Iragarkia
75. ALDIZKARIA - 2000ko ekainaren 21a
I. NAFARROAKO FORU KOMUNITATEA
- Xedapen Orokorrak. Foru Aginduak
FORU AGINDUA, 2000ko maiatzaren 31koa, Nekazaritza, Abeltzaintza eta Elikadura kontseilariak emama, Nafarroako eskualde behartsuentzako konpentsazioko kalteordainak 2000ko ekitaldirako arautzen dituena.
Kontseiluaren 1257/1999 Erregelamenduak, maiatzaren 17koak, zeinak arautzen baitu zer laguntza emanen diren Nekazaritzaren Berme eta Orientaziorako Europako Fondotik (FEOGA) eta zenbait erregelamendu indargabetzen eta aldatzen, bere II. Tituluaren V. kapituluan, araubide bat ezartzen du eskualde behartsuei eta ingurumen aldetik mugak dituzten horiei komunitatearen laguntzak emateko, aipatu Fondoaren Berme Atalarekin batera finantzatua. Erregelamendu horrek Kontseiluak maiatzaren 20an emandako 950/97 Erregelamendua, bere IX. tituluan nekazaritzakko eskualde behartsuentzako laguntzak arautzen dituena, indargabetzen du.
Laguntza horiek Nafarroako Foru Komunitatean 2000, ekitaldian aplikatu ahal izateko, beharrezkoa da eskualde behartsuentzako konpentsazioko kalteordainei dagozkien dirulaguntzak emateko arau orokorrak ezartzea, Nafarroako Gobernuak 2000ko abenduaren 27an hartutako Erabakiaren bidez onetsitako Nafarroako Nekazaritza garatzeko 2000-2006 Programako aurreikuspenen barruan eta dirulaguntzei buruzko ekainaren 9ko 8/1997 Foru Legearen 7. artikuluari jarraikiz.
Horrenbestez, Nafarroako Foru Komunitateko Gobernua eta Administrazioa arautzen dituen apirilaren 11ko 23/1983 Foru Legearen 36.2 artikulak esleitzen dizkidan eskumenak erabiliz,
AGINDU DUT:
1. artikulua. Xedea.
Foru Agindu honen xedea Nafarroako eskualde behartsuentzako laguntzak 2000ko ekitaldian arautzea da; laguntza horiek, "konpentsazioko kalteordainak" izena ere dutenak, herri txikien garapenari buruz Komunitateak dituen arauetan aurreikusiak daude.
2. artikulua. Definizioak.
Foru Agindu honen ondorioetarako, ondoko definizio hauek erabiliko dira:
a) "Eskualde behartsuak": mendialdeko edo behartsu gisara katalogatutako udalerriak edo haien zatiak. Foru Agindu honen I. eranskinean ageri dira.
b) "Nekazaritzako ustiapenak": nekazaritzako jardueran batez ere merkatu helburuetarako titularrak enpresa gisa antolatutako ondasun eta eskubideen multzoa. Berez, unitate tekniko-ekonomikoa osatzen du.
c) "Ustiategiaren titularra": nekazaritzan diharduen pertsona fisiko edo juridikoa, ustiategia osatzen duten ondasun eta eskubideak enpresa irizpideekin antolatzen dituena eta haren kudeaketaren arrisku eta erantzukizun zibil, fiskal eta sozialak bere gain hartzen dituena.
d) "Nagusiki nekazaria den pertsona": nekazaritzako ustiategi baten titularra izanik bi baldintza hauek betetzen dituen pertsona fisikoa: bere errenta osoaren % 50 gutxienez bere ustiategian egiten duen nekazaritzako jardueratik ateratzea eta bere ustiapenari loturik ez dauden jardueretan bere lan denbora osoren erdia baino gutxiago ematea.
e) "Ustiategiaren titularraren errenta osoa": ustiategiaren titularrak azken ekitaldian deklaratutako errentak, ondarearen gehikuntzak eta murriztapenak kontatu gabe. Ondorio horietarako, ondoko hauek egotziko zaizkio ustiategiaren titularrari:
-Ustiapenaren nekazaritzako jardueraren errenta.
-Enpresa edo lanbide arloko bestelako jardueretatik heldu diren errentak, hala nola ustiapenetik at egindako lanak sortuak, deklaratu beharreko pentsio eta hartzeko pasiboak barne.
-Kapital higigarriaren eta higiezinaren errentak, ustiapenaren titularrari egozten ahal zaizkionak.
Halaber, nekazaritzako jardueretatik heldu diren errentak zehazteko, dagozkien ondare gehikuntzak eta murrizketak ez dira kontuan hartuko.
f) "Azienda larri unitatea (ALU)": zezenak, behiak eta bi urtez goitiko behi-aziendako beste abere batzuk, hala nola sei hilabetez goitiko ekidoak. Bestelako adin eta espezieetarako, ondoko baliokidetzak hartuko dira:
-Sei hilabetetik bi urte bitarteko behi-azienda: 0,60ALU.
-Ardiak eta ahuntzak: 015ALU.
g) "Bazkarako azalera": aziendak jateko utzitako nekazaritzako azalera erabilgarria, larre edo sega-belardi gisakoa. Larratze azaleratzta hartuko da Nekazaritza, Abeltzaintza eta Elikadura kontseilariak 1999ko abenduaren 20an emandako Foru Aginduaren 13. artikuluan aurreikusitakoak; Foru Agindu horrek nekazaritzako zenbait produkturi azaleragatik ordaindu beharrekoa, nekazarien primak, nekazaritza eta inguramen arloetako laguntzak eta eskualde behartsu batzuk konpentsatzeko kalteordainak arautu ziren.
Zuhaitz-larreen eta zuhaixka-larreen kasuetan, azalera konputagarria Foru Agindu honetan finkatuko da.
Probetxamendua lugorri edo galondorako baldin bada, azalera konputagarria kalkulatzeko, biderketa bat eginen da, alegia, deklaratutako azalera bider 0,15.
Azalerak nekazari batzuek batera erabiltzen badituzte larratzerako, horietako bakoitzak duen erabileraren edo erabiltzeko eskubidearen arabera banatuko dira.
h) "Azalera hautagarria": ustiapeneko nekazaritzako azalera erabilgarria, ondoko atal hauetako batean sartua dagoena:
I) Ustiategiko azienda elikatzeko xede nagusia ez duen nekazaritzako azalera erabilgarria.
II) Ustiategiko azienda erabiltzen ari den bazkarako azalera. Haren konputua ustiategiko ALU kopuruaren arabera mugatuko da, honela:
-Onartuko den gehieneko azienda-zama 1,4 ALUkoa izanen da hektarea bakoitzeko.
Azienda-zama gainditzen baldin bada, laguntza kalkulatzeko kontuan hartuko den azalera biderketa batetik ateratzen dena izanen da, alegia, deklaratutako hektareak bider gehieneko azienda-zama onargarriaren eta ustiategiarenaren artean dagoen erlazioa.
Bazkarako azalera, hektareatan, ez da inoiz ustiategiko ALUen balioa baino handiagoa izanen.
i) "Azalera ez-hautagarria": laguntza jasotzeko modukotzat hartzen ez den azalera, ondoko azalera hauek barne hartzen dituena:
I) Zereala ekoiztekoak eta gainerako belarki-laboreak, Espainiako belarki-laboreka eskualdekatzeko 1999ko Planaren arabera, lehorreko batez besteko errendimendua hektarea bakoitzeko 3,2 tonakoa baino handiagoa duten eskualdeetan daudenak. Aipatu Plana hainbat belarki-laboreri azalerengatik egin beharreko ordainketei buruzko abenduaren 10eko 1893/1999 Errege Dekretuan agertzen da.
II) Udareak, sagarrak eta mertxikak ekoitzeko azalera guztiak, laboreek ustiategiaren hektarea bat baino gehiago hartzen baldin badute.
III) Ureztapen azalerak eta eskualde behartsuetan ardoa ekoiztekoak.
j) "Ustiapenaren koefizientea": nekazaritzako ustiapenaren balorazioa da, kontuan harturik haren kokalekua eta ezaugarriak. Eragin zuzena du laguntzaren zenbatekoan. Foru Agindu honen II. eranskinaren ezarritako puntuazioen batura da eta oinarrizko moduluari aplikatzen ahal zaion gehikuntzaren portzentaia osatzen du. Gehikuntza hori ez da inoiz aipatu oinarrizko moduluaren 100eko 100 baino hanndiagoa izanen.
k) "Oinarrizko modulua": laguntza publikoaren baterako zenbatekoa zehazteko Nekazaritza, Abeltzaintza eta Elikadura Departamentuak urtero ezartzen duen kuantifikazio ekonomikoa da, eurotan adierazia, ordainaren xede izan daitekeen azaleraren hektarea bakoitzeko. 2000ko ekitaldirako, kopuru hori 30 eurokoa da hektarea bakoitzeko (4.992 pezeta/ha) eskualde behartsuetan eta 37,5 eurokoa hektarea bakoitzeko (6.240 pezeta/ha) mendialdeko eskualdeen sailean sartutakoentzat.
3. artikulua. Onuradunen betebeharrak.
1. Foru Agindu honetan ezarritako laguntzak jaso ahal izanen dituzte Nafarroako eskualde behartsuetan kokaturiko nekazaritzako ustiategien titular diren pertsona fisikoek soilik, baldin eta ondoko baldintza hauek betetzen badituzte:
a) Nagusiki nekazaria izatea. Baldintza hori betetzen dela egiaztatzeko, kontuan hartuko dira 1998ko ekitaldiko Pertsona Fisikoen Errentaren gaineko Zergaren aitorpenean eskatzaileak deklaratutako dirusarrerak, hala nola Gizarte Segurantzako Nekazaritzako Araubide Berezian bere konturako langile gisara, nahiz Gizarte Segurantzako Araubide Orokorrean nekazaritzako bere jarduerarengatik afiliatuta egotea.
Deklaratutako errenten ehuneko berrogeita hamarra nekazaritzatik ateratzeko betebeharretik salbuetsirik egonen dira beren jarduera laguntza hauek eskatu baino bi urte lehenago hasi duten nekazari gazteak.
Laneko baja ezinbesteko arrazoia izanen da titularra nagusiki nekazaria den pertsonatzat hartzeko.
b) 1998ko ekitaldiko Pertsona Fisikoen Errentaren gaineko Zergaren dirusarrerei buruz deklaratutako errentaren zerga oinarria ekitaldi horretako lanbide arteko gutxieneko soldataren halako 2,5 baino handiagoa ez izatea.
c) Ustiategia non dagoen, udalerri horretako bizilaguna izatea, edo, bestela, inguruko udalerri batekoa, beti ere behartsu gisara katalogatuak badaude eta udal erroldan bost urteko gutxieneko antzinatasuna badute.
d) Nekazaritzako ustiategi baten titularra izatea edo, bestela, ustiategi asoziatibo bateko kidea; kasu horretan, elkartea Nafarroako Nekazaritzako Ustiategien Erregistroan inskribaturik egonen da, abenduaren 15eko 20/1997 Foru Legearekin bat. Bazkide bakoitzak laguntza jaso ahalko du bere partaidetzaren arabera, eta, hala behar denean, laguntza hori erantsi eginen zaio banakako ustiapenarengatik dagokionari, konpentsazioko kalteordain bakarra kalkulatzeko.
e) Nafarroako eskualde behartsu batean gutxienez bi hektareako nekazaritzako azalera erabilgarria lantzea.
f) Nekazaritza jasangarrian arituz, nekazaritza praktika onen metodoak erabiltzea, beren esnahai orokorrean, ingurugiroa eta landa lurrak zaintzeko beharrarekin bat eginez.
2. Laguntza jasotzea eta eskatutako betebeharren egiaztapena banaka eginen dira pertsona bakoitzarentzat, baita onuraduna ustiategi asoziatibo bateko bazkide denean ere.
3. Nekazaritza, Abeltzaintza eta Elikadura Departamentuak betebehar horien egiaztapena eskatu ahalko du Zuzenbidean onatzen ahal den edozein bideren bitartez, Administrazio Publikoen Araubide Juridikoari eta Guztiendako Administrazio Prozedurari buruzko azaroaren 26ko 30/1992 Foru Legearen 80 artikuluari jarraikiz.
4. artikulua. Nekazaritzako ustiategien betebeharrak.
1. Laguntza hauen onuradunen nekazaritzako ustiategiek ondoko baldintza hauek bete beharko dituzte:
a) Nafarroako Nekazaritzako Ustiategien Erregistroan inskribaturik egotea, abenduaren 15eko 20/1997 Foru Legeari jarraikiz.
b) Laguntza jaso ahal duen azaleraren 100eko 50ean gutxienez, Nafarroako Foru Komunitatean eskualde behartsu gisara katalogaturiko zona batean egotea.
c) Eskualde behartsu baten gutxienez bi hektareako nekazaritzako azalera erabilgarria izatea.
d) Ingurugiro, higiene eta animalien ongizateari buruzko gutxieneko arauak betetzea.
2. 1. puntuan ezarritako baldintzak betetzen direla egiaztatzeko, onuradunak ondoko agiri hauek aurkeztu beharko ditu:
a) Irekitzeko udal lizentzia, edo, bestela, jarduera sailkatuarena, Ingurugiroa babesteko Jarduera Sailkatuei buruzko Foru Legearen menpeko jarduerak direnean.
b) Albaitari batek luzatutako ziurtagiria edo txostena, abeltzaintzako ustiapenek Europako Komunitatearen arauak, bai abeltzaintzako ustiategietan animaliak babesteari buruzkoak, bai, hala behar denean, aratxeak, zerriak edo arrautzatarako oiloak babesteko gutxieneko arauak betetzen dituztela egiaztatzen dutenak.
5. artikulua. Onuradunen konpromisoak.
Laguntzak emateko ezinbesteko baldintza da nekazariek berariazko konpromisoa hartzea laguntza lehen aldiz eman ondoko bost urteetan gutxienez nekazaritzan aritzeko, eskualde behartsu batean eta nagusiki nekazaria den pertsona gisara, Batzordeak 1999ko ekainaren 20an emandako 1750/1999 Erregelamenduaren 20.1 artikuluan ezarritako ezinbesteko kasuetan izan ezik, eta, bereziki, ustiategia onura publikoko arrazoiengatik erosten zaionean eta jubilazio pentsio bat hartzen hasten denean edo nekazaritzako jarduerak aldez aurretik uzteko laguntzak jasotzen dituenean salbu.
6. artikulua. Ustiategiaren ordainaren xede izan daitekeen azaleraren kalkulua.
1. Foru Agindu honetan aurreikusitako laguntzak nekazaritzako ustiategiaren ordainaren xede izan daitekeen hektarea bakoitzeko.
2. Ordainaren xede izan daitekeen azaleraren hektareak kalkulatzeko, bazkarako azalera ez-hautagarria eta ustiategiaren azalera hautagarriak batuko dira, Foru Agindu honen 2. artikuluan definituak denak, ondoko koefizienteak aplikatu ondoren:
-Ureztapen hektarea: 1,00.
-Laborantza estentsiboko eta lehorreko landaketetako hektarea: 0,50.
-Zuhaitz eta zuhaixka landaketak, zuretakoak ez direnak: 0,30.
3. Ustiategi bakoitzean ehun hektareatarako laguntza emanen da gehienez.
7. artikulua. Laguntza kalkulatzeko aplikatuko diren koefizienteak.
Laguntza kalkulatzeko ondoko koefiziente hauek aplikatuko dira:
a) Ordainaren xede izan daitekeen ustiategiko azaleraren hektareen arabera:
-5 hektareakoa edo gutxiagokoa: 1,00.
-5-25 hektarea: 0,75.
-25-50 hektarea: 0,50.
-50-100 hektarea: 0,25.
b) Eskaeraren titularrak deklaratutako errentaren arabera:
-Lanbide arteko gutxieneko soldataren halako 1,5 baino gutxiago: 1,20.
8. artikulua. Konpentsazioko kalteordainaren zenbatekoa.
1. Konpentsazioko kalteordainaren gutxieneko zenbatekoa ondoko faktoreen emaitza izanen da:
a) Ordainaren xede izan daitekeen azaleraren hektareak, Foru Agindu honen 6. artikuluari jarraikiz.
b) Ustiapenaren koefizientea, Foru Agindu honen 2. artikuluan definitua.
c) Eskualde behartsuetan eta mendialdekoetan oinarrizko moduluarentzat finkaturiko urteko zenbatekoa.
Ustiategi bat eskualde behartsu batean edo mendialdeko batean kokatzeko, kontuan hartuko dira ustiategiari buruz deklaratutako azalera guztiak.
Jarduketa eremua zehaztu ondoren, haren barruan ustiategiko udalerri izendatuko da azalera handiena biltzen duena.
d) Foru Agindu honen 7. artikuluaren arabera aplikatzen diren koefizienteak.
2. Konpentsazioko gehieneko kalteordainaren zenbatekoa onuradun bakoitzeko ez da urtean 1.800 eurokoa baino handiagoa izanen (299.495 pezeta).
9. artikulua. Bateraezintasunak.
Eskualde behartsuentzako laguntzen onuradunak ezin izanen du nekazaritzako jarduera aldez aurretik uzteko laguntza publikorik, jubilazio pentsiorik, langabezi sorospenik edo antzeko beste prestazio publikorik jaso.
10. artikulua. Eskabideen aurkezpena, izapidaketa eta ebazpena.
1. Laguntzetarako eskabideak aurkezteko epea Foru Agindu hau Nafarroako ALDIZKARI OFIZIALean argitaratu eta biharamunean hasi eta 30 egun baliodunen ondoren bukatuko da.
2. Laguntzetarako eskabideak Nekazaritza, Abeltzaintza eta Elikadura Departamentuak banatuko dituen inprimakietan eginen dira, eta horrekin batera, Foru Agindu honen 4.2. artikuluan aipatutako dokumentazioa aurkeztuko da. Dokumentazio hori Nekazaritza, Abeltzaintza eta Elikadura kontseilariak 1999ko abenduaren 20an emandako Foru Aginduan eskatutakoaren osagarria izanen da. Foru Agindu horrek nekazaritzako zenbait produkturi azaleragatik ordaindu beharrekoa, nekazarien primak, nekazaritza eta inguramen arloetako laguntzak eta eskualde behartsu batzuk konpentsatzeko kalteordainak arautu ziren.
3. Eskabideak Nekazaritza, Abeltzaintza eta Elikadura Departamentuan aurkeztuko dira, bertako bulego nagusietan zuzenean edo eskualdeetako bulegoetan, Nafarroako Gobernuaren Erregistro Orokorrean edo Administrazio Publikoen Araubide Juridikoari eta Guztiendako Administrazio Prozedurari buruzko azaroaren 26ko 30/1992 Foru Legean baimendutako gainerako administrazio erregistroetan.
4. Eskatutako baldintza guztiak betetzen ez badira edo eskabidearekin batera aurkeztu beharreko agiri guztiak aurkezten ez badira, Nekazaritza, Abeltzaintza eta Elikadura Departamentuak hogei eguneko gehieneko epea emanen dio interesatuari, jakinarazten denean hasita, akatsak zuzentzeko, eta jakinaraziko dio horrela egin ezean, eskabidea bertan behera utzitat hartu eta espedientea besterik gabe artxibatuko dela.
5. Laguntza kalkulatzeko kontuan hartuko dira horretarako egindako deklarazioan ustiategiko titularrari, lurzatiei eta animaliei buruz aipatutako datuak, nekazaritzako zenbait produkturi azaleragatik ordaindu beharrekoa, nekazarien primak, nekazaritza eta inguramen arloetako laguntzak eta eskualde behartsu batzuk konpentsatzeko kalteordainak arautzeko Nekazaritza, Abeltzaintza eta Elikadura kontseilariak abenduaren 20an emandako Foru Legean ezarritakoari jarraikiz.
6. Dagokion administrazio ebazpena emateko gehieneko epea sei hilabetekoa izanen da, eskabidea Nekazaritza, Abeltzaintza eta Elikadura Departamentuko erregistroan sartzen den egunen hasita. Epe hori eskatzaileari berariazko ebazpena jakianarazi gabe bukatzen baldin bada, eskabidea ezetsitzat emanen da.
7. Onuradunei dagozkien laguntzak ordaindu baino lehen, eskatutako baldintzak betetzen dituztela egiaztatzeko behar diren kontrolak eginen dira.
11. artikulua. Onuradunen betebeharrak.
Foru Agindu honetan aurreikusitako laguntzen onuradunek ondoko betebehar hauek izanen dituzte:
a) Emandako edo jasotako dirulaguntzei buruz Nekazaritza, Abeltzaintza eta Elikadura Departamentuak egin ditzakeen egiaztapen guztiak onartzea.
b) Helburu berarekin eskatutako bestelako laguntza publikoen berri ematea Nekazaritza, Abeltzaintza eta Elikadura Departamentuari.
c) Jasotako dirulaguntza beren kontabilitatean edo erregistro-liburuan agertaraztea, indarra duten arauei jarraikiz horelakorik baldin badute.
12. artikulua. Ikuskapenak, ez-betetzeak eta zehapenak.
1. Eskualde behartsuetako konpentsazioko kalteordainaren onuradunak hainbat administrazio eta landa kontrolen eta diru zehapen edo murrizketaren menpean egonen dira, alegia, komunitatearen laguntzen hainbat araubideri buruzko kudeaketa eta kontrolerako sistema integraturako arau komunitarioetan ezarritakoen menpean.
2. Aurrerako behi-aziendako abere batean 96/23 Zuzentarauaren bidez debekaturik dauden substantzien hondarrak aurkitzen direnean, edo baimendutako substantziak izan arren legeak agindu ez bezala erabilitako substantzien hondarrak baldin badira, hala nola ustiategian baimenduta ez dauden produktu edo substantziak, edozein modutan, aurkitzen badira, edo baimenduta badaude ere, legeak agindu ez bezala erabili baldin badira produktu edo substantzia horiek, ekoizlea Foru Agindu honetako laguntzetatik at geldituko da urte batez, gertaera horiek egiaztatu diren egunean hasita.
Arau-haustea berriz egiten baldin bada, haren larritasunaren arabera, zehapena bost urte bitarte luzatuko ahalko da, errepikapena egiaztatzen den egunean hasita.
Animalien jabeak edo edukitzaileak hondarren kontrolerako programa publikoak edo 96/23 Zuzentarauan aurreikusitako ikerketa eta ikuskapenak egiteko behar diren ikuskapen eta lagin-hartzeak oztopatzen dituenean, zenbaki honetako lehenbiziko lerroaldean ezarritako zehapena aplikatuko da.
3. Nolanahi ere, eta aurrekoa ezertan ukatu gabe, itzulerak, arau-hausteak eta zehapenak Nafarroako Foru Komunitatearen eta bere erakunde autonomoen dirulaguntzak eman, kudeatu eta kontrolatzeko araubide orokorra ezartzen duen ekainaren 9ko 8/1997 Foru Legearen 21, 27, 28 eta 30. artikuluetan ezarritakoaren arabera arautuko dira.
4. Komunitatearen arauekin bat, deklarazio faltsu bat axolagabekeria larri baten ondorioa izan dela egiaztatzen baldin bada, onuraduna urte horretan herrien garapenerako 125/1999 Erregelamenduko dagokion kapituluan ezarritako neurrietatik bazter geldituko da. Nahita egindako deklarazio faltsua baldin bada, onuraduna zehapen hori hurrengo urtera luzatuko da.
5. Arau-hausteak zehaztu eta zehapenak jartzeko zehapen prozedura nekazaritza, abeltzaintza eta elikaduraren arloko zehapen prozedura administratiboa onesten duen abenduaren 9ko 369/1997 Foru Dekretuan ezarritakoari jarraikiko zaio.
13. artikulua Laguntzei uko egitea.
Emandako dirulaguntza ez bazio interesatzen onuradun bati, idatziz jakinaraziko dio Nekazaritza, Abeltzaintza eta Elikadura Departamentuari, laguntza eman dela jakinarazten denetik hogeita hamar eguneko epean. Horrela egin ezean, laguntza eta hura emateko baldintzak onartutzat hartuko dira.
XEDAPEN GEHIGARRIAK
Lehenbizikoa.-Foru Agindu honek sortzen dituen gastuak Nafarroako 2000ko ekitaldiko Aurrekontu Orokorretako "Mendialdeko eskualdeentzako eta eskualde behartsuentzako konpentsazioko kalteordaina" izeneko 71230-4700-2-7171 kontusailaren 10001 proiektuko 30350-5 lerroaren kargura ordainduko dira.
Bigarrena.-Foru Agindu hau aplikatzeko ematen diren egintzen aurka gora jotzeko errekurtsoa jarri ahalko da, errekurritutako egintza jakinarazi eta biharamunetik hilabeteko epean.
AZKEN XEDAPENAK
Lehenbizikoa.-Foru Agindu honetan ezarritakoaren kontrakoak diren maila bereko xedapen guztiak indarrik gabe utzi dira.
Bigarrena.-Foru Agindu honek Nafarroako ALDIZKARI OFIZIALean argitaratu eta biharamunean hartuko du indarra.
Iruñean, bi milako maiatzaren hogeita hamaikan.-Nekazaritza, Abeltzaintza eta Elikadura kontseilaria, Ignacio Javier Fernández Alfaro
I. ERANSKINA
Nafarroako mendialdeko udalerrien eta udalerri andegatuen zerrenda
a) Mendialdeko udalerriak:
3 ABAURREAGAINA
4 ABAURREPEA
8 AGILAR KODESKOA
10 ALTSASU
11 ALLIN
13 AMESKOABARREN
17 ANUE
19 AGOITZ
20 ARAITZ
21 ARANARATXE
22 ARANTZA
24 ARANO
25 ARAKIL
26 ARAS
27 ARBIZU
28 ARTZIBAR
31 ARESO
33 ARIA
34 ARIBE
37 ARRUAZU
40 ATETZ
43 AZUELO
44 BAKAIKU
47 BARGOTA
49 BASABURUA
50 BAZTAN
52 BERASKOAIN
54 BERTIZARANA
55 BETELU
58 AURITZ
59 BURGI
63 CABREDO
71 GAZTELUBERRI
73 ZIORDIA
75 ZIRITZA
81 DONAMARIA
82 ETXALAR
83 ETXARRI
84 ETXARRI-ARANATZ
87 ELGORRIAGA
90 ERATSUN
91 ERGOIENA
92 ERROIBAR
93 EZKAROZE
94 ESLABA
95 ESPARTZA
96 ESPRONTZEDA
98 ESTERIBAR
100 EULATE
101 EZKABARTE
102 EZKURRA
103 EZPOROGI
110 GALIPENTZU
111 GALOZE
112 GARAIOA
113 GARDE
115 GARRALDA
116 GENEVILLA
117 GOIZUETA
118 GOÑERRI
119 GORZA
120 GESALATZ
121 GIRGILLAO
123 UHARTE-ARAKIL
124 IBARGOITI
126 IMOTZ
127 IRAÑETA
128 IZABA
129 ITUREN
130 ITURMENDI
132 ITZAGAONDOA
133 ITZALTZU
134 JAURRIETA
135 XABIER
136 TXULAPAIN
137 LABAIEN
138 LAKUNTZA
139 LANA IBARRA
140 LANTZ
141 LAPOBLACION
143 LARRAGOA
144 LARRAUN
146 LEATXE
149 LEITZA
150 LEOTZ
151 LERGA
153 LESAKA
154 LEZAUN
156 LIZOAINIBAR
158 LONGIDA
159 IRUNBERRI
162 MARAÑON
170 MIRAFUENTES
172 ELO
181 NABASKOZE
182 NAZAR
185 OTSAGABIA
186 ODIETA
187 OITZ
188 OLAIBAR
189 OLAZTI
192 OLORITZ
194 OLLO
195 ORBAITZETA
196 ORBARA
198 ORONZ
199 OROTZ-BETELU
203 PETILLA DE ARAGON
209 ERROMANTZATUA
210 ERRONKARI
211 ORREAGA
213 SALDIAS
214 JAITZ
219 SANTSOL
221 DONEZTEBE
222 SARTZE
226 SUNBILLA
230 TORRALBA DEL RIO
235 UXUE
236 ULTZAMA
237 UNTZITIBAR
238 UNTZUE
239 URDAZUBI
240 URDIAIN
241 URRAULGOITI
242 URRAULBEITI
243 URROTZ
244 URROTZ-MALERREKA
245 URZAINKI
247 UZTARROZ
248 LUZAIDE
250 BERA
252 BIDANKOZE
253 BIDAURRETA
256 HIRIBERRI (AEZKOA)
259 IGANTZI
261 ESA
262 ZABALTZA
263 ZUBIETA
264 ZUGARRAMURDI
265 ZUÑIGA
691 ANDIA MENDIA
692 ARALAR MENDIA
693 LOKIZ MENDIA
694 URBASA
904 IRURTZUN
908 LEKUNBERRI
b) Eskualde andegatuetako udalerriak:
1 ABAIGAR
2 ABARTZUZA
5 ABERIN
9 OIBAR
12 ALLO
14 ANTZIN
29 LOS ARCOS
30 ARELLANO
35 ARMAÑANTZAS
36 ARROITZ
38 ARTAXOA
39 ARTAZU
41 AIEGI
45 BARASOAIN
46 BARBARIN
51 BEIRE
53 BERBINTZANA
61 EL BUSTO
65 CAPARROSO
67 ZARRAKAZTELU
69 KASEDA
74 ZIRAUKI
79 DESOJO
80 DEIKAZTELU
97 LIZARRA
99 ETAIO
104 FALTZES
114 GARINOAIN
125 IGUZKITZA
142 LARRAGA
145 ELIZAGORRIA
148 LEGARIA
155 LEDEA
160 LUKIN
161 MAÑERU
164 MELIDA
166 MENDAZA
167 MENDIGORRIA
168 METAUTEN
171 MIRANDA-ARGA
174 MORENTIN
175 MUES
177 MURIETA
178 MURILLO EL CUENDE
179 MURILLO EL FRUTO
184 OKO
190 OLEXA
191 ERRIBERRI
197 ORISOAIN
200 OTEITZA
204 PIEDRAMILLERA
205 PITILLAS
207 PUIU
212 ZARE
216 SANGOZA
217 SAN MARTIN UNX
220 SANTAKARA
224 SESMA
225 SORLADA
227 TAFALLA
231 TORRES DEL RIO
251 VIANA
255 VILLAMAYOR DE MONJARDIN
257 VILLATUERTA
260 DEIERRI
690 ERREGE BARDEA
c) Toki entitateen barneko biztanlerik gabeko eskualdeak edo entitate horiek administratzen dituztenak aurreko zerrendetan sartuko dira eskualde behartsu gisara, beti ere ondoko baldintza hauek betetzen badituzte: Nafarroako foru araubide bereziaren edo publikoaren arabera inongo udalerriri atxikirik ez izatea, tradiziozko korporazio publikoen barruan egotea edo fazeria izena hartzea eta haien titulartasuna edo kotitulartasuna duen udalerria edo toki entitatea aurreko bi zerrendetako batean agertzea.
II. ERANSKINA
Ustiapenen koefizienteak
1. Sailkapenerako parametroak udalerriei dagokienez.
1.1. Kota eta malda: udalerri bakoitzaren puntuazioa ondokoen araberakoa izanen da:
a) Mendialdeko gisara katalogatutako udalerriak, batez besteko garaiera 600 m-koa baino handiagoa eta batez besteko malda % 20 baino handiagoa dutenak: 25 puntu.
b) Mendialdeko gisara katalogatutako udalerriak, batez besteko garaiera 600 m-koa baino handiagoa eta batez besteko malda % 15 baino handiagoa dutenak: 20 puntu.
c) Mendialdeko gisara katalogatutako gainerako udalerriak eta behartsu gisara katalogatuak daudenak.
1.2. Despopulaketa: udalerri bakoitza ondoko adierazle hauen arabera puntuatuko da
a) Populazioaren dentsitatea:
-10 bizt/kmý baino gutxiago dituztenak: 2 puntu.
-10-35 bizt/kmý dituztenak: puntu bat.
b) Herriak husteko joera (91 eta 96ko zentsuen konparazioa):
-Biztanleriaren beherakada % 10 baino txikiagoa duten udalerriak: 4 puntu.
-Biztanleriaren beherakada % 0tik 10era bitartekoa duten udalerriak: 2 puntu.
-Biztanleriaren gorakada % 5 baino txikiagoa duten udalerriak: puntu 1.
Biztanleriaren egitura:
-Biztanleen % 32 baino gehiago 60 urtez goitikoa duten udalerriak: 2 puntu.
-Gainerako udalerriak: 0 puntu.
d) Onuraduna bizi den udalerriaren tamaina:
-Egitatezko 500 biztanle baino gutxiago dituzten udalerriak: 2 puntu.
-Gainerako udalerriak: 0 puntu.
1.3. 2. helburuko herrialdeak: 10 puntu
1.4. Lehorreko lurren errendimendua 2,2 Tn/ha baino txikiagoa dutenak: 10 puntu.
1.5. Interes komunitarioko tokia duen udalerria, IKT(*): 15 puntu gehienez.
(*)Puntuazioa kalkulatzeko, IKT-k udalerrian ukitutako azalera, bateko hainbestean adierazia, 15 puntuz biderkatuko da.
2. Sailkapen parametroak ustiategiei dagokienez.
2.1. Titularra nekazari gaztea bada: 15 puntu.
2.2. Hobetzeko plan batean dagoen ustiapena: 10 puntu.
2.3. Nekazaritzako kooperatibetako kidea: 5 puntu.
2.4. Ustiapenetik ateratako produktuen eraldaketa eta salmenta: 5 puntu.
2.5. Bertako aziendaren ustiapen estentsiboa: 10 puntu.
Iragarkiaren kodea: A0005337
Sarbidea
Nafarroako Aldizkari Ofiziala
Paseo Pablo Sarasate, 38, 2.º izda.
31001 - Iruña
848 42 12 50