekainaren 1etik 7rakoa izanen da, biak barne.

2. Onartuen zerrenda behin-behineko ekainaren 15ean argitaratuko da eta behin betikoa ekainaren 21ean.

3. Ikasketa baldintzak betetzen dituzten ikasleek ekainaren 25etik uztailaren 5era, biak barne, egin beharko dute matrikula.

29. artikulua. 1. Ikastetxeetan Goi mailako berariazko heziketarako onarpen eskaerak aurkezteko epe berezia irailaren 19tik 20rakoa izanen da, biak barne.

2. Artikulu honetako 4.a, 4.b eta 4.bf cursiva ataletan aipatzen den matrikulazio epe bereziaren ondoren oraindik toki hutsak dituzten zikloetan baizik ez da onartuko eskaerarik.

3. Onartu-baztertuen zerrenda behin-behinekoak irailaren 21ean eta onartu-baztertuen zerrenda behin betikoak irailaren 24an argitaratuko dira.

4. Matrikula gauzatzeko epe bereziak hauek izanen dira:

a) Kurtsoa gainditu gabe edukitzeagatik ekainean ezin matrikulatu izan ziren ikasle tokidunentzat irailaren 10a eta 11.

b) Itxoite zerrendako ikasleentzat irailaren 12a eta 13a.

c) Bigarren eta hirugarren aukerako eskaerentzat irailaren 17a eta 18a.

d) Epe berezian inskribatu diren ikasle tokidunentzat: irailaren 24.

30. artikulua. Epe horietako batean matrikula egiten ez badu, eskatzaileak galduko ditu onarpen prozesuan esleitu zaion tokia hartzeko eskubidea.

31. artikulua. 1. Goi mailako berariazko lanbide heziketako Zikloetan presentzialki eta sarbide zuzenarekin parte hartu nahi duten ikasleen kasuan, honako lehentasunak aplikatuko dira:

a) LOGSE Batxilergoaren titulua 2000/2001 ikasturtean lortzen dutenak edo lortzeko moduan daudenak edo 2000/2001 ikasturtean Unibertsitatera Bideratzeko Ikasturtea (UBI) gainditzen dutenak.

b) Batxilergo tituludunak edo Batxilergo Esperimentaleko edozein modalitatetako bigarren kurtsoa edo Unibertsitatera Bideratzeko Ikasturtea (UBI) gainditu dutela frogatzen dutenak, beti ere Goi mailako teknikari, teknikari espezialista edo unibertsitateko titulurik ez badute.

c) Honako tituluak edo balio berekoak dituztenak: Teknikari espezialista, Goi Teknikaria, Unibertsitate titulua edo 2000/2001 ikasturtean ikasketa horietako bat egiten ari direnak.

Eskatzaileak aurreinskripzioa egiterakoan deklaratu beharko ditu dauzkan ikasketa titulu guztiak; bestela galdu lezake erdietsi duen tokia.

2.-Sarbide zuzena eskatzen duten ikasleen kopurua eskainitako postuena baino handiagoa baldin bada, hurrenez hurren onartuko dira a, b eta c taldeetako ikasleak, ondoko irizpide hauei jarraikiz:

-Lehena: LOGSE Batxilergoaren, Batxilergo Esperimentalaren modalitate bat egina izatea edo egiten ari izatea edo, bestela, Unibertsitatera Bideratzeko Ikasturteko aukeretako bat, hain zuzen ere, Foru Agindu honen I eta II. Eranskinetan heziketa ziklo bakoitzarentzat ezarritakoa.

-Bigarrena: ikaslearen ikasketa espedientearen batez besteko nota, 37. artikuluko atalei jarraikiz kalkulatua.

-Hirugarrena: Batxilergoko irakasgaiak ikasten aritzea edo ikasi izana. Heziketa Ziklo bakoitzari zein dagokion I. Eranskinean ageri da.

3.-taldeetako eskatzaileak lehentasun irizpide horien arabera hurrenkatu ondoren, berdinketak batxilergoko edo lanbide heziketako ikasketak 2000/2001 ikasturtean onarpena eskatzen duten ikastetxe berean egin duten ikasleen alde hautsiko dira. Hala ere berdinketa izanez gero, jendaurreko zozketa eginen da.

32. artikulua. 1. Goi mailako Berariazko lanbide heziketako zikloetan presentzialki eta araubide arruntean perte hartzeko modalitatean, sei toki erreserbatuko dira eskaintzen den heziketa zikloko.

2. 2000/2001 ikasturtean goi mailako lanbide heziketako zikloetara sartzeko probetarako prestatzeko ikastaroa egin duten ikasleek (Hezkuntzako Zuzendari Nagusiaren apirilaren 13ko 369/2000 Ebazpenak arautzen du ikastaro hori), lau toki erreserbatuko dira heziketa ziklo bakoitzean erreserbatu diren seietatik.

Eskaini baino toki gehiago eskatzen badira, honako lehentasun irizpideak aplikatuko dira:

Lehenbizikoa: Sarrera proban izandako nota handienetik txikienera.

Bigarrena: goi mailako lanbide heziketako zikloetara sartzeko probetarako prestatzeko ikastaroan izandako nota handienetik txikienera.

Hirugarrena: Berdinketak jendaurreko zozketa beten bidez hautsiko dira.

3. Eskaini baino toki gehiago eskatuz gero, geratzen diren bi tokietarako honako lehentasun irizpideak aplikatuko dira:

a) Egin nahi duten heziketa zikloarekin lotura duen produkzio sektore batean urtebete baino gehiagoko esperientzia dutela frogatzen dutenak.

b) Edozein produkzio sektoretan urtebetetik gorako lan esperientzia dutela frogatzen dutenak.

c) Behar adinako lan esperientzia dutela frogatzen ez dutenak.

A, b eta c taldeetako ikasleak hurrenkera horretan onartuko dira, honako irizpideen arabera:

-Lehenbizikoa: Sarrera proban izandako nota, handienetik txikienera. Proba horretako puntuazioa jakiterik ez badago, Ziurtagirian NAHIKOA hutsa jaso delako, 5,5 puntuko balioa emanen zaio.

-Bigarrena: Lan esperientzia, handienetik txikienera.

-Hirugarrena: berdinketa izanez gero, zozketa publikoa eginen da.

4. 2. eta 3. ataletan eman gabeko tokirik geratzen bada, beste atalari erantsiko zaizkio eta 2. eta 3. atalak ebatzi ondoren ere hutsik geratu badira, sarbide zuzeneko modalitatekoei erantsiko zaizkie.

VI. KAPITULUA

Arte Plastikoetako eta disenuko irakaskuntzak

33. artikulua. eskaerak onartzeko epeak, zerrendak argitaratu eta matrikula egitekoak, bai epe arrunta nola berezia, 24 eta 25. artikuluetan Erdi mailarako eta 28. eta 29.etan Goi mailarako ezarri diren berberak izanen dira.

34. artikulua. Arte Plastikoetako eta disenuko irakaskuntzen zikloetara sartzea eskatzen duten ikasleetarako, honako lehentasun irizpideak aplikatuko dira:

1. Gaitasun artistikoa frogatzeko proba baten bidezko sarrera: 2000/2001 ikasturtean Bigarren Hezkuntzako graduatu titulua lortzen dutenak lehenetsiko dira.

Gaitasun artistikoa frogatzeko proba baten bidez sartzea eskatu dutenak eskainitako tokiak baino gehiago badira, ikasleak lehentasun irizpideen araberako hurrenkeran onartu eta Foru Agindu honetako 7-13 artikuluetan xedatu bezalako irizpideen arabera barematuko dira.

2. Proba orokorraren eta gaitasun artistikoa frogatzeko probaren bidezko sarrera: sartzeko modalitate honetarako 3 toki erreserbatuko dira eskainitako Erdi mailako lanbide heziketako heziketa ziklo bakoitzeko, eta sartzeko eskaera guztientzako tokirik ez badago, honako lehentasun irizpideak aplikatuko dira:

a) Egin nahi duten zikloarekin lotura duen produkzio sektore batean urtebete baino gehiagoko esperientzia dutela frogatzen dutenak.

b) Edozein produkzio sektoretan urtebetetik gorako lan esperientzia dutela frogatzen dutenak.

c) Behar adinako lan esperientzia dutela frogatzen ez dutenak.

Proba bidezko sarreraren modalitatean eskatzaile gehiago badago eskaintzako tokiak baino, a, b eta c taldeetako ikasleak hurrenkera horretan onartuko dira, honako irizpideen arabera:

-Lehenbizikoa: Sarrera proban izandako nota, handienetik txikienera. Proba horretako puntuazioa jakiterik ez badago, Ziurtagirian NAHIKOA hutsa jaso delako, 5,5 puntuko balioa emanen zaio.

-Bigarrena: Lan esperientzia, handienetik txikienera.

-Hirugarrena: berdinketa izanez gero, zozketa publikoa eginen da.

35. artikulua. Arte Plastikoetako eta disenuko irakaskuntzetako goi mailako zikloetara sartzeko eskaera egiten duten ikasleentzat, honako lehentasun irizpideak aplikatuko dira:

1) Gaitasun artistikoa frogatzeko proba baten bidezko sarrera. Honako lehentasun irizpideak aplikatuko dira:

a) 2000/2001 ikasturtean Arteen modalitateko batxilergoaren bigarren kurtsoa gainditzen dutenak.

b) 2000/2001 ikasturtean LOGSE batxilergoko bigarren kurtsoa beste modalitateetan edo Unibertsitatera Bideratzeko Ikasturtea Gainditu dutenak.

c) LOGSE Batxilergoko edo Erdi Mailako Irakaskuntzen Erreformako batxilergoaren bigarren kurtsoa gaindituta eduki eta teknikari espezialista edo balio bereko titulurik ez dutenak. Hala eman beharko dute aditzera inskripzio eskaerari zinpeko deklarazioa erantsiz.

d) a, b eta c ataletakoak aplikatu ondoren eman gabe geratzen diren tokiak hartzeko lehentasuna izanen dute lanbide familia bereko Arte Plastikoetako eta disenuko irakaskuntzak egindakoak izategatik gaitasun artistikoa frogatzeko probatik salbuetsita daudenak, edo Arte Aplikatuetako Graduatu titulua izateagatik.

Gaitasun artistikoa frogatzeko probaren bidez sartzeko eskaerak gehiago badira eskaintzen diren tokiak baino, a, b, c eta d ataletako ikasleak onartuko dira, hurrenkera horretan, ikaslearen ikasketa espedienteko bataz besteko nota, handienetik txikienera, kontuan hartuta, 37. artikuluko atalen arabera kalkulatua. Hala bataz besteko nota kalkulaturik ez duten ikasleak azken tokira pasatuko dira.

e) Eskatzaileak lehentasun irizpideen arabera ordenatu ondoren berdinketak izaten badira, 2000/2001 ikasturtean arte ikasketak edo batxilergokoak onarpena eskatzen duten ikastetxe berean egin dituzten ikasleen alde hautsiko dira.

f) Berdinketa izanez gero, zozketa publikoa eginen da.

2.-Proba orokorraren eta gaitasun artistikoa frogatzeko probaren bidezko sarrera: sartzeko modalitate honetarako 3 toki erreserbatuko dira eskainitako goi mailako lanbide heziketako ziklo bakoitzeko, eta sartzeko eskaera guztientzako tokirik ez badago, honako lehentasun irizpideak aplikatuko dira:

a) Egin nahi duten heziketa zikloarekin lotura duen produkzio sektore batean urtebete baino gehiagoko esperientzia dutela frogatzen dutenak.

b) Edozein produkzio sektoretan urtebetetik gorako lan esperientzia dutela frogatzen dutenak.

c) behar adinako lan esperientzia dutela frogatzen ez dutenak.

Proba bidezko sarreraren modalitatean eskatzaile gehiago badago eskaintzako tokiak baino, a, b eta c taldeetako ikasleak hurrenkera horretan onartuko dira, honako irizpideen arabera:

-Lehenbizikoa: Sarrera proban izandako nota, handienetik txikienera. Proba horretako puntuazioa jakiterik ez badago, Ziurtagirian NAHIKOA hutsa jaso delako, 5,5 puntuko balioa emanen zaio.

-Bigarrena: Lan esperientzia, handienetik txikienera.

-Hirugarrena: berdinketa izanez gero, zozketa publikoa eginen da.

VII. KAPITULUA

Lanbide heziketako eta Arte Plastikoetako eta disenuko irakaskuntzetako zikloen alderdi komunak

36. artikulua. 1. sarrera modalitate bakoitzean ematen ez diren tokiak beste modalitatekoei erantsiko zaizkie ekainean.

2. Goi mailako heziketa zikloetan zuzeneko sarbidearen modalitatean ematen ez diren tokiak probaren bidezko modalitatekoei erantsiko zaizkie irailean.

37. artikulua. 1. Aurreinskripzioa egitean batxilergo titulua edo Goi teknikari titulua dutenen ikasketa espedienteko batez besteko nota frogatzeko, kalifikazio liburua aurkeztuko da edo bestela ikasketa zirtagiri pertsonala.

2. Batxilergoan, batez besteko nota kalkulatzeko lehen eta bigarren kurtsoetako irakasgai guztietan izandako kalifikazioen batez besteko aritmetikoa eginen da.

3. Gainerako ikasketetan: batxilergo eperimentala, BBB-UBI, Bigarren Mailako lanbide heziketa eta balio bereko ikasketetan, batez besteko nota kalkulatzeko, ikasketa ziurtagiri pertsonala osatzen dutenetako azken bi kurtsoetan batez besteko aritmetikoa eginen da, honako baremoaren arabera ponderatua:

Oso gutxi: 2.

Gutxiegi: 4.

Nahikoa: 5,5.

Ongi: 6,5.

Oso ongi: 7,5.

Bikain: 9.

Ohorezko matrikula: 10.

4. Inskripzio aldian ikasketa ziurtagiri pertsonalean azken bi kurtsoetako kalifikazioak aurkezten ez dituzten ikasleei ez zaie batez besteko notarik kontatuko.

38. artikulua. 27.2, 32.3, 34.2 eta 35.2 artikuluetan aipatu lan esperientzia ondoko agiri hauen bidez frogatuko da:

a) Gizarte Segurantzako Diruzaintza Nagusiaren edo afiliatuta dagoen Lan Mutualitatearen ziurtagiria, non zehaztuko baita zein izan den kasuko enpresa, lan kategoria (kotizazio taldea) eta kontratazio aldia, edo betiere Langile autonomoen araubideko kotizazio aldia.

b) Lan esperientzia lortu duen enpresaren ziurtagiria, kontratuak zenbat denbora iraun duen, zein lan egin den eta zenbat denboraz azaltzen duen, beren konturako langileen kasuan, Jarduera Ekonomikoen gaineko Zergako alta eta zerga hori ordaindua izatearen ziurtagiriak.

39. artikulua. 1. Jakiteko produkzio sektore bat noiz den 27.2 eta 32.3 artikuluetan aipatzen direnen eite berekoa edo loturaduna, kontuan hartuko da heziketa zikloko curriculumean deskribatzen den lanbide profila, "Produkzio prozesuko posizioa" delako atalaren arabera, produkzio sistemaren erreferentzian aipatu.

2. Arte Plastikoetako eta disenuko heziketa zikloetan, 34.22 eta 35.22 artikuluetan aipatu produkzio sektore loturadunaren erreferentzia "lanbide profilaren deskripzioa" delako atalean dago, heziketa zikloko curricuulmean.

VIII. KAPITULUA

Matrikulazioa

40. artikulua. Matrikula egiteko honako dokumentazioa aurkeztu beharko da.

1. Heziketa zikloak ez Araubide Orokorreko beste irakaskuntza guztietarako:

a) Ikasleen guraso nahiz tutorearen idazkia, deklaratzeko ea nahi duten haien seme-alabek Erlijio eta Moral Katolikoaren ikasketak hartzea edo bestela Hezkuntza Jarduera Antolatua.

b) Guraso nahiz tutoreen deklarazio espresua, ikastetxeak agindu bezalako bide formaletan egina, esateko zein hizkuntza hautatzen duten, ikastetxeak hizkuntza bat baino gehiago emateko baimena baldin badu.

2. Haur hezkuntza, lehen hezkuntza eta derrigorrezko bigarren hezkuntza. Aurreko atalean esandakoez gain:

a) Famili liburuaren edo jaiotza agiriaren fotokopia, ikastetxeak jatorrizko agiriekin erkatua.

b) Txerto karneta edo zein txerto dosi hartu diren adierazten duen beste agiri mediko bat.

c) Gizarte Segurantzako kartillaren fotokopia.

d) Egindako azterketa medikoen txostenak, ikasleak elbarritasunik, eritasunik edo beste osasun problemarik baldin badu ikastetxeak jakin behar duenik (txosten audiometrikoak, otorrinolaringologikoak, oftalmologikoak eta abar).

3. Batxilergoa

Artikulu honetako 1. idatz-zatian esan direnez gain:

a) NANaren fotokopia.

b) Oinarrizko Hezkuntzaren Eskolatze Liburuaren 25. eta 27. orrialdeen fotokopia konpultsatua edo, hala tokatzen bada, Lanbide heziketako kalifikazio liburuko 7. eta 8. orrialdeena.

4. berariazko lanbide heziketako eta Arte Plastikoetako eta disenuko irakaskuntzen heziketa zikloak

a) NANaren fotokopia.

b) Oinarrizko Hezkuntzaren Eskolatze Liburuaren 25. eta 27. orrialdeen fotokopia konpultsatua edo, hala tokatzen bada, Lanbide heziketako kalifikazio liburuko 7. eta 8. orrialdeena.

41. artikulua. 1. Aurreko artikuluan aipatu dokumentazioaz gain, ikastetxeek zilegi dute osagarrizko beste bat eskatzea.

2. Ikastetxearen iragarki oholean irakaskuntza bkoitzerako eskatu behar den dokumentazioa agertuko da.

XEDAPEN GEHIGARRIAK

Lehenbizikoa.-Irakaskuntza arautu gabeak egiteko ikasleak nola onartu. Hezkuntza Sistemaren Antolamendu Orokorrerako urriaren 3ko 1/1990 Legeko IDATZ-ZATI. tituluko I. kapituluan aipatzen diren arte irakaskuntzak egiteko, salbu eta Arte Plastikoetako eta disenuko irakaskuntzak; Araubide Orokorreko irakaskuntzak eta Araubide bereziko dantza edo musika irakaskuntzak egiteko, ikastetxe integratuetan; Hizkuntza Eskola Ofizialetan irakaskuntzak egiteko eta Hezkuntza premia bereziak edo elbarritasunen bat dituzten ikasleen kasuan, berariazko araudiak zer agintzen duen hartuko da aintzat.

Bigarrena.-Lanbideetan hasteko programetan onartzeko, honako epeak izanen dira: eskaera epea ekainaren 18tik 27rakoa izanen da, biak barne. Programa horietan onartuen zerrenda behin-behinekoak uztailaren 28 eta 29etan jarriko dira jendaurrean. Matrikula, berriz, uztailaren 2tik 13ra bitarte eginen, bi egunak barne.

Hirugarrena.-Eskolatze partekatuaren kasuetan matrikula egiteko, Hezkuntza eta Kultura kontseilariaren apirilaren 2ko 90/1998 Foru Aginduko 11.2000/2001 ikasturte artikuluak agintzen duena hartuko da aintzat (Derrigorrezko Bigarren Hezkuntzako bigarren zikloan hezkuntza-promozio eta konpentsazioko neurriak behar dituzten ikasleentzako hezkuntza-erantzun berariazkoak ezartzeko jarraibide eta orientabideak ematen dituen Foru Agindua; maiatzaren 18ko Nafarroako ALDIZKARI OFIZIALa).

Laugarrena.-Osagarrizko onarpen irizpideak onesteko eskaerak, otsailaren 9ko 21/1999 Foru Aginduan erregulatuak, ez dira aurkeztuko lehendik Eskolatze Batzordeak Foru Agindu haren bidez onetsirik dauzkan irizpideak aldatu direnean baizik.

Bosgarrena.-1. Hizkuntz ereduz aldatzeko eskaerak aurkezteko epeak (apirilaren 30eko 233/1991 Foru Aginduan arautua dago aldaketa hori; ekainaren 29ko NAO), irakaskuntza bakoitzean onarpen eskaerak aurkezteko jarri diren epe arrunt berberak izanen dira, Foru Agindu hau garatzeko arau osagarrietan eta jarraibideetan agintzen diren zehaztapenak eginik.

2. Irakaskuntza maila bat (Haur Hezkuntza, Lehen Hezkuntza eta Derrigorrezko Bigarren Hezkuntza) osorik bukatu ondoren hizkuntza ereduz aldatzeko eskaerak ikaslearen oraingo ikastetxean aurkeztuko ditu eskatzaileak, eta ikastetxeko zuzendariak orduan, aurkezteko epea amaiturik, eskaera zerrenda bidaliko du Hezkuntzako Zuzendaritza Nagusira, ikasle bakoitzak egin duen kurtsoaren frogagiriarekin batera.

3. 233/1991 Foru Aginduko 1.3 puntuan aipatzen diren kasuetan, eskaerak oraingo ikastetxean aurkeztuko dira, ikasleak onartzeko eskaerak aurkezteko epea hasi baino lehen. Luzeenez hamar eguneko epean ikastetxeko zuzendariak hezkuntzako Zuzendaritza Nagusira bidaliko du zerrenda, aurkeztutako dokumentazioarekin batera.

4. Foru Agindu honetako 15. artikuluan aipatu kasuetan, ikaslea ikastetxe batetik ordu arte egindako hizkuntza eredua ez duen beste batera aldatzeak, Behin Eskolatze Batzordeak baimena eman ondoren, hizkuntza ereduz aldatzea izanen du ondorio.

Seigarrena.-Foru Agindu hau eta haren ondoriozko besterik bada haiek ere bai, ikastetxe guztietako iragarki oholean jarriko dira jendaurrean, agindua argitaratzen den egunetik onarpen eta matrikulazio prozesua bukatzen den arte, interesatu guztiek jakin dezaten.

XEDAPEN IRAGANKORRAK

Lehenbizikoa.-15.3 artikuluan aurreikusten dena 2000/2001 ikasturterako aurkeztu eskaerei aplikatuko zaie, Foru Agindu honek indar hartzen duenetik aurrera.

Bigarrena.-2000/2001 ikasturterako kendu den ikastetxe batean Derrigorrezko ikasketak egiten ari diren ikasleek lehentasuna izanen dute epe arruntean eskatu duten ikastetxerako, baldin ikastetxe horretan haien ikasketa mailarako toki hutsik geratzen bada.

XEDAPEN INDARGABETZAILEA

Bakarra. Honako arauak indargabetzen dira:

a) Urtarrilaren 21eko 5/2000 Foru Agindua (arautzen du diru publikotik ari diren irakaskuntza ez-unibertsitarioko ikastetxeetan ikasleak 2000/2001 ikasturtean onartzeko prozedura).

b) Foru Agindu honek agintzen duenari kontra egiten dioten maila bereko nahiz apalagoko xedapen guztiak.

AZKEN XEDAPENA

Lehenbizikoa.-Foru Agindu honek Nafarroako ALDIZKARI OFIZIALean argitaratu eta biharamunean hartuko du indarra.

Bigarrena.-Ikasleak Onartzeko gaietan ematen diren ebazpenen kontra zilegi izanen da gora jotzeko helegitea jartzea Nafarroako Gobernuan, ebazpena jakinarazi edo argitaratu eta biharamunetik hilabeteko epean.

Hirugarrena.-Baimena ematen zaio Hezkuntza Zuzendaritza Nagusiari Foru Agindu hau garatzeko beharrezko iruditzen zaizkion jarraibide guztiak emateko.

Iruñean, bi mila eta bateko urtarrilaren hogeita bostean.-Hezkuntza eta Kultura kontseilaria, Jesús María Laguna Peña.

I. ERANSKINA

Ikasleak Goi Mailako Heziketa Zikloetan onartzeko irizpideak

LANBIDE ARLOA GOI MAILAKO HEZIKETA ZIKLOAKONARPEN IRIZPIDEAK

BATXILERGO MODALITATEAK

/ UBIKO AUKERAK BATXILERGOKO IRAKASGAIAKBATXILERGOKO GAIAK

Nekazaritza jarduerak.Nekazaritza eta abeltzaintzako enpresen kudeaketa -Teknologia / Natur eta Osasun Zientziak.-Lurraren eta Ingurugiroaren Zientziak.

eta antolaketa. -B/ aukerak

Natur eta paisaia baliabideen kudeaketa eta antolaketa. Teknologia / Natur eta Osasun Zientziak.-Lurraren eta Ingurugiroaren Zientziak.

-A/ B/ aukerak

Administrazioa. Administrazioa eta finantzak.-Giza eta Gizarte Zientziak / Natur eta Osasun Zientziak.-Ekonomia eta Enpresen Antolaketa.

-A/ B/ C/ D aukerak

Idazkaritza.-Giza eta Gizarte Zientziak / Natur eta Osasun Zientziak.-Ekonomia eta Enpresen Antolaketa.

-A/ B/ C/ D aukerak

Arte Grafikoak.Argitalpen diseinu eta produkzioa. -Teknologia / Arteak / Natur eta Osasun Zientziak.-Marrazketa Teknikoa.

-A/ B/ aukerak

Arte grafikoetako produkzioa.-Teknologia / Natur eta Osasun Zientziak.-Teknologia Industriala II.

-A/ B/ aukerak

Merkataritza eta marketina. Nazioarteko merkataritza.-Giza eta Gizarte Zientziak / Natur eta Osasun Zientziak.-Ekonomia eta Enpresen Antolaketa.

-A/ B/ C/ D aukerak.

Merkataritza kudeaketa eta marketina. -Giza eta Gizarte Zientziak / Natur eta Osasun Zientziak.-Ekonomia eta Enpresen Antolaketa.

-A/ B/ C/ D aukerak.

Garraioaren kudeaketa. -Giza eta Gizarte Zientziak / Natur eta Osasun Zientziak.-Ekonomia eta Enpresen Antolaketa.

-A/ B/ C/ D aukerak.

Kontsumitzailearentzako zerbitzuak.-Giza eta Gizarte Zientziak / Natur eta Osasun Zientziak.- Ekonomia eta Enpresen Antolaketa.

-A/ B/ C/ D aukerak

Eraikuntza eta obra zibilak. Eraikuntza proiektuen garapena eta aplikazioa. Teknologia / Natur eta Osasun Zientziak.-Marrazketa Teknikoa.

-A/ B/ aukerak -Mekanika.

Elektrizitatea-elektronika. Produktu elektronikoen garapena. -Teknologia / Natur eta Osasun Zientziak.-Electroteknia.

-A/ B/ aukerak

Instalazio elektroteknikoak. -Teknologia / Natur eta Osasun Zientziak.-Electroteknia.

-A/ B/ aukerak

Erregulazio eta kontrol sistema automatikoak. -Teknologia / Natur eta Osasun Zientziak.-Electroteknia.

-A/ B/ aukerak

Telekomunikazio eta informatika sistemak. -Teknologia / Natur eta Osasun Zientziak.-Elektroteknia

-A/ B/ aukerak

Fabrikazio mekanikoa. Metalezko eraikuntzak. -Teknologia / Natur eta Osasun Zientziak.-Marrazketa Teknikoa.

-A/ B/ aukerak -Mekanika.

Proiektu mekanikoen garapena. -Teknologia / Natur eta Osasun Zientziak.-Marrazketa Teknikoa.

-A/ B/ aukerak-Teknologia Industriala II.

Mekanizazio bidezko produkzioa. -Teknologia / Natur eta Osasun Zientziak.-Teknologia Industriala II.

-A/ B/ aukerak

Ostalaritza eta turismoa. Jatetxe arloa.-Natur eta Osasun Zientziak / Giza eta Gizarte Zientziak.

-A/ B/ C/ D/ aukerak

Irudi pertsonala. Estetika.-Natur eta Osasun Zientziak / Giza eta Gizarte Zientziak.-Biologia.

-A/ B/ C/ D/ aukerak

Elikagaien industriak. Elikagaien industria. -Teknologia / Natur eta Osasun Zientziak.-Kimika.

-A/ B/ aukerak

Informatika. Informatika sistemen administrazioa.-Teknologia / Natur eta Osasun Zientziak / Giza eta Gizarte Zientziak.

-A/ B/ C/ aukerak

Informatika aplikazioen garapena.-Teknologia / Natur eta Osasun Zientziak / Giza eta Gizarte Zientziak.

-A/ B/ C/ aukerak

Zurgintza eta altzarigintza. Zurgintza eta altzarigintzako produktuen garapena. -Arteak / Teknologia.-Marrazketa Teknikoa.

-A/ B/ aukerak

Zurgintza eta altzarigintza. -Teknologia / Natur eta Osasun Zientziak.-Teknologia Industriala II.

-A/ B/ aukerak

Ibilgailu autopropultsatuen mantenim. Automozioa. -Teknologia / Natur eta Osasun Zientziak.-Electroteknia.

-A/ B/ aukerak-Mekanika.

Produkzioaren zerbitzuak eta mantenim. Industri ekipoen mantenimendua. -Teknologia / Natur eta Osasun Zientziak.-Teknologia Industriala II.

-A/ B/ aukerak

Eraikineko eta prozesuko instalazioen mantenimendua -Teknologia / Natur eta Osasun Zientziak.-Teknologia Industriala II.

eta kudeaketak -A/ B/ aukerak

Kimika.Analisi eta kontrola. -Natur eta Osasun Zientziak / Teknologia.-Kimika.

-A/ B/ aukerak

Ingurugiroko kimika. -Natur eta Osasun Zientziak / Teknologia.-Kimika.

A/ B/ aukerak

Osasuna. Anatomia patologikoa eta zitologia. -Natur eta Osasun Zientziak.-Biologia.

-A/ B/ aukerak

Dietetika. -Natur eta Osasun Zientziak.-Biologia.

-A/ B/ aukerak

Osasun dokumentazioa.-Natur eta Osasun Zientziak / Giza eta Gizarte Zientziak.

-A/ B/ C/ D/ aukerak

Aho-hortzetako higienea. -Natur eta Osasun Zientziak / Teknologia.-Biologia.

-A/ B/ aukerak

Diagnosi irudia. -Natur eta Osasun Zientziak / Teknologia.

-A/ B/ aukerak

Diagnosi klinikoen laborategia. -Natur eta Osasun Zientziak / Teknologia.-Biologia.

-A/ B/ aukerak

Ortoprotesiak. -Natur eta Osasun Zientziak / Teknologia.-Marrazketa Teknikoa.

-Teknologia.

-A/ B/ aukerak

Hortz-protesiak. -Natur eta Osasun Zientziak / Teknologia.

-A/ B/ aukerak

Erradioterapia. -Natur eta Osasun Zientziak / Teknologia.

-A/ B/ aukerak

Ingurugiro osasuna. -Natur eta Osasun Zientziak / Teknologia.-Lurraren eta Ingurugiroaren Zientziak.

-A/ B/ aukerak

Gizarte eta kultur zerbitzuak. Gizarte eta kultur jardueren sustapena.-Natur eta Osasun Zientziak / Giza eta Gizarte Zientziak / Teknologia.

A/ B/ C/ D/ aukerak

Haur Hezkuntza. -Batxilergoko edozein modalitate.

-A/ B/ C/ D/ aukerak

Gizarte integrazioa.-Natur eta Osasun Zientziak / Giza eta Gizarte Zientziak / Teknologia.

- A/ B/ C/ D/ aukerak

II. ERANSKINA

LOGSE Batxilergoaren eta Batxilergo Esperimentalaren modalitateen arteko loturak

LOGSE BATXILERGOA BATXILERGO ESPERIMENTALA

Arteak Artistikoa

Natur eta Osasun Zientziak Natur Zientziak

Giza eta Gizarte Zientziak Administrazioa eta Kudeaketa

Giza eta Gizarte Zientziak

Hizkuntzalaritza

Teknologia Tekniko Industriala

Iragarkiaren kodea: A0101075