III. NAFARROAKO TOKI ADMINISTRAZIOA
B U R L A T A
Ebazpen proposamenaren jakinarazpena
Hona hemen, Trafikoari, Ibilgailu Motordunen Zirkulazioari eta Bide Segurtasunari buruzko Legea hausteagatik, Udal honetako Udaltzaingoak aurkeztutako salaketa, Nafarroako ALDIZKARI OFIZIALean argitara dadin, Administrazio Publikoen Araubide Juridikoari eta Guztiendako Administrazio Prozedurari buruzko 30/1992 Legearen 59. artikuluan aurreikusitakoari jarraikiz, alferrikakoak gertatu baitira jakinarazteko saioak.
30/92 Legearen 59.4 eta 60. artikuluetan xedatutakoari jarraikiz, jakinarazpen hau aditzera ematen zaio salatuari, Ana María Del Barrio Iglesias andreari, azken helbide ezaguna Larrainzar plaza, 3-4.a D, Burlatan baitu, Ibilgailu Motordunen Zirkulazioari eta Bide Segurtasunari Buruzko Erregelamendu Orokorra (urtarrilaren 17ko 13/92 Errege Dekretua) hausteagatik, Udaltzaingoko Burutzak 481/01 zehapen espedientea izapidatu duela.
Frogatutzat jotzen den egitatea: 2001eko uztailaren 19an, 11:10 aldean, salaketa paratu zitzaion NA-5004-AP ibilgailuari, zamalanetarako erreserbatutako lekuan aparkatzeagatik, Zangozako Merinaldea kaleko 3an, eta hori arau-hauste larria da 13/92 E.D.aren 91.2 artikuluaren arabera.
Ana María Del Barrio Iglesias interesatuari kargu plegua igorrita, Larrainzar plaza, 3-4.a D, Burlatan baitu helbidea, alegazioak aurkeztu zituen behar den moduan eta epean, baina horiek ez dute egindako eta salatutako egitatea inola ere baliogabetzen, zeren eta uste baita 13/92 Zirkulazioaren Erregelamendu Orokorrean argi aipatzen dela zamalanetarako erreserbatutako lekuan aparkatzea debekatua dagoela.
Beste aldetik, seinale bertikalak arazorik gabe ikusten ahal dira eta egoera onean daude.
Lurreko seinaleak ez daude behar bezain ikusgarri, baina bertikalen osagarri gisa balio dute, eta leku horretan orain dela urte franko dago jarria zamalanetarako eremua.
Zehapen proposamena: Trafikoari eta Bide Segurtasunari buruzko 339/90 Legearen 7. artikuluak 68.2 artikuluarekin bat xedatzen duenari jarraikiz, alkateari 16.000 pezetako zehapena proposatuko zaio, bera baita gai honetan eskumena duen organoa.
Espedientea ikusirik, interesatuak 12 egun balioduneko epea du, bere alde komenigarri juzgatzen dituen alegazioak aurkezteko eta probak proposatzeko.
Burlatan, bi mila eta bateko azaroaren bostean. Alkatea, José Luis Góngora Setuáin.
Iragarkiaren kodea: a0111748
