I. NAFARROAKO FORU KOMUNITATEA
Herrilanak eta Zerbitzu Publikoak
288/2001 FORU DEKRETUA, urriaren 8koa, Castejongo Udaleko 31.965 metro koadroko herrilurraren onura soziala deklaratu eta haren desafektazioa onesten duena, ondoren jabetza partikularreko 32.456 metro koadrorekin trukatzeko.
Castejongo Udalak Nafarroako Gobernuari eskatu dio 31.965 metro koadroko herrilurraren desafektazioa onets dezala. Lursail horiek katastroko lurzati hauei dagozkie: 5. poligonoko 309, 310, 312, 314, 315, 316, 322, 323, 325, 326, 327, 328, 330, 334, 342, 353, 354 eta 355, denak La Sarda izeneko parajean.
Aipatu lurzatia Áridos Gamen S.L. enpresaren 32.456 metro koadrorekin trukatu nahi da. Metro horiek honela banatuak daude:
-17.569 metro koadro, 5. poligonoko 187. lurzatiari dagozkionak.
-14.887 metro koadro, 5. poligonoko 198. lurzatiari dagozkionak.
Trukatzearen xedea da gaur egunko herrilurraren hemezortzi partzela bi finkatan biltzea, Áridos Gamen S.L. enpresari legarra atzeratzeko lana errazteko.
Castejongo Udalak hertsiki bete du espediente honen xede den arloaren gainean Nafarroako Toki Administrazioari buruzko uztailaren 2ko 6/1990 Foru Legeak dioena, baita Nafarroako Toki Entitateen Ondasunei buruzko Erregelamenduan ezarritakoa ere (urriaren 18ko 280/1990 Foru Dekretuaren bidez onetsia).
Horrenbestez, Nekazaritza, Abeltzaintza eta Elikadura kontseilariak proposaturik, eta Nafarroako Gobernuak bi mila eta bateko urriaren zortzian egindako bilkuran harturiko erabakiari jarraikiz,
DEKRETATU DUT:
1. artikulua. Castejongo Udaleko 31.965 metro koadroko herrilurraren onura soziala deklaratu eta haren desafektazioa onesten da. Lursail horiek katastroko lurzati hauei dagozkie: 5. poligonoko 309, 310, 312, 314, 315, 316, 322, 323, 325, 326, 327, 328, 330, 334, 342, 353, 354 eta 355, denak La Sarda izeneko parajean.
2. artikulua. Castejongo Udalari baimena ematen zaio desafektatutako lurzati hori Áridos Gamen S.L. enpresaren 32.456 metro koadrorekin trukatzeko. Metro horiek honela banatuak daude:
-17.569 metro koadro, 5. poligonoko 187. lurzatiari dagozkionak.
-14.887 metro koadro, 5. poligonoko 198. lurzatiari dagozkionak.
Trukatzearen xedea da gaur egunko herrilurraren hemezortzi partzela bi finkatan biltzea, Áridos Gamen S.L. enpresari legarra atzeratzeko lana errazteko.
3. artikulua. Aipatu desafektazioaren onespena Castejongo Udalak gai honetaz onetsitako baldintza plegua hertsiki betetzearen baldintzapean dago, batez ere klausula berezi bat, zeinean adierazten baita herrilur hori herri ondarera itzuli behar dela desafektazioa eragin zuten helburuak desagertu edo betetzen ez badira. Klausula hori kontratua gauzatzen duen agiri publikoan eta, gero, Jabetzaren Erregistroko inskribapenean ere agertaraziko da
4. artikulua. Castejongo Udalak espediente honen xede diren lurren mugak jarri beharko ditu, katastroko kartografia ofizialean agertuko da eta aldaketaren berri eman beharko zaie Nafarroako Zerga Ogasuneko Lurralde Aberastasunaren Zerbitzuari eta Nekazaritza, Abeltzaintza eta Elikadura Departamentuko Nekazaritzako Egituren Zerbitzuari.
AZKEN XEDAPENA
Foru Dekretu honek Nafarroako ALDIZKARI OFIZIALean argitaratu eta biharamunean hartuko du indarra.
Iruñean, bi mila eta bateko urriaren zortzian.-Nafarroako Gobernuko lehendakaria, Miguel Sanz Sesma.-Nekazaritza, Abeltzaintza eta Elikadura kontseilaria, Ignacio Javier Martínez Alfaro.
Iragarkiaren kodea: a0110761
