III. NAFARROAKO TOKI ADMINISTRAZIOA
B A R A S O A I N
Behin betiko onespena, Barasoaingo Arau Subsidiarioetako U-10 unitatea borondatez birzatitzeari eta urbanizatzeko proiektuari
Barasoaingo Udaleko Batzorde Kudeatzaileko buruak, 2001eko uztailaren 23an, ondoko ebazpena eman du.
Alkatetzak 2001eko ekainaren 18an eman ebazpenaren bidez, hasiera batez onetsi ziren Barasoaingo Arau Subsidiarioetako U-10 exekuzio unitatea borondatez birzatitzeko eta urbanizatzeko proiketuak, Mikel Gómez Rementería, Carolina Uscategui Rodríguez, Francisco Javier Sánchez Escalera, Fernando del Moral Janín, César Vidaurre Escalera eta María José Pizarro Maquedak sustatua, aipatu Foru Legeko 169.7 artikuluan ezarritakoaren babesean, bi espedienteak batera izapidatzeko bidea ematen baitu.
Espedientea jendaurrean egon da hamabost egun balioduneko epean, aldez aurretik iragarkia jarririk 80. Nafarroako ALDIZKARI OFIZIALean, 2001eko uztailaren 2koan, Diario de Navarran eta Diario de Noticiasen, eta epe horretan ez da inolako alegaziorik aurkeztu.
Udaleko zerbitzu teknikoek, Mairagako Mankomunitateak eta argiteria publikoa mantentzeaz arduratzen den enpresak proiektuen gaineko txostenak eman dituzte.
Horiek horrela,
Ebatzi dut:
1. Behin betikoz onestea Barasoaingo Arau Subsidiarioetako U-10 exekuzio unitatea borondatez birzatitzeko eta urbanizatzeko proiektuak, Fernando del Moral Janínek eta beste batzuek sustatua.
2. Sustatzaileei igortzea Udaleko zerbitzu teknikoek, Mairagako mankomunitateak eta argitaria publikoa mantentzeaz arduratzen den enpresak luzatutako txostenak. Horien zehaztapenak aginduz gehituko zaizkio proiektuari.
3. Behin betiko onespenaren iragarkia Nafarroako ALDIZKARI OFIZIALean argitaratzeko agintzea.
Barasoainen, bi mila eta bateko uztailaren hogeita lauan. Batzorde Kudeatzaileko burua, Carlos Izuriaga Eslava.
Iragarkiaren kodea: a0108911
