2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
GARES
Datu pertsonalen fitxategia sortzea
Datu Pertsonalak Babesteari buruzko abenduaren 13ko 15/1999 Lege Organikoak bere 20. artikuluan xedatzen duenez, administrazio publikoen fitxategiak sortu, aldatu eta deuseztatzeko nahitaezkoa da xedapen orokor bat, Estatuko Aldizkari Ofizialean edo kasuan kasuko aldizkari ofizialean argitaratua.
Datu Pertsonalak Babesteari buruzko abenduaren 13ko 15/1999 Lege Organikoa garatzeko Erregelamenduak (abenduaren 21eko 1720/2007 Errege Dekretuaren bidez onetsia) indarra hartuta, berritasun batzuk izan dira, 53. eta 54. artikuluen bidez, xedapenaren moduari eta edukiari dagokienez; hartara, nabarmentzen da fitxategiaren tratamendu sistema zehaztu beharra, izaten ahal baita automatizatua, automatizatu gabea edo partez automatizatua.
Esleiturik ditudan eskumenak erabiliz eta lege horren 20. artikuluan eta hura garatzeko Erregelamenduaren 52. artikuluan ezarritakoa bete beharrez, xedatu dut:
Lehenbizikoa.–Garesko Udaleko fitxategiak dira ebazpen honen eranskinekoak.
Bigarrena.–Ebazpen honen I. eranskineko fitxategiak sortu dira, 15/1999 Lege Organikoaren 20. artikulua eta hura garatzeko Erregelamenduaren 54.1 artikulua bete beharrez.
Hirugarrena.–Ebazpen honen eranskinetako fitxategiak arautuko dira bakoitzerako zehazten diren xedapen orokorren eta jarraibideen bitartez, eta betiere aplikatzen ahal zaizkien goragoko legezko eta erregelamenduzko arauen mendean egonen dira.
Laugarrena.–15/1999 Legea garatzeko Erregelamenduaren 55. artikulua bete beharrez, fitxategiak jakinaraziko dira Datuak babesteko Erregistro Orokorrean inskriba daitezen; horretarako hogeita hamar eguneko epea izanen da ebazpen hau Nafarroako Aldizkari Ofizialean argitaratzen denetik.
Bosgarrena.–Ebazpen honek Nafarroako Aldizkari Ofizialean argitaratu eta biharamunean hartuko du indarra.
Garesen, 2016ko uztailaren 1ean.–Alkatea, Oihan Mendo Goñi.
I. ERANSKINA
Fitxategi sortu berria
HERRITARREN PARTAIDETZARAKO FITXATEGIA |
Deskribapena | Herritarren partaidetzarako fitxategia |
Tratamendu sistema | Fitxategi mistoa | Maila | Oinarrizkoa |
Xedeak eta erabilerak | Udalak herritarren partaidetzarako sustaturiko taldeetan parte hartzeko interesa daukaten toki entitateko auzokideen inskripzioa, eta dagozkion deialdiak egitea. |
Ukituak | Izena emandako pertsonak. |
Datuak nola biltzen diren | Paperezko inprimakia. |
Bilketa egiteko euskarria | Papera. |
Datuen jakinarazpena | Ez dira aurreikusi. |
Nazioarteko transmisioak | Ez da halakorik eginen. |
Fitxategian sartu, datuak zuzendu, ezabatu eta haien kontra jotzeko eskubideak non erabili. Toki entitatearen udal bulegoak |
FITXATEGIAN BILDUTAKO DATUEN EZAUGARRIAK |
BEREIZGARRIAK |
Izen-deiturak |
NAN/IFZ |
Helbidea |
Telefono finkoa eta sakelakoa |
EZAUGARRI PERTSONALAK |
Jaioteguna |
Iragarkiaren kodea: L1608207