I. NAFARROAKO FORU KOMUNITATEA
Herrilanak eta Zerbitzu Publikoak
355/2001 FORU AGINDUA, irailaren 27koa, Hezkuntza eta Kultura kontseilariak emana, Goizuetako "Andres Narbarte Xalto" H.L.H.I.P.rako eta Zangozako "Luis Gil" H.L.H.I.P.rako 2001-2002 ikasturterako garraioko bi ibilbide kontratatzeko espedientea presako prozedura negoziatuaren bidez eta prentsan argitaratuta ebazten duena.
Ikusirik Ikastetxeen eta Ikasketetarako Laguntzen Zerbitzuaren txostena, proposatzen duena aipaturiko zerbitzuen kontratazioa arautuko duten administrazio klausulen eta agindu teknikoen pleguak onestea, eta zerbitzu horiek Foru Agindu honetan azaltzen diren enpresei adjudikatzea.
Nafarroako Administrazio Publikoen Kontratuei buruzko ekainaren 16ko 10/1998 Foru Legeak emandako eskurantzen arabera, eta Nafarroako Foru Komunitateko Gobernua eta Administrazioa arautzen dituen apirilaren 11ko 23/1983 Foru Legeko 36. artikuluak ematen dizkidan ahalmenak erabiliz, eta 2001eko ekitaldirako Nafarroako Aurrekontu Orokorrei buruzko 18/1999 Foru Legeko 33.2 artikuluan xedaturikoarekin bat,
AGINDU DUT:
1. Goizuetako "Andres Narbarte Xalto" H.L.H.I.P.rako eta Zangozako "Luis Gil" H.L.H.I.P.rako ibilbideen eskola garraioko zerbitzuen kontratazioa arautuko duten administrazio klausulen eta agindu teknikoen pleguak onestea.
2. Eskola garraioko zerbitzuak enpresa hauei adjudikatzea:
-Goizuetako "Andres Narbarte Xalto" H.L.H.I.P., José Lorenzo Apezetxea Arozena jaunari; eguneko 9.095 pezeta (54,66 euro), BEZa barne.
-Zangozako "Luis Gil" H.L.H.I.P., María Rosario Irurozqui Pérez andreari; eguneko 7.500 pezeta (45,08 euro), BEZa barne.
3. Ikastetxeen eta Ikasketetarako Laguntzen Zerbitzuak behar diren tramiteak egitea adjudikazio kontratuak egin eta erregelamenduaren araberako bermeak jar daitezen.
4. José Lorenzo Apezetxea Arozenarekin egindako kontratuaren ondoriozko gastua baimentzea: 3.935,67 euro (654.840 pezeta) izanen dira guztira 2001-2002 ikasturteko lehen lauhilekorako, eta departamenturako indarra duen gastuen aurrekontuko "Eskola garraioa" izeneko 41620-2230-425200 kontusailaren bizkar ordainduko da. 2002eko urtarrila-ekaina aldirako kostua 5.684,85 euro (945.880 pezeta) izanen da guztira, 2002ko aurrekontuan gaitzen den kontusailaren kargura.
5. Halaber, María Rosario Irurozqui Pérezekin egindako kontratuaren ondoriozko gastua baimentzea: 3.245,46 euro (540.000 pezeta) izanen dira guztira 2001-2002 ikasturteko lehen lauhilekorako, eta departamenturako indarra duen gastuen aurrekontuko "Eskola garraioa" izeneko 41620-2230-425200 kontusailaren bizkar ordainduko da, 2002ko urtarrila-ekaina aldirako kostua 4.687,89 euro (780.000 pezeta) izanen da guztira.
6. Foru Agindu hau Nafarroako ALDIZKARI OFIZIALean argitara ematea.
7. Foru Agindu hau igortzea adjudikazioa hartu duten garraio enpresei, Herrilan, Garraio eta Komunikazio Departamentuko Garraio Zerbitzuari, Ekonomi eta Ogasun Departamentuak Hezkuntza eta Kulturakoan duen kontu-hartzaile delegatuari, Zerbitzuak Ikuskatzeko eta Ikuskapen Teknikorako Zerbitzuari, Ikastetxeen eta Ikasketetarako Laguntzen Zerbitzuari, Ikasketetarako Laguntzen Atalari, Kudeaketa Ekonomikoaren Bulegoari eta Zerbitzu Osagarrien Bulegoari, behar diren ondorioak sor ditzan.
Iruñean, bi mila eta bateko irailaren hogeita zazpian.-Hezkuntza eta Kultura kontseilaria, Jesús María Laguna Peña.
Iragarkiaren kodea: A0110311
