I. NAFARROAKO FORU KOMUNITATEA
Beste Xedapenak
LEHENDAKARITZA DEPARTAMENTUA. Jakinarazpen ediktua.
Ezinezkoa izan da Administrazio Publikoen Araubide Juridikoari eta Guztiendako Administrazio Prozedurari buruzko azaroaren 26ko 30/1992 Legearen 59.1 eta 2 eta 135. artikuluek agintzen duten jakinarazpena egitea, prozedura sumarioaren hasierari dagokiona. Beraz, ediktu honen bidez betetzen da indarra duen Administrazio Prozedurari buruzko Legearen 59.4 artikuluak xedatutakoa.
"Ikuskizun publikoak eta josteta jarduerak arautzen dituen martxoaren 13ko 2/1989 Foru Legearen 28.2 artikuluan arau-hauste arinetarako aurreikusita dagoen prozedura sumarioari jarraikiz, 68/2001 zehapen espedientea hasi da Leonardo F. Hernández García jaunaren aurka, NAN zk.: 28.691.967, helbidea: Velázquez kalea, 61, Madril, 2001eko uztailaren 26an Tuteran egindako burtzi-zezenketan gertatutakoa ikusita, Foruzaingoak jarritako salaketaren ondorioz, ekainaren 29ko 249/1992 Foru Dekretuaren bidez onetsitako Zezen Ikuskizunen Erregelamenduaren 59.3, 64.1 eta 84.5 artikuluetan xedatutakoaren aurkako bost arau-hauste egin zituelakoan. Arau-hauste horiek arintzat hartu dira Erregelamenduko 95.4.i) eta 95.4.e) artikuluetan eta, horren arabera, 5.000 eta 50.000 pezeta bitarteko isuna dagokie 59.3 eta 64.1 artikuluen aurkako arau-hausteei eta 10.000 eta 75.000 pezeta bitarteko isuna 84.5 artikuluaren aurkakoari (aipatu Foru Dekretuaren 98.4 eta 98.5 artikuluak). Salatuari jakinarazten zaio hamar eguneko epea izanen duela egoki iruditzen zaiona alegatzeko eta, nahi izanez gero, bidezko frogak proposatzeko.
Halaber, jakinarazten zaio Purificación González Merchán andrea, Barne Zuzendaritza Nagusiko Araubide Juridikoaren atalburua, izendatu dutela instruktore eta Pilar Alvarez Asiain andrea idazkari.
Salatuak funtzionario horiek errefusa ditzake, Administrazio Publikoen Araubide Juridikoari eta Guztiendako Administrazio Prozedurari buruzko azaroaren 26ko 30/1992 Legearen 29. artikuluak ezarritako araubidearen arabera.
Iruñean, bi mila eta bateko abuztuaren hogeita zortzian.-Barne zuzendari nagusia, Alfredo González Echarren".
Iragarkiaren kodea: A0109555
