I. NAFARROAKO FORU KOMUNITATEA
- Beste Xedapenak
214/2000 FORU AGINDUA, maiatzaren 25ekoa, Hezkuntza eta Kultura kontseilariak emana, Nafarroako eskola kontzentrazioen herriburu diren toki entitateei eta ikasleak Nafarroatik kanpoko eskola kontzentrazioetan dituztenei, ikastetxe horien funtzionamendu gastuak finantzatu ahal izateko laguntza gisa, 2000ko urtarriletik abuztura bitarteko dirulaguntzak ematen dizkiena.
LOGSEren hamazazpigarren xedapen gehigarriak eta Zerga, Administrazio eta Gizarte arloko Neurrien gaineko abenduaren 30eko 13/1996 Legeak (168. Artikulua) haren bigarren lerroaldean egindako aldaketak aditzera ematen dutenez, kasuan kasuko ikastetxearen titularra den korporazioa arduratuko da Haur eta Lehen Hezkuntzako eta DBHko lehen zikloko ikastetxe publikoen kontserbazio, mantentze eta zainketaz.
Foru Agindu honetan onesten diren dirulaguntzen xedea, Lehen Hezkuntzako ikastetxe publikoen (eskola kontzentrazioen) titularrak diren toki entitateei ikasleek sortu gasturako laguntza ematea da.
Departamentu honetako Ikastetxeen eta Ikasketetarako Laguntzen Zerbitzuko zuzendariak txosten bat aurkeztu du eta bertan proposatu 2000ko urtarriletik abuztura bitarteko dirulaguntzak ematea beren udalerrietan eskola kontzentrazioak dituzten Nafarroako toki entitateei, eta ikasleak Oion eta Kanpezuko eskola kontzentrazioetan eskolatzen dituzten toki entitateei, ikastetxe horien ohiko funtzionamendu gastuak finantzatu ahal izateko laguntza gisa, urriaren 3ko 1/1990 Lege Organikoaren hamazazpigarren xedapen gehigarriak dirulaguntza horiek ematera behartzen baitu.
Horrenbestez, Nafarroako Foru Komunitateko Gobernua eta Administrazioa arautzen dituen apirilaren 11ko 23/1983 Foru Legearen 36.2 c) eta d) artikuluan eman zaizkidan ahalmenak erabiliz,
AGINDU DUT:
1. Foru Agindu honen Eranskinean ageri diren 2000ko urtarriletik abuztura bitarteko dirulaguntzak ematea Nafarroako eskola kontzentrazioen herriburu diren toki entitateei eta ikasleak Arabako Oion eta Kanpezuko kontzentrazioetan eskolatzen dituztenei, ikastetxe horien funtzionamendu gastuak, bertan ematen diren ikasketa arautuei dagokienez, finantzatu ahal izateko laguntza gisa.
2. Ekonomi eta Ogasun Departamentuari eskatzea behar diren ordainketa aginduak eman ditzala, guztira 68.814.937 pezeta, egun indarra duen gastuen aurrekontuko 41610-4600-4222 kontusailaren 14780-5 lerroaren kargura.
3. Onetsi diren dirulaguntzen xedea da eskola kontzentrazioen funtzionamendu, mantentze eta zainketa gastuetan laguntzea, Haur Hezkuntzako bigarren zikloko, Lehen Hezkuntzako, Derrigorrezko Bigarren Hezkuntzako lehen zikloko eta Hezkuntza Bereziko irakaskuntza arautuan, kontzentrazioaren titularra den herrian bizi ez diren baina arauak hala aginduta kontzentrazio horietan eskolatzen diren ikasleei dagokienez.
4. Foru Agindu hau eta bere eranskina Nafarroako ALDIZKARI OFIZIALean argitara eman daitezela agintzea.
5. Foru Agindu hau eta bere eranskina igortzea toki entitate interesatuetara, Ekonomi eta Ogasun Departamentuak Hezkuntzakoan duen kontu-hartzaile delegatuari, Ikastetxeen eta Ikasketetarako Laguntzen Zerbitzura, Kudeaketa Ekonomikoaren Bulegora eta Ikastetxe Publikoak Finantzatzeko Bulegora, behar diren ondorioak izan ditzaten.
Iruñean, bi milako maiatzaren hogeita bostean.-Hezkuntza eta Kultura kontseilaria, Jesús Laguna Peña.
ERANSKINA
ALTSASU 2 - 65.980
ANTSOAIN 171 - 5.641.290
AGOITZ 46 - 1.517.540
ARANGUREN (MUTILOABEITI) 62 - 2.045.380
LOS ARCOS 40 8 1.583.520
BARASOAIN 27 - 890.730
BASABURUA (JAUNTSARATS) 45 - 1.484.550
BAZTAN (ELIZONDO) 76 - 2.507.240
BERIAIN 39 - 1.286.610
BERRIOZAR 84 - 2.771.160
BETELU 35 12 1.550.530
CABREDO 2 - 234.228
CASCANTE 15 - 494.850
ZIZUR NAGUSIA 72 - 2.375.280
DONEZTEBE 113 - 3.727.870
LIZARRA 186 - 6.136.140
ETXARRI ARANATZ 53 - 1.748.470
GARRALDA 64 - 2.111.360
GENEVILLA 2 - 234.228
GOIZUETA 1 3 131.960
UHARTE 40 - 1.319.600
IRURTZUN 120 30 4.948.500
LAPOBLACION (1) 2 - 71.206
LEKUNBERRI 32 3 1.154.650
IRUNBERRI 8 - 263.920
MEANO (2) 8 - 317.169
NOAIN - ELORTZIBAR 42 - 1.385.580
OTSAGABIA 15 - 494.850
OLAZTI 5 - 164.950
ERRIBERRI (3) 8 4 460.566
ORKOIEN 63 - 2.078.370
GARES 78 - 2.573.220
ERRONKARI 46 - 1.517.540
ZANGOZA 40 - 1.319.600
TAFALLA 18 - 593.820
ULTZAMA (LARRAINTZAR) 169 - 5.575.310
VIANA 19 - 626.810
ATARRABIA 119 - 3.925.810
ZUBIRI 45 - 1.484.550
GUZTIRA 2.012 60 68.814.937
(1) 5.226 pezeta erantsi dira; 1999an ordaindu gabekoak.
(2) 53.249 pezeta erantsi dira; 1999an ordaindu gabekoak.
(3) 64.686 pezeta erantsi dira, 1999ko iraila-abendua aldian kontabilizatu gabeko DBHko 3 ikaslerendako.
Iragarkiaren kodea: A0005072