I. NAFARROAKO FORU KOMUNITATEA
Beste Xedapenak
163/2001 EBAZPENA, abuztuaren 27koa, Unibertsitateetarako eta Hizkuntza Politikarako zuzendari nagusiak emana, Hezkuntza eta Kultura Departamentuaren eta Nafarroako Unibertsitatearen arteko Lankidetza Akordioaren testua onesten duena. Akordio horren xedea Espainiako Alexander von Humboldt erakundearen X. Biltzarra egitea da, Iruñean, 2001eko irailaren 13, 14, 15 eta 16an, ondoko izenburu honekin: "Unibertsitatea etorkizunean. Unibertsitatearen eta Enpresaren arteko harremanak".
Unibertsitateko Irakaskuntza eta Ikerketa Zerbitzuak proposamena aurkeztu du Hezkuntza eta Kultura Departamentuaren eta Nafarroako Unibertsitatearen arteko Lankidetza Akordioa onesteko. Akordio horren xedea Espainiako Alexander von Humboldt erakundearen X. Biltzarra egitea da, Iruñean, 2001eko irailaren 13, 14, 15 eta 16an, ondoko izenburu honekin: "Unibertsitatea etorkizunean. Unibertsitatearen eta Enpresaren arteko harremanak". Biltzarraren finantzaketan parte hartzeko, 2.795.000 pezetako gehieneko gastua baimentzea proposatu du, kalkulatu den osoko kostuaren % 44, alegia.
Eskuordeturik ditudan eskurantzak eta Hezkuntza eta Kultura kontseilariak ekainaren 29an eman 255/2000 Foru Aginduan esleitu zaizkidan ahalmenak erabiliz,
EBATZI DUT:
1. Hezkuntza eta Kultura Departamentuaren eta Nafarroako Unibertsitatearen arteko Lankidetza Akordioaren testua onestea. Akordio horren xedea Espainiako Alexander von Humboldt erakundearen X. Biltzarra egitea da, Iruñean, irailaren 13, 14, 15 eta 16an, ondoko izenburu honekin: "Unibertsitatea etorkizunean. Unibertsitatearen eta Enpresaren arteko harremanak".
2. Nazioarteko foro horren finantzaketan parte hartzeko, hala nola haren emaitzak zabaldu eta argitaratzeko, 2.795.000 pezetako gehieneko gastua baimentzea, kalkulatu den osoko kostuaren % 44, alegia.
3. Gastuen finantzaketa Departamentuaren gastuen aurrekontuko 43100-41000-4810-422402 ("Akordioak eta Hitzarmenak Irabazi asmorik gabeko eta unibertsitate zabalkunderako erakundeekin") kontusailaren kargura eginen da, gehienez 2.795.000 pezeta.
4. Ebazpen hau eta Lankidetza Akordioaren testua Nafarroako ALDIZKARI OFIZIALean argitaratzea.
5. Ebazpen hau eta Lankidetza Akordioaren testua Nafarroako Unibertsitatera, Ekonomi eta Ogasun Departamentuak Hezkuntza eta Kulturakoan duen kontu-hartzaile delegatuari, Unibertsitateetarako eta Hizkuntza Politikarako Zuzendaritza Nagusira, Unibertsitateko Irakaskuntza eta Ikerketa Zerbitzura, Goi Mailako Ikasketen Atalera, Aurrekontu eta Kudeaketa Ekonomikoaren Atalera, Goi Mailako Ikasketen Bulegora, Administrazio Orokorreko Bulegora eta Kudeaketa Ekonomikoaren Bulegora igortzea, behar diren ondorioak izan ditzan.
Iruñean, bi mila eta bateko abuztuaren hogeita zazpian.-Unibertsitateetarako eta Hizkuntza Politikarako zuzendari nagusia, Pedro Pegenaute Garde.
Hezkuntza eta Kultura Departamentuaren eta Nafarroako Unibertsitatearen arteko Lankidetza Akordioa, Espainiako Alexander von Humboldt erakundearen X. Biltzarra egiteko, Iruñean, 2001eko irailaren 13, 14, 15 eta 16an, ondoko izenburu honekin: "Unibertsitatea etorkizunean. Unibertsitatearen eta Enpresaren arteko harremanak".
Iruñean, 2001eko irailaren 6an.
Bildurik:
Alde batetik, Pedro Pegenaute Garde jauna, Nafarroako Gobernuko Hezkuntza eta Kultura Departamentuko Unibertsitateetarako eta Hizkuntza Politikarako zuzendari nagusia.
Bestetik, Manuel Casado Velarde jauna, Nafarroako Unibertsitateko Irakasleen errektoreordea, Unibertsitatearen izenean eta bertako errektoreak delegaturik,
Azaldu dute:
1. Nafarroako Gobernuko Hezkuntza eta Kultura Departamentuak eta, bereziki, Unibertsitateetarako eta Hizkuntza Politikarako Zuzendaritza Nagusiak interesa dutela Espainiako Alexander von Humboldt erakundearen X. Biltzarra bultzatzeko. Biltzar hori Iruñean eginen da, 2001eko irailaren 13, 14, 15 eta 16an, ondoko izenburu honekin: "Unibertsitatea etorkizunean. Unibertsitatearen eta Enpresaren arteko harremanak".
2. Biltzar hori zuzenean sartzen dela Nafarroako Unibertsitateetarako eta Hizkuntza Politikarako Zuzendaritza Nagusiak duen planteamenduan, alegia, unibertsitateko komunitatearentzat eta oro har, nafar guztientzat interesgarriak diren gaiak aztertu eta zabaltzeko Nafarroako unibertsitate eta irabazi asmorik gabeko bestelako entitateekin akordioak ezartzeko duen horretan.
3. Kontuan harturik nazioarteko biltzarra dela eta hori egiteko gastu handiak behar direla, Hezkuntza eta Kultura Departamentuak konpromisoa hartzen du horren finantzaketan laguntzeko, gehienez 2.795.000 pezetarekin, kalkulatuko kostu osoaren % 44, hain zuzen.
Erabaki dute:
1. Nafarroako Gobernuak Espainiako Alexander von Humboldt erakundearen X. Biltzarra egiteko laguntza emanen du. Biltzarra Nafarroako Unibertsitatean eginen da, ondoko izenburu honekin: "Unibertsitatea etorkizunean. Unibertsitatearen eta Enpresaren arteko harremanak", eta haren Ohorezko Batzordeko burua Nafarroako Gobernuko lehendakaria izanen da, Miguel Sanz Sesma jauna.
2. Espainiako Alexander von Humboldt erakundearen X. Biltzarrak ondoko ordezkari hauek izanen ditu:
.Ohorezko Batzordea: Miguel Sanz Sesma jauna, Nafarroako Gobernuaren lehendakaria; Yolanda Barcina Angulo andrea, Iruñeko alkatea; José María Bastero de Eleizalde jauna, Nafarroako Unibertsitateko errektorea.
.Batzorde Akademikoa: Pedro Pegenaute Garde jauna, Nafarroako Gobernuko Unibertsitateetarako eta Hizkuntza Politikarako zuzendari nagusia; Manuel Casado Velarde jauna, Nafarroako Unibertsitateko Irakasleen errektoreordea.
.Antolaketa Batzordea: José Remigio Múgica Navarro jauna, Unibertsitateko Irakaskuntza eta Ikerketa Zerbitzuko zuzendaria, batzordekide lanetan arituko dena; Luis Herrera Mesa jauna, batzordeburu lanetan arituko dena; Juan Cruz Cruz jauna, Filosofia Departamentuko zuzendaria, batzordekide lanetan arituko dena; Víctor Sanz Santacruz jauna, Filosofiako irakaslea, batzordekide lanetan arituko dena; Pedro Fernández de la Fuente jauna, Filosofiako irakaslea, idazkari lanetan arituko dena.
3. Nafarroako Unibertsitateak konpromisoa hartu du Espainiako Alexander von Humboldt erakundeak Iruñean, 2001eko irailaren 13, 14, 15 eta 16an, eginen duen X. Biltzarreko jardueren programa aurrera eramateko. Biltzarreko ponentzia eta komunikazioen bildumaren kopia bat bidaliko da Nafarroako Gobernuko Unibertsitateetarako eta Hizkuntza Politikarako Zuzendaritza Nagusira.
4. Nafarroako Unibertsitateak hartutako konpromisoen truke, Nafarroako Gobernuak dirulaguntza bat emanen du X. Biltzarra finantzatzeko, gehienez 2.795.000 pezetakoa, kalkulatutako kostu osoaren % 44, hain zuzen. Bidezko frogagiriak aurkeztu ondoren, Unibertsitateetarako eta Hizkuntza Politikarako Zuzendaritza Nagusiak dagokion diru transferentzia eginen du, Departamentuaren gastuen aurrekontuko 43100-4810-422402 ("Akordioak eta Hitzarmenak Irabazi asmorik gabeko eta unibertsitate zabalkunderako erakundeekin") kontusailaren kargura.
5. Akordio honetan xedatutakoa betetzen dela zaintzeko, jarraipen batzorde bat osatuko da, ondoko kide hauekin:
.Nafarroako Gobernuko kideak:
-Pedro Pegenaute Garde jauna, Nafarroako Gobernuko Unibertsitateetarako eta Hizkuntza Politikarako zuzendari nagusia; José Remigio Múgica Navarro jauna, Unibertsitateko Irakaskuntza eta Ikerketa Zerbitzuko zuzendaria.
.Nafarroako Unibertsitateko kideak:
-Manuel Casado Velarde jauna, Nafarroako Unibertsitateko Irakasleen errektoreordea.
6. Akordio honek izaera administratiboa du eta, hortaz, itundutakoa interpretatu eta aplikatzerakoan ager daitezkeen desadostasun guztiak Unibertsitateetarako eta Hizkuntza Politikarako Zuzendaritza Nagusiak ebatziko ditu, eta horren ebazpenen aurka administrazioarekiko auzi-errekurtsoa jarri ahalko da Nafarroako Auzitegi Nagusiko Administrazioarekiko Auzien Sailari zuzendua, gora jotzeko errekurtsoa, Nafarroako Gobernuari zuzendua, jarri ondoren.
7. Akordio honek sinatu eta biharamunean hartuko du indarra.
Eta adostasuna adierazteko, akordio hau sinatu dute aurretik adierazitako egun eta tokian.
Nafarroako Gobernuaren aldetik.
Pedro Pegenaute Garde jauna.
Nafarroako Gobernuko Unibertsitateetarako eta Hizkuntza Politikarako zuzendari nagusia.
Nafarroako Unibertsitatearen aldetik.
Manuel Casado Velarde jauna.
Nafarroako Unibertsitateko Irakasleen errektoreordea.
Iragarkiaren kodea: A0109329
