III. NAFARROAKO TOKI ADMINISTRAZIOA
I R U Ñ A
E D I K T U A
Iruñeko Udalak, 2001eko uztailaren 5ean egindako osoko bilkuran, ondoko erabakia hartu zuen:
"Ikusirik Estacionamientos y Servicios, S.A.k aurkezturiko behin betiko proiektua, ekainaren 8koa, eta ekainaren 15eko eranskina, Gazteluko Plazan eta Karlos III.aren etorbideko zati batean ibilgailuendako lurpeko aparkalekua egiteko, eta azalera urbanizatzeko proiektua, ekainaren 12koa; kontuan harturik bi proiektu horiek, Udalbatzak 2001eko apirilaren 5ean hartu erabakiaren 3. puntuari jarraikiz, Kultura Zuzendaritza Nagusia-Vianako Printzea Erakundearen 2001eko apirilaren 6ko errekerimendu loteslearen arabera prestatu direla, eta, azkenik, udal teknikarien txostenak ikusirik, erabaki da:
1. Gazteluko Plazan eta Karlos III.aren etorbideko zati batean lurpeko aparkalekua egiteko behin betiko proiektua onestea, ondoko hauek emandako txostenetan, erabaki honetan baitaude, adierazitako baldintzetan: Udaleko osasun teknikariak ekainaren 15ean emana, ingurumen-ingeniaritzako ikuskatzaileak ekainaren 18an emana, S.C.I.S.eko buruak ekainaren 18an emana, Udaleko ingeniariak ekainaren 20an emana, Udaleko arkitekto teknikoak ekainaren 21ean emana eta Iruñerriko Mankomunitateak ekainaren 21ean emana.
2. Aipatu aparkalekuko azalera urbanizatzeko oinarrizko proiektua onestea, 2001eko urtarrilaren 11n onetsitakoa aldatu eta indarrik gabe uzten duena.
3. Indusketa egiteko baimena ematea, metro bateko sakonerakoa, aztarna arkeologikorik dagoen antzemateko. Orobat, 60 eguneko epea ematen da hura egiteko, hori guztia Kultura Zuzendaritza Nagusia-Vianako Printzea Erakundearen aipatu ebazpenari jarraikiz.
Ebazpen honen aurka ondoko errekurtso hauetako bat ezartzen ahal da, aukeran:
Berraztertzeko errekurtsoa, egintzaren organo egileari zuzendua, hilabeteko epean, ebazpen hau jakinarazi eta biharamunetik.
Administrazioarekiko auzi-errekurtsoa, Administrazioarekiko Auzien Epaitegiari zuzendua, bi hilabeteko epean, ebazpen hau jakinarazi eta biharamunetik.
Gora jotzeko errekurtsoa, Nafarroako Administrazio Auzitegiari zuzendua, ebazpen hau jakinarazi eta hilabeteko epean.
Argitara ematen da Nafarroako ALDIZKARI OFIZIALean, Administrazio Publikoen Araubide Juridikoari eta Guztiendako Administrazio Prozedurari buruzko Legearen (azaroaren 26ko 30/1992 Legea) 59.4 eta 59.5 a) artikuluetan eta gainerako legeria aplikagarrian xedatutakoa betez, jakinarazpen balioa izan dezan interesatu ezezagunentzat eta, legez saiatu arren, jakinarazi ahal izan ez zaienentzat.
Iruñean, bi mila eta bateko abuztuaren hamahiruan. Alkatea, Yolanda Barcina Angulo.
Iragarkiaren kodea: a0108671
