III. NAFARROAKO TOKI ADMINISTRAZIOA
B U R L A T A
Ebazpen proposamenaren jakinarazpena
Hona hemen, Trafikoari, Ibilgailu Motordunen Zirkulazioari eta Bide Segurtasunari buruzko Legea hausteagatik, Udal honetako Udaltzaingoak aurkeztutako salaketa, Nafarroako ALDIZKARI OFIZIALean argitara dadin, Administrazio Publikoen Araubide Juridikoari eta Guztiendako Administrazio Prozedurari buruzko 30/1992 Legearen 59. artikuluan aurreikusitakoari jarraikiz, alferrikakoak gertatu baitira jakinarazteko saioak.
30/92 Legearen 59.4 eta 60. artikuluetan xedatutakoari jarraikiz, jakinarazpen hau aditzera ematen zaio salatuari, Asier Ijurco Oyarzun jaunari, azken helbide ezaguna Berriozarko etorbidea, 12-1.a, Berriozarren baitu, Ibilgailu Motordunen Zirkulazioari eta Bide Segurtasunari buruzko Erregelamendu Orokorra (urtarrilaren 17ko 13/92 Errege Dekretua) hausteagatik, Udaltzaingoko Burutzak 472/01 zehapen espedientea izapidatu duela.
Frogatutzat jotzen den egitatea: 2001eko ekainaren 20an, 17:48 aldean, salaketa paratu zitzaion NA-8266-BC ibilgailuari, bazterbidean aparkatzeagatik, bertan barna ibiltzea oztopatzen zuela, Bide Berria kalean, hilerriko biribilgunean, eta hori arau-hauste larria da 13/92 E.D.aren 91.1 artikuluaren arabera.
Asier Ijurco Oyarzun interesatuari kargu plegua igorrita, Berriozarko etorbidea, 12-1.a, Berriozarren baitu helbidea, alegazioak aurkeztu zituen behar den moduan eta epean, baina horiek ez dute egindako eta salatutako egitatea inola ere baliogabetzen, zeren eta uste baita 13/92 Zirkulazioaren Erregelamendu Orokorrean argi aipatzen dela bazterbidean aparkatzea arau-hauste larria dela, are gehiago kontuan hartzen bada ibilgailuak bi ordu baino gehiago egin zuela leku hartan.
Beste aldetik, arau-hauste larriak kalifikatzerakoan, honako honi zenbateko txikiena egokitu zaio.
Zehapen proposamena: Trafikoari eta Bide Segurtasunari buruzko 339/90 Legearen 7. artikuluak 68.2 artikuluarekin bat xedatzen duenari jarraikiz, alkateari 16.000 pezetako zehapena proposatuko zaio, bera baita gai honetan eskumena duen organoa.
Espedientea ikusirik, interesatuak 12 egun balioduneko epea du, bere alde komenigarri juzgatzen dituen alegazioak aurkezteko eta probak proposatzeko.
Burlatan, bi mila eta bateko azaroaren bostean. Alkatea, José Luis Góngora Setuáin.
Iragarkiaren kodea: a0111749
