II. NAFARROAKO TOKI ADMINISTRAZIOA
- I R U Ñ A
Obrak egiteko errekerimendua
Iruñeko Udaleko Hirigintza eta Etxebizitzako zinegotzi delegatuak, besteak beste, honako ebazpen hau eman zuen mila bederatziehun eta laurogeita hemeretziko abenduaren hamahiruan:
"Ikusirik Iruñeko Curia kaleko 8ko etxea aztertu ondotik Etxebizitzak Zaharberritzeko Bulegoko Udal Zerbitzu Teknikoek egindako ikuskapen txostena, 1999ko urriaren 28koa, haren bidez frogatu baita honako hondaketa hauek dituela:
-Fatxadaren estaldura eroria.
-Balkoiko losak pitzatuak daude.
-Teilatu hegala hondatua dago.
Eta Lurraldearen Antolamenduari eta Hirigintzari buruzko uztailaren 4ko 10/1994 Foru Legearen 224. artikuluan xedatutakoari jarraikiz, ebatzi dut:
1.-Iruñeko Curia kaleko 8ko etxearen jabeei hirurogei eguneko epean honako lan hauek egin ditzaten agintzea:
-Kolokan dagoen estaldura pikatu eta berriro luzitzea.
-Losen pitzadurak zenbaterainokoak diren aztertu eta konpontzea.
-Teilatu hegala konpontzea, estalkitik jaisten den ura bilduz eta zorrotenerantz bideratuz.
Lan horiek teknikari eskudun batek zuzendu beharko ditu, eta lanak hasi baino lehen obra zuzendariaren kontratazioaren frogagiria ekarri beharko da.
2.-Etxe horretako jabeei ohartaraztea ezen, lan horiek aipatu epean egiten ez badituzte, Udalak epea bukatu eta biharamunean obrak subsidiarioki egin ahal izanen dituela eta, hori gertatuz gero, behar diren tasak, hau da, sortzen diren gastuen % 125, igorriko zaizkiela.
3.-Era berean, jabeei ohartaraztea ezen, aipatu epean obrak egiten ez badira, zehapen espedientea abiaraziko dela, Lurraldearen Antolamenduari eta Hirigintzari buruzko uztailaren 4ko 10/1994 Foru Legearen 248.5 artikuluan sailkatutako hutsegite arinaren ustezko erantzule izateagatik. Hutsegite hori 50.000tik 1.000.000 pezeta bitarteko isunarekin zehaturik dago.
4.-Jabeei ohartaraztea, orobat, konponketa obra horiek eraikinaren egitura eta funtzionaltasunaren egokitzapena lortzeko beharrezkoak direnetarik direla. Egokitzapen hori etxebizitza arloko jarduketa babesgarriak finantzatzeko indarra duen Foru Dekretuan zehazten da.
Obra horiei ekiteko zaharberritzeko dirulaguntzak eskura daitezke, beti ere eraikinaren egitura eta funtzionaltasunaren egokitzapena lortzeko beharrezkoak direnekin batera egiten badira; horretarako, Etxebizitzak Zaharberritzeko Udalaren Bulegoan, Eslava kaleko 1.ean, argibideak eska daitezke".
Argitara ematen da Nafarroako ALDIZKARI OFIZIALean, Administrazio Publikoen Araubide Juridikoari eta Guztiendako Administrazio prozedurari buruz indarra duen Legearen 59.4 artikuluan eta 59.5 artikuluaren a) atalean (azaroaren 26ko 30/1992 Legea) eta aplikatzen ahal den gainerako legerian xedatutakoa betez, izan litezkeen beste interesatu ezezagunentzat eta, legeak dioen bezala saiatuta ere, jakinarazi ahal izan ez zaienentzat, jakinarazpen balioa izan dezan.
Iruñean, bi milako urtarrilaren lauan. Hirigintza eta Etxebizitzako idazkari teknikoa, Esther Azanza Fernández.
Iragarkiaren kodea: A0000119
