I. NAFARROAKO FORU KOMUNITATEA
Herrilanak eta Zerbitzu Publikoak
1641/2001 EBAZPENA, azaroaren 23koa, Osasunbidea-Nafarroako Osasun Zerbitzuko zuzendari kudeatzaileak emana, Oinarrizko Osasun Laguntza eta Adimen Osasuneko Zuzendaritzaren menpeko zentroetan desinfekzioa egiteko eta intsektuak eta arratoiak hiltzeko zerbitzurako gastua baimendu eta kontratazioa esleitzeko espedienteari hasiera ematen diona.
Osasunbidea-Nafarroako Osasun Zerbitzuak lizitaziorako deia egin du Oinarrizko Osasun Laguntza eta Adimen Osasuneko Zuzendaritzaren menpeko zentroetan desinfekzioa egiteko eta intsektuak eta arratoiak hiltzeko zerbitzua kontratatzeko, ondoko baldintza orokor hauei jarraikiz:
-Kontratuaren xedea: Oinarrizko Osasun Laguntza eta Adimen Osasuneko Zuzendaritzaren menpeko zentroetan desinfekzioa egiteko eta intsektuak eta arratoiak hiltzeko zerbitzua.
-Esleitzeko modua: lehiaketa, prozedura irekia.
-Lizitazio aurrekontua: 24.340,99 euro, BEZa barne, honela banaturik:
LOTEA ZENTROA AURR., GEHIENEZ
I. lotea San Frantzisko Xabierkoa
zentro psikogeriatrikoa (barruti guztia) 7.813,16 euro
II. lotea Osasun eta Adimen Osasuneko Zentroak 16.527,83 euro
-Behin-behineko bermea: ez da beharrezkoa.
-Aurkeztu beharreko dokumentazioa: administrazio klausula partikularren eta baldintza teknikoen pleguan ageri dena.
-Proposamenak aurkezteko epea: lizitazio iragarki hau Nafarroako ALDIZKARI OFIZIALean argitara eman eta hogeita zazpi egun natural igaro arte, Osasunbidea-Nafarroako Osasun Zerbitzuko Erregistroan (Irunlarrea kalea, 39, Iruña).
-Proposamen ekonomikoak jendaurrean irekitzeko egun- orduak: 2002ko otsailaren 5eko goizeko bederatzietan, Osasunbidea-Nafarroako Osasun Zerbitzuko bulegoetan (Irunlarrea kalea, 39, Iruña).
Administrazio klausula partikularren plegua eta baldintza teknikoak lizitatzaileen eskura daude Osasunbidea-Nafarroako Osasun Zerbitzuan (Irunlarrea kalea, 39, 948-429398 telefonoa, 948-429384 faxa).
Iruñean, bi mila eta bateko azaroaren hogeita zazpian.-Osasunbidea-Nafarroako Osasun Zerbitzuko zuzendari kudeatzailea, Víctor Manuel Calleja Gómez.
PROPOSAMEN EKONOMIKOAREN EREDUA
(Kontratazioa agintzen duten pleguetan ageri dena: eranskina).
Iragarkiaren kodea: a0112547
