140. ALDIZKARIA - 2001eko azaroaren 19a

I. NAFARROAKO FORU KOMUNITATEA

Herrilanak eta Zerbitzu Publikoak

1525/2001 EBAZPENA, urriaren 30ekoa, Industri zuzendari nagusiak emana, Tafalla, Puiu, Garinoain, Barasoain, Mendibil, Oloritz, Untzue, Muru Artederreta-Tiebas eta Biurrun-Olkotz herrietan instalazio elektrikoa jartzeko baimena eman, dagokion proiektua onetsi eta, zehazki, haren onura publikoa deklaratzen duena.

Ikusirik Iberdrola D.E.S.A.U. enpresak egin duen eskakizuna, ondotik aipatzen diren ezaugarri nagusiak dituen linea elektriko baten instalazioa baimendu, proiektua onetsi eta, zehazki, haren onura publikoa deklaratzeko, bide zortasuna ezartzearren, eta linea elektrikoak ukitutako ondasun eta eskubideen presako okupazioa deklara dadin:

a) Eskatzailea: Iberdrola D.E.S.A.U.

b) Instalazioa jartzeko tokia: Tafalla, Puiu, Garinoain, Barasoain, Mendibil, Oloritz, Untzue, Muru Artederreta-Tiebas eta Biurrun-Olkotz mugapeak.

c) Instalazioaren xedea: elektrizitate horniduraren kalitatea eta segurtasuna hobetzea.

d) Ezaugarri nagusiak: 66 KV-ko aireko linea, "Tafalla-Artederreta-Biurrun" izenekoa, oraingo "Tafalla-Cordovilla I eta II" ordezteko, metalezkoak, 4.902 metro, hasiera "ST Tafallan" eta bukaera "ST Tafalla-Allotz-Lizarra" lineako 00-29 euskarrian dute, Tafallako mugapean.

654 metroko linea, metalezkoa, hasiera "ST Tafallan" eta bukaera "STR Tafalla" lineako 00-04 euskarrian, LA-175 D.C., Tafalla-Tafalla tartea, Tafallako mugapean.

15.347 metroko linea, metalezkoa, hasiera "Tafalla-Cordovilla I" lineako 00-27 euskarrian, LA-175 D.C., duena, eta Tafalla, Puiu, Garinoain, Barasoain, Mendibil, Oloritz, Untzue eta Muru Artederreta-Tiebas mugapeetatik pasatu ondoren, bukaera "Cordovilla II" lineako 00-93 euskarrian duena.

5.708 metroko linea, LA-175 D.C., metalezkoa, hasiera "Tafalla-Cordovilla I" lineako 00-90 euskarrian duena, eta Untzue, Muru Artederreta-Tiebas eta Biurrun-Olkotz mugapeetatik pasatzen dena

"Renfe-Artederreta-STR Biurrun" tartea.

e) Nongo materialak: nazionalak.

f) Aurrekontua: 146.488.878 pezeta.

Horretarako irekitako espedientean behar ziren erregelamenduzko tramiteak bete dira.

Horiek horrela, Industri eta Teknologia, Merkataritza, Turismo eta Lan kontseilariaren urriaren 14ko 572/1999 Foru Aginduaren bidez (99-10-25eko Nafarroako ALDIZKARI OFIZIALa, 133. zk.) esleitu zaizkidan ahalmenak erabiliz,

EBATZI DUT:

1. Aipatu instalazio elektrikoa jartzeko baimena ematea.

2. Zehazki, instalazio horren onura publikoa deklaratzea, Sektore Elektrikoari buruzko azaroaren 27ko 54/1997 Legearen 52, 53 eta 54. artikuluetan, eta abenduaren 1eko 1955/2000 Errege Dekretuaren 148. eta 149. artikuluetan aurreikusitako ondorioetarako.

3. Instalazioa egiteko aurkezturiko proiektua onestea eta 12 hilabeteko epea ematea lanak egiteko. Proiektua Iruñean datatua da, 2000ko urrian, Francisco Iráizoz Indaberea industri ingeniari teknikoak sinatua.

Ebazpen honen kontra gora jotzeko errekurtsoa jartzen ahal da, Nafarroako Gobernuari zuzendua, hilabeteko epean, jakinarazpena egin eta biharamunetik aitzina.

Ebazpen honen berri ematea Iberdrola D.E.S.A.U. enpresari, Nafarroako Gobernuko Herrilan, Garraio eta Komunikazio Departamentuari, Telefónica S.A. enpresari, E.H.N. S.A. enpresari, ENAGAS enpresari, Compañía Logística de Hidrocarburos S.A. enpresari, eta Untzue, Tiebas-Muru Artederreta, Biurrun-Olkotz, Tafalla, Puiu, Garinoain, Barasoain eta Olorizko Udalei. Era berean, Nafarroako ALDIZKARI OFIZIALean emanen da argitara.

Iruñean, bi mila eta bateko urriaren hogeita hamarrean.-Industri zuzendari nagusia, Enrique Jiménez Goicoa.

Iragarkiaren kodea: a0111360