I. NAFARROAKO FORU KOMUNITATEA
- Agintariak eta Langileak
38/2000 FORU AGINDUA, otsailaren 11koa, Hezkuntza eta Kultura kontseilariak emana, José Luis Gamen Petit jauna Lanbide Hastapen Bereziko Programan esparru praktikoko lanpostu bati atxikitzen diona, Tuterako "Torre Monreal" Hezkuntza Bereziko Ikastetxe Publikoan.
Hezkuntza eta Kultura kontseilariaren otsailaren 25eko 42/1999 Foru Aginduaren bitartez, 1998/1999 ikasturterako gizarte garantiako programen modalitateak sortu ziren, eta, orobat, programa horiek Nafarroako Foru Komunitateko Bigarren Hezkuntzako Institutuetan, ikastetxe pribatu itunduetan eta irabazi asmorik gabeko erakundeetan ikasturte horretarako ezarri.
Foru Agindu horrek baimena ematen dio Tuterako "Torre Monreal" Hezkuntza Bereziko Ikastetxe Publikoari, elektrizitatea eta elektronika lanbide-arloetako Lanbide Hastapen Bereziko Programa gara dezan.
Ekainaren 21eko 233/1999 Foru Dekretuak -alegia, Nafarroako Foru Komunitatean gizarte garantiako berariazko programak arautzen dituenak- xedatzen duenez, Lanbide Hastapeneko Programen baitako modalitatea da Lanbide Hastapen Bereziko Programa.
Bestalde, lanpostu batzuk betetzeko baldintzak ezartzen ditu Hezkuntza eta Kultura Departamentua titular duten ikastetxeetan Derrigorrezko Bigarren Hezkuntzaren bigarren zikloa, Batxilergoa eta Lanbide Heziketa ezartzeko baldintzei buruzko Itunak; Irakasle Ez-unibertsitarioen Mahai Sektorialak izenpetu zuen itun hori, 1998ko urtarrilaren 23an, eta Hezkuntza eta Kultura kontseilariaren otsailaren 10ko 25/1998 Foru Aginduaren bitartez argitaratu zen. Kasu honetan, dibertsifikaziorako eta Lanbide Hastapenerako esparruko lanpostuak esparru zientifiko-teknikoko, esparru sozio-linguistikoko eta esparru praktikoko lanpostu gisara definitzen dira.
Pedagogi Berrikuntzako Zerbitzuak proposaturik, eta Irakasle Ezunibertsitarioen Mahai Sektorialak 1998ko urtarrilaren 23an izenpetutako itunean xedatua betetzearren, bidezko da José Luis Gamen Petit jauna Lanbide Hastapen Bereziko Programan esparru praktikoko lanpostu bati atxikitzea, Tuterako "Torre Monreal" Hezkuntza Bereziko Ikastetxe Publikoan.
Horrenbestez, apirilaren 1eko 165/1996 Foru Dekretuak emandako eskurantzak erabiliz,
AGINDU DUT:
1. José Luis Gamen Petit jauna, Tuterako "Torre Monreal" Hezkuntza Bereziko Ikastetxe Publikoan behin betiko destinoa duena, Lanbide Hastapen Bereziko Programan esparru praktikoko lanpostu bati atxikitzea, aipatutako ikastetxe horretan. Atxikitze horrek 1999ko irailaren 1etik aitzinako ondorioak izanen ditu.
2. Zailtasun bereziko eta borondatezko eskaerako lanpostutzat jotzea Tuterako "Torre Monreal" Hezkuntza Bereziko Ikastetxe Publikoko lanbide hastapen bereziko lanpostua.
Aplikatzekoa den araudian xedatutako administrazio eraginak izanen ditu zailtasun berezikotzat jotzeak, 1999ko irailaren 1etik atzina.
3. José Luis Gamet Petit jaunak bere ikastetxean eta jatorrizko lanpostuan zeukan antzinatasuna izanen du, irakasleak birbanatzearren eta lanpostuak betetzearren aurrerantzean egiten diren deialdietan parte-hartzea dela-eta.
4. Foru Agindu honen aurka, gora jotzeko errekurtsoa paratzen ahal da Nafarroako Gobernuan, hilabeteko epean, hau Nafarroako ALDIZKARI OFIZIALean argitaratu eta biharamunetik aitzina.
5. Foru Agindu hau igortzea Idazkaritza Teknikora, Giza Baliabideen Zerbitzura, Pedagogi Berrikuntzako Zerbitzura, Zerbitzuak Ikuskatzeko eta Ikuskapen Teknikorako Zerbitzura, Giza Baliabideen Zerbitzuko Langileriaren Plantilla eta Aurrekontuen Kontrolerako Bulegora, eta interesatuari, behar diren ondorioak izan ditzan.
Iruñean, bi milako otsailaren hamaikan.-Hezkuntza eta Kultura kontseilaria, Jesús María Laguna Peña.
Iragarkiaren kodea: A0001461
