I. NAFARROAKO FORU KOMUNITATEA
- Xedapen Orokorrak. Foru Aginduak
737/1999 FORU AGINDUA, abenduaren 30ekoa, Industri, Merkataritza, Turismo eta Lan kontseilariak emana, Iruñerriko Mankomunitatearen ur horniduraren zerbitzuko 2000ko tarifak onesten dituena.
Iruñerriko Ur Mankomunitateak ur horniduraren 2000ko tarifak igotzea eskatu du, zerbitzu hori jarduera ekonomikoa sustatu eta liberalizatzeko presako neurri fiskalei buruzko (139. "E.A.O.") ekainaren 7ko 7/96 Legegintzako Errege Dekretuaren 2. Eranskineko 2. puntuan (autonomien esparruko prezio baimenduak) sailkatuta baitago.
Ikusirik Merkataritza eta Kontsumo Zerbitzuak eman duen txostena, Iruñerriko Mankomunitateak ur horniduraren zerbitzuko tarifak aldatzeko egin eskaerari buruzkoa.
Kontsumitzaile eta erabiltzaileen elkarteei 1999ko abenduaren 9an egindako bilkuran entzunik, Kontsumitzaile eta Erabiltzaileak Defendatzeko uztailaren 19ko 26/1984 Lege Orokorraren hogeita bigarren 2.d) artikuluan agindu bezala.
Horrenbestez,
AGINDU DUT:
1. Iruñerriko Mankomunitateari onestea, bertako ur horniduraren zerbitzurako, 2000ko urtarrilaren 1etik aurrera indarra izanen duten tarifa hauek:
A) Kuota finkoa: kontagailuaren diametroaren arabera.
Lauhileko kuota
Kontagailuaren diametroa (pezetatan)
13 mm bitarte 901
15 mm-koa 1.077
20 mm-koa 2.551
Hileko kuota
25 mm-koa 2.325
30 mm-koa 3.321
40 mm-koa 4.963
50 mm-koa 9.964
65 mm-koa 13.283
80 mm-koa 24.934
100 mm-koa 34.906
125 mm-koa 54.853
150 mm-koa 134.639
200 mm-koa 159.404
250 mm-koa 249.067
B) Kuota aldakorra: kontsumitutako m3-aren prezioa
1. tarifa.-Etxebizitzetako eta trastelekuetako erabilpena. Ongintza zentroak eta ofizialki onartuta dauden Eskolaurre, O.H.O., B.B.B., D.B.H., irakaskuntza unibertsitarioetako ikastetxeak eta administrazio publikoetakoak ere sartzen dira: 32,00 pezeta.
2. tarifa.-Industria eta merkataritzako erabilpena. Tarifa honen barrenean Industria, Merkataritza, Bulego eta Langelak sartzen dira. Kirol instalazioetan egindako erabilera kolektiboak ere sartzen dira, ureztaketa salbu: 48,60 pezeta.
3. tarifa.-Finka partikularretan ureztatze eta aisiarako egindako erabilpena: 83,10 pezeta.
4. tarifa.-Erabilpen konbinatuen tarifak.
4.1. Etxekoa-Merkataritza-Ureztatzea.
Hileko 14 m3 bitarte: 32,00 pezeta.
Hileko 14-25 m3: 48,60 pezeta.
Gainerako kontsumoa: 83,10 pezeta.
4.2. Etxekoa-Merkataritza.
Hileko 14 m3 bitarte: 32,00 pezeta.
Gainerako kontsumoa: 48,60 pezeta.
4.3. Etxekoa-Ureztatzea.
Hileko 14 m3 bitarte: 32,00 pezeta.
Gainerako kontsumoa: 83,10 pezeta.
4.4. Merkataritza-Ureztatzea.
Hileko 12 m3 bitarte: 48,60 pezeta.
Gainerako kontsumoa: 83,10 pezeta.
5.1. tarifa.-Eskualdeko udal zerbitzuak, lakuak: 32,00 pezeta.
5.2. tarifa.-Ureztatze publikoa eta jabetza pribatuko erabilera publikoa: 35,00 pezeta.
6. tarifa.-Ur hornidura zisternetan, mankomuniteaz kanpoko entitateei: 84,30 pezeta.
7. tarifa.-Obretarako hornidura: 84,30 pezeta.
8. tarifa.-Izkutuko ur-galeren ondoriozko kontsumoa: 32,00 pezeta.
C) Sareari lotzeko tarifa: 15.030 pezeta.
D) Suteetarako aho zigilatuei dagozkien kuotak: jarritako hartunearen diametroaren arabera.
Lauhileko kuota
Kontagailuaren diametroa (pezetatan)
30 mm-koa 1.237
40 mm-koa 2.378
50 mm-koa 3.711
65 mm-koa 4.948
80 mm-koa 9.288
100 mm-koa 13.005
125 mm-koa 20.435
150 mm-koa 50.161
200 mm-koa 59.384
250 mm-koa 92.790
Ateratzen den tributu kuotari legeetan finkaturiko zeharkako zergak ezarriko zaizkio, haietan agindutako modu eta baldintzetan.
Gizarte Segurantzaren edo Nafarroako Gizarte Ongizate Institutuaren prestazioak dituzten onuradunen kasuan, bakoitzak jasotzen duen zenbatekoa Lanbidearteko Gutxieneko Soldata baino txikiagoa denean edo gobernuz kanpoko erakundea izanik zerbitzua zuzenean jendeari egiten bazaio, irabazi asmorik gabe, eta xede izanik bere helburuak lortzeko dirua biltzea bada, Foru Agindu honetan jasotzen diren prezioetako bakoitzari dagokion kuota osoa izanen da oro har aplikatzekoa den kuotaren % 10aren parekoa.
Foru Agindu honen kontra gora jotzeko errekurtsoa jarri ahalko da, Nafarroako Gobernuari zuzendua, jakinarazpena jaso eta biharamunetik hasita, hilabeteko epean.
Foru Agindu hau jakinaraziko zaio Merkataritza eta Kontsumo Zerbitzuari, Iruñerriko Mankomunitateari eta Nafarroan kokatuta dauden kontsumitzaile eta erabiltzaileen elkarteei, eta Nafarroako ALDIZKARI OFIZIALean argitara dadin aginduko da, behar diren ondorioak sor ditzan.
Iruñean, mila bederatziehun eta laurogeita hemeretziko abenduaren hogeita hamarrean.-Industri, Merkataritza, Turismo eta Lan kontseilaria, Nuria Iturriagagoitia Ripoll.
Iragarkiaren kodea: A0000008