III. NAFARROAKO TOKI ADMINISTRAZIOA
O L A Z T I
9/2001 Alkatetzaren Dekretua
Irailaren 26ko 139/2000 Alkatetzaren Dekretuaren bitartez, hasiera batez onetsi zen S-3-b sektorea birzatitzeko proiektua.
2000ko azaroaren 1eko 132. Nafarroako ALDIZKARI OFIZIALean iragarkia argitaraturik, jendaurreko epean alegazioak aurkeztu dituzte Marcelino Galparsoro Jauregi, Rosa Igoa Mundiñano eta Javier Lasa Aramendia jaun-andreek.
Hala, S-3-b sektorea birzatitzeko proiektua prestatu duen taldeak alegazioen gaineko txostena egin du.
Horiek ikusirik eta kontuan hartuz Lurraldearen Antolamenduari eta Hirigintzari buruzko 10/1994 Foru Legearen 168. artikuluan xedatutakoa.
Kontuan hartuz, halaber, 11/1999 Legearen bidez aldatutako Toki Araubidearen Oinarriak arautzen dituen 7/1985 Legearen 21.1.j artikuluak ematen dizkidan eskumenak.
Ebatzi dut:
1.-Marcelino Galparsoro Jauregi, Rosa Igoa Mundiñano eta Javier Lasa Aramendia jaun-andreek aurkeztutako alegazioak ezestea, salbu eta Rosa Igoa Mundiñano andreak aurkeztutako bigarren eta hirugarren alegazioak, aipatutako alegazioei buruzko txosteneko arrazoiak direla medio.
2.-Behin betiko onestea S-3-b sektorea birzatitzeko proiektua.
3.-Birzatiketa proiektua prestatu duen taldeari S-3-b sektorea birzatitzeko proiektuaren testu bateratua presta dezala agintzea, Rosa Igoa Mundiñano andreari onetsitako alegazioak bertan sartuta.
4.-Erabaki hau Nafarroako ALDIZKARI OFIZIALean argitaratzea.
5.-Erabaki honen berri ematea S-3-b sektoreko finken titularrei.
6.-Halaber, erabaki honen berri ematea Marcelino Galparsoro Jauregi, Rosa Igoa Mundiñano eta Javier Lasa Aramendia jaun-andreei eta horrekin batera proiektua prestatu duen taldeak sinatutako alegazioei buruzko txostenaren kopia eginbidetua ematea.
Egintza edo erabaki honen aurka honako errekurtsoak paratu ahalko dira:
1. Aukeran eta hilabeteko epean, berraztertzeko errekurtsoa jarri ahalko da, erabakia hartu zuen organoari zuzendua; edo bestela, gora jotzekoa, Nafarroako Administrazio Auzitegiari zuzendua.
2. Administrazioarekiko auzi-errekurtsoa, jakinarazi eta biharamunetik bi hilabeteko epean, Nafarroako Auzitegi Nagusiaren administrazioarekiko auzien sailari zuzendua, 29/1998 Legearen 8.1 artikuluan aurreikusitako kasuetan izan ezik, horietan administrazioarekiko auzien epaitegiari zuzendu beharko zaizkio eta.
Olaztin, bi mila eta bateko urtarrilaren hamabostean. Alkatea, José Manuel Armendáriz Catalán.
Iragarkiaren kodea: A0100722
