I. NAFARROAKO FORU KOMUNITATEA
Herrilanak eta Zerbitzu Publikoak
1442/2001 EBAZPENA, urriaren 18koa, Osasunbidea-Nafarroako Osasun Zerbitzuko zuzendari kudeatzaileak emana. Osasunbidea-Nafarroako Osasun Zerbitzuaren zentroetarako bi ekografo erosteko gastua egiteko baimena ematen du, bata Bideko Ama Birjina Ospitalerako, aldakako displasia lehenbailehen harrapatzeko programarako, eta bestea Tuterako Ospitaleko Ginekologia Zerbitzurako (OB27/2001 lehiaketa).
Osasunbidea-Nafarroako Osasun Zerbitzuak lizitaziorako deia egin du Osasunbidea-Nafarroako Osasun Zerbitzuaren zentroetarako bi ekografo erosteko: bata Bideko Ama Birjina Ospitalerako, aldakako displasia lehenbailehen harrapatzeko programarako, eta bestea Tuterako Ospitaleko Ginekologia Zerbitzurako.
Kontratuaren xedea: Osasunbidea-Nafarroako Osasun Zerbitzuaren zentroetarako bi ekografo erostea: bata Bideko Ama Birjina Ospitalerako, aldakako displasia lehenbailehen harrapatzeko programarako, eta bestea Tuterako Ospitaleko Ginekologia Zerbitzurako.
Adjudikazio modua: presazko espedientea, lehiaketa, prozedura irekia.
Aurrekontua: 15.500.000 pezeta.
Behin-behineko fidantza: ez da beharrezkoa.
Aurkeztu beharreko dokumentazioa: administrazio klausula partikularren eta baldintza teknikoen pleguan ageri dena.
Proposamenak aurkezteko epea: iragarki hau Nafarroako ALDIZKARI OFIZIALean argitara eman eta biharamunetik hasita hamahiru egun natural, Osasunbidea-Nafarroako Osasun Zerbitzuko Erregistroan (Irunlarrea kalea, 39, Iruña).
Proposamen ekonomikoak jendaurrean irekitzeko eguna: epea bukatu eta handik hamar egunera, eguerdiko 12:00etan, Osasunbidea-Nafarroako Osasun Zerbitzuko bulegoetan (Irunlarrea kalea, 39, Iruña, 31008).
Administrazio klausula partikularren plegua eta baldintza teknikoak lizitatzaileen eskura daude Osasunbidea-Nafarroako Osasun Zerbitzuan (Irunlarrea kalea, 39, 948-428800 telefonoa, 428894 faxa).
Iruñean, bi mila eta bateko urriaren hemezortzian.-Osasunbidea-Nafarroako Osasun Zerbitzuko zuzendari kudeatzailea, Víctor Manuel Calleja Gómez.
Iragarkiaren kodea: a0111270