III. NAFARROAKO TOKI ADMINISTRAZIOA
L A R R A U N
Ordenantzaren behin betiko onespena
Larraungo Udalak, 2001eko ekainaren 25ean egin bilkuran, legezko gehiengoaz, erabaki zuen hasiera batez onestea Larraungo Udalaren ezkondu gabeko bikote egonkorren erregistroaren antolaketa eta funtzionamendua arautzen dituen ordenantza.
Erabakia jendaurrean egon da hogeita hamar egun balioduneko epean, hain zuzen ere Udalaren iragarki oholean eta Nafarroako ALDIZKARI OFIZIALean (116 zenbakia, irailaren 24an), eta epe horretan ez du inolako alegaziorik jaso.
Beraz, eta delako erabakiaren ondorioz, aipatu ordenantza behin betikoz onetsitzat jo da eta oso-osorik ematen da argitara orain haren testua Nafarroako ALDIZKARI OFIZIALean.
LARRAUNGO UDALEKO EZKONDU GABEKO BIKOTE EGONKORREN ERREGISTROAREN ANTOLAKETA ETA FUNTZIONAMENDUA ARAUTZEN DITUEN ORDENANTZA
1. artikulua. Ezkondu gabeko bikote egonkorren Larraungo Udalaren erregistroak administrazio izaera du eta bertan ezkontzaz kanpoko bizikidetasunezko elkartzeak, baita haien iraungitzea ere, inskribatzen ahal dira ordenantza honetan ezartzen den eran eta baldintzetan.
2. art. Bikoteek, edozein sexutakoak izanik, erregistroan inskribitzeko eskatzen ahal dute, baldin eta haien adostasun libre eta osoarekin ezkontzaz kanpoko bizikidetasunezko elkartzea osatu badute. Gutxienez, elkartutako kide batek egon beharko du Larraunen erroldatua, bertan bizi ohi delako. Halaber, bi kideek zinpeko aitorpena aurkeztu beharko dute, ez daudela ezkonduak ezta inskribatuak ere ezkondu gabeko bikote egonkorren beste erregistroren batean.
3. art. Bikote bakoitzaren lehenbiziko inskripzioa egiteko, bi lagunek batera agertu beharko dute Erregistroko ardura duen funtzionarioaren aitzinerat, haien artean ezkontzaz kanpoko bizikidetasunezko elkartzea osatzen dutela deklaratzeko. Ez da inskripziorik eginen bikoteko bat emantzipatu gabeko adingabea bada, edo lerro zuzenean odolkidetasunezko edo adopzio bidezko ahaide badira, nahiz alboko lerrotik bigarren maila bitarteko odolkidetasunezko ahaide badira.
Bikoteko batek akats edo anomalia psikikorik badu, orduan ere ez da inskripziorik eginen. Horrelakoetan, medikuaren irizpena beharko du, ezkontzaz kanpoko bizikidetasunezko elkartzea osatzeko gaitasuna aitortzen diona.
Era berean, ukatu eginen da inskripzioa bikoteko bat ezkondua badago edo ezkontzeko gaitasun gabea deklaratua bada.
4. art. Lehenbiziko idazpena egitean, bikoteak beren arteko elkartzeari buruz adierazten dituen argitasun guziak agerrarazi ahalko ditu. Hitzez hitz idazten ahalko dira elkartutako kideen giza eta ondare harremanak arautzen dituzten hitzarmenak.
Aitzineko lerroaldean aipatutako edukiak geroago ere inskribatzen ahalko dira bikoteko biak bertara azaldurik.
Nolanahi ere, elkartzea bukatu edo iraungitzeko oharpenak egiteko aski izanen da kide bakar batek hala eskatzea.
5. art. Erregistroa Udaleko Idazkaritzan izanen da.
6. art. Atzineko artikuluetan aipatzen diren inskripzioak erregistratzeko Liburu Orokorra erabiliko da. Liburua orri mugigarri, zenbatu eta zigilatuez osatua dago eta irekitzeko eta ixteko eginbideak paratuko dira hasieran eta bukaeran.
7. art. Bikote bakoitzaren lehenbiziko inskripzioak oinarrizko inskripzioaren izaera izanen du eta horren bazterrean geroago Liburu Orokorrean elkartzeari buruz egiten den beste edozein idazpen agerraraziko da.
8. art. Erregistroak Liburu Lagungarri bat izanen du, inskribatuen deituren arabera ordenaturik, eta bertan adieraziko da Liburu Orokorreko zenbatgarren orrialdean dauden haiekin zerikusia duten oharpenak.
9. art. Erregistroan inskribatutakoen intimitatea, norbanakoarena nahiz familiarena, babesteko ez zaio publizitaterik emanen idazpenen edukiari, salbu eta Erregistroko ardura duen funtzionarioak luzatzen dituen egiaztagiriak, bikoteko edozein kidek, epaileek edo auzitegiek, beste inork ez, hala eskatu ondotik.
10. art. Inskripizio guzti-guztiak, nahiz luzatzen diren ziurtagiriak, doakoak izanen dira erabat.
11. art. Erregistroan inskribatzen diren ezkondu gabeko bizikidetasuneko elkartzeek, ezkontza bidezko elkartzeen tratamendu bera izanen dute Larraungo Udalean.
XEDAPEN GEHIGARRI BAKARRA
Ordenantza honen berrikuspena eginen da legegintzako aldaketarik sortzen bada gai honen inguruan.
Larraungo Udalean, Udal Erroldako bulegoan, halako egunean:
HONAKO HAUEK AGERTU GARA:
Izena: ........, jaioterria: ..............., helbidea (erroldakoa): ............, adinez nagusia (edo adingabe burujabe, horren agiria aurkezten baitugu) NAN zenbakia: ........., eta
Izena: ..........., jaioterria: ..........., helbidea (erroldakoa): .............., adinez nagusia (edo adingabe burujabea, horren agiria aurkezten baitugu) NAN zenbakia: .........
ETA HONAKO HAU AZALDU NAHI DUGU:
Udal honetako erregistroan ezkondu gabeko bikote egonkor gisa inkriba gaitzatela nahi dugula, horri buruzko ordenantzaren arabera eta horretarako ondokoa
ADIERAZTEN DUGU:
Lehenbizi.-Aipatu Ordenantzan aurreikusitako bizikidetasuna dela eta, gure helbidea honako hau izanen dela: ............ (Oharra: oroitarazi behar zaio ......... jaun/andreari T.A.O.L.aren 15. artikuluari jarraikiz, erroldatu beharra duela ohiko bizilekuko udalerrian).
Bigarren.-Ez gaudela gu biok ezkontzaren bidez lotuak, ez eta gutako inor beste inorekin ere.
Hirugarren.-Gure artean ez dagoela lerro zuzenean odolkidetasunezko edo adopzio bidezko ahaidetasunik, ez eta alboko lerrotik bigarren maila bitarteko odolkidetasunik ere.
Laugarren.-Gutako inork ez duela akats edo anomalia psikikorik, ez eta elkartzeko inolako ezgaitasunik ere.
Borzgarren.-(Nahi dugula/Ez dugula nahi) gure arteko giza nahiz ondare mailako harremanen gaineko hitzarmenak erregistroan inskribatzea.
Seigarren.-Baimena ematen dugula Larraungo Udal Erroldako datuak egiaztatzeko.
ETA ZIN EGITEN DUGU:
Gutako inor ez dagoela inskribatua ez Larraungo erregistroan ez maila eta xede bereko inongo herritako erregistroan ere.
Horrenbestez,
HONAKO HAU ESKATZEN DUGU:
Larraungo Udaleko Ezkondu gabeko bikote egonkorren erregistroan inskriba gaitzatela.
Sin.: ........... Sin.: ...............
Larraungo Herriko Etxean, halako egunean .........
HONAKO HAUEK AGERTU GARA:
Izen-abizenak: ............, N.A.N.: ........., eta
Izen-abizenak: ............, N.A.N.: ............
ETA HONAKO HAU ADIERAZTEN DUGU:
Ezkondu gabeko bikote egonkorren Udal Erregistroaren antolaketa eta funtzionamendua arautzen dituen ordenantzan zehaztutakoarekin bat, gure arteko bikote egonkorra bukatutzat edo iraungitzat eman nahi dugula, izan ere horrelaxe inskribatuta baikaude aipatu Udalaren erregistroan.
Horiek horrela, eskatzen dugu bukatutzat edo iraungitzat eman dezazuela elkartzearen inskripzioa.
Iragarkiaren kodea: A0111452
