III. NAFARROAKO TOKI ADMINISTRAZIOA
M O N T E A G U D O
Hasierako onespena, 2001. urteko ordenantza fiskalei eta udalaren ordainarazpen igorpenei
Monteagudoko Udalak, 2000ko urriaren 27an eginiko bilkuran, legeak eskatzen duen quorumarekin, hasiera batez onetsi ditu 2001. urteko ondoko ordenantza fiskalak eta Udalaren ordainarazpen igorpenen prezioak:
1.-Ordenantza fiskalak:
Ordenantza fiskal orokorra.
Kontribuzio berezien ordenantza fiskal orokorra.
Agiriak luzatu eta izapidatzeko tasen ordenantza fiskala.
Establezimenduak irekitzeko tasen ordenantza fiskala.
Udalaren kirol instalazioak erabiltzeko prezio publikoen ordenantza fiskala.
Eremu publikoko eta herrilurretako zoru, hegalkin eta zorupeko aprobetxamendu berezien prezio publikoen ordenantza fiskala.
Ibilgailuak espaloietan barna sartzeko eta eremu publikoa aparkaleku eta bestetarako erreserbatzeko prezio publikoen ordenantza fiskala.
Eraikuntza, instalazio eta obren gaineko zergen ordenantza fiskala.
Hiri hondakin solidoak bildu eta tratatzeko ordenantza fiskalaren tasa.
Landazaintzako tasaren ordenantza fiskala.
Herrilurretako ondasun eta larreen aprobetxamendua arautzen duen ordenantza fiskala.
Barruti publikoan ehiza egiteko baimenen prezio publikoen ordenantza fiskala.
Makineria eta materialak erabiltzeko prezio publikoen ordenantza fiskala.
2.-Beste ordenantza batzuk:
Udalaren hilerria erabiltzeko eta haren gaineko eskubide eta tasei buruzkoa.
Merkataritza ez-egonkorra eta haren tasen gainekoa.
Trafikoari eta eremu publikoen erabilpenari buruzkoa.
Eremu publikoaren eta bideen garbiketari buruzkoa.
Eraikinak okupatu edo lehen aldiz erabiltzeko lizentziak emateari buruzkoa.
3.-Igorpenen prezioak:
Landalurraren gaineko kontribuzioa: % 0,69; hirilurraren gainekoa % 0,47 oraingo balioen gainean, edo ponentzia berrian (aplikatzen bada) dagokion portzentajea, 2000ko kuoten gaineko % 4ko igoera lortzeko; jarduera ekonomikoen gaineko zergaren errekargua, % 40; gainbalioaren zerga, 2,5eko portzentajea 5 urte bitarte, eta 2,6 hortik aurrera, eta % 8ko karga-tasa.
Espedientea jendaurrean egonen da hogeita hamar eguneko epean, Nafarroako ALDIZKARI OFIZIALean argitaratzen denetik aitzina, herritarrek eta interesatuek aztertu, eta kasua bada, erreklamazioak, kexak edo oharrak egin ditzaten.
Monteagudon, bi milako urriaren hogeita hamaikan. Alkatea, José María Vázquez Royo.
Iragarkiaren kodea: a0010172
