I. NAFARROAKO FORU KOMUNITATEA
- Xedapen Orokorrak. Foru Aginduak
247/1999 FORU AGINDUA, abenduaren 22koa, Ekonomi eta Ogasun kontseilariak emana, Nafarroako Ogasun Publikoaren dirubilketan aritzen diren entitate laguntzaileek fondoak sartu eta dokumentuak aurkeztu edo telematikaz igortzeko epeak eta datak finkatzen dituena.
Martxoaren 25eko 157/1996 Foru Dekretuak arautu zituen Nafarroako Ogasun Publikoaren dirubilketa kudeatzean laguntzen duten gordailu entitateekiko harremanak. Azaroaren 6ko 233/1998 Foru Aginduak Foru Dekretu horren zenbait eduki garatu zituen.
Egun baliodunen kokapenean urtero izaten diren aldaketak direla-eta beharrezkoa da dokumentuak aurkeztu edo telematikaz bidaltzeko mugaegunen, hamabostaldien eta balio-daten egutegia ere aldatzea.
Horrenbestez, beharrezkoa denez erregulatzea dokumentuak eta euskarriak aurkezteko epe berriak eta balio-datak, hamabostaldi bakoitzean bildutako dirua Nafarroako Foru Komunitatearen izenean entitate laguntzailean irekitako kontu korronte orokorrean abonatzekoak.
AGINDU DUT:
1.-Nafarroako Ogasun Publikoaren entitate laguntzaileek egindako dirubilketari buruzko dokumentazioa eta euskarri magnetikoak aurkeztu edo telematikaz igortzeko eta Nafarroako Foru Komunitatearen kontu korronte orokorrean ordaintzeko epeak eta egunak honakoak izanen dira 2000. urtean:
Urtarrila 1.a 1 12/23tik 1/5era 11 13
Urtarrila 2.a 2 1/6tik 1/20ra 26 27
Otsaila 1.a 3 1/21etik 2/7ra 10 15
Otsaila 2.a 4 2/8tik 2/21era 28 28
Martxoa 1.a 5 2/22tik 3/6ra 13 13
Martxoa 2.a 6 3/7tik 3/20ra 27 27
Apirila 1.a 7 3/21etik 4/5era 11 13
Apirila 2.a 8 4/6tik 4/25era 29 2/5
Maiatza 1.a 9 4/26tik 5/5era 11 12
Maiatza 2.a 10 5/6tik 5/22ra 29 29
Ekaina 1.a 11 5/23tik 6/5era 12 13
Ekaina 2.a 12 6/6tik 6/20ra 26 27
Uztaila 1.a 13 6/21etik 7/5era 11 17
Uztaila 2.a 14 7/6tik 7/20ra 26 27
Abuztua 1.a 15 7/21etik 8/7ra 14 16
Abuztua 2.a 16 8/8tik 8/21era 28 29
Iraila 1.a 17 8/22tik 9/5era 11 12
Iraila 2.a 18 9/6tik 9/20ra 26 27
Urria 1.a 19 9/21etik 10/5era 11 13
Urria 2.a 20 10/6tik 10/20ra 26 27
Azaroa 1.a 21 10/21etik 11/6ra 13 13
Azaroa 2.a 22 11/7tik 11/20ra 27 28
Abendua 1.a 23 11/21etik 12/5era 11 12
Abendua 2.a 24 12/6tik 12/20ra 26 27
2. Hamabostaldi bakoitzean bildutako dirusarreren kontu korronte orokorrean abonatzeko aginduaren dokumentua fax bidez igorri beharko da Diruzaintza Ataleko 948427955 telefono zenbakira aurrerago xedatutakoan balio-datarako finkatu den eguneko 15:00ak baino lehen.
3. Foru Agindu hau jakinaraztea Dirubilketa Zerbitzuari, Aurrekontu eta Diruzaintza Zerbitzuari, Kontabilitate eta Kontuhartzailetza Zerbitzuari, Gerorapenen eta Dirubilketa Kontrolaren Atalari, Diruzaintza Atalari eta finantza entitate laguntzaileei.
AZKEN XEDAPENA
Foru Agindu honek Nafarroako ALDIZKARI OFIZIALean argitaratu eta biharamunean hartuko du indarra.
Iruñean, mila bederatziehun eta laurogeita hemeretziko abenduaren hogeita bian.-Ekonomi eta Ogasun kontseilaria, Francisco José Iribarren Fentanes.
Iragarkiaren kodea: A9912610
