I. NAFARROAKO FORU KOMUNITATEA
Herrilanak eta Zerbitzu Publikoak
663/2000 EBAZPENA, abuztuaren 1ekoa, Industri zuzendari nagusiak emana, Aritzala, Villatuerta eta Lizarran aitzineko aktak egiteko datak finkatzen dituena.
Aritzala, Villatuerta eta Lizarrako udaletan aitzineko aktak egiteko datak finkatzen ditu, Iberdrola Distribución Eléctrica, S.A.-k eskaturik Allotz-Lizarra (eta deribazioak) aireko eta lurpeko 13,2 KV-ko linea elektrikoa instalatzeko
Sektore elektrikoari buruzko azaroaren 27ko Legearen 52, 53 eta 54. artikuluak betez, eta Allotz-Lizarra aireko eta lurpeko 13,2 KV-ko linea elektrikoa (eta deribazioak) instalatzeko proiektuak ukitutako ondasun eta eskubideak presako prozeduraren bidez okupatu beharra eta haren onura publikoa deklaratu ondoren, Industria zuzendari nagusiak maiatzaren 23an emandako 442/2000 Ebazpenaren arabera (2000ko ekainaren 16ko :bona, 73. zk) bidezkoa da desjabetutako lurrak okupatu aitzineko aktak egiteko datak finkatzea.
Hortaz, Industri, Merkataritza, Turismo eta Lan kontseilariak urriaren 14an eman eta 1999ko urriaren 25eko 133. Nafarroako ALDIZKARI OFIZIALean argitaratutako 572/1999 Foru Aginduaren bidez eskuordetuak ditudan ahalmenak erabiliz,
EBATZI DUT:
Lurrak okupatu aitzineko akta horiek egiteko datak finkatzea, honako ezaugarri hauek kontuan hartuz:
1. Ukituriko ondasun eta eskubideen titularrei, eranskinean agertzen baitira, dei egitea, ukituriko ondasun eta eskubideak okupatu aitzineko aktak egiteko ager daitezen eta, hala behar bada, behin betiko okupazioarenak.
2. Ekitaldi horretara ukituek beraiek edo haien izenean jarduteko behar bezalako baimena duten pertsonek agertu beharko dute, beren titulartasuna egiaztatzen duten agiriak dituztela. Egokitzat jotzen badute, beren kargura, perituak edota notarioa eraman dezakete.
3. Ukitutako pertsonek, Nahitaezko Desjabetzapenari buruzko Legearen Erregelamenduko 56. artikuluko 2. lerroaldearen arabera, alegazioak egiten ahal dituzte idatziz, Nafarroako Gobernuari zuzenduta, baina betiere presako okupazioak ukitutako ondasunak adieraztean gertatzen ahal diren akatsak zuzentzeko bakarrik.
4. Desjabetzapen espedientean Iberdrola, S.A. enpresa izanen da onuradun.
5. Industri Segurtasunerako Zerbitzuari behar diren jarduketak eginaraztea desjabetzapen espedientea bukatu arte aurrera eramateko.
6. Ebazpen hau Nafarroako ALDIZKARI OFIZIALean eta hiriburuko prentsan argitaratzea behar diren ondorioak izan ditzan.
7. Ebazpen hau jakinaraztea Aritzala, Villatuerta eta Lizarrako Udalei iragarki oholetan para dezaten, Energía Eléctrica de Navarra, S.A.ri eta honen eranskin gisa ageri den zerrendako interesatuei, adierazten zaielarik argitaratze hauek Administrazio Publikoen Araubide Juridikoari eta Guztiendako Administrazio Prozedurari buruzko azaroaren 26ko 30/1992 Legea aldatzen duen 4/1999 Legearen 59.4 artikuluak xedatzen dituen ondorioetarako ere egiten direla titularra ezezaguna baldin bada edo non dagoen jakiten ez denean (12. "Estatuko Aldizkari Ofiziala").
Iruñean, bi milako abuztuaren batean.-Industri zuzendari nagusia, Enrique Jiménez Goicoa.
ONDASUN ETA ESKUBIDE UKITUAK
13.200 boltioko "Allotz-Lizarra" linea
Murelu Deierri 12 219 Zereala Victorio Iturbide Echarrenen ondorengoak (Echarte sen.) 3.437 30-19 2000-09-08
Bidaurre (Gesalatz) zutoin 1 9,30 h.
Gorozin 15 474 Zereala Victorio Iturbide Echarrenen ondorengoak (Echarte Hnos.) 1.691,25 30-20 2000-09-08
Bidaurre (Gesalatz) zutoin 1 9,30 h.
Gorozin 15 456 Zereala Asunción Zabala Larumbe 302,5 30-23 2000-09-08
Lizarra, 47-4. Lizarra zutoin 1 10 h.
Gorozin 15 482 Zereala Esparza Hnos. S.L. 1.375 30-21 2000-09-08
481 Magdalena, s/n Gorozin Zutoin 1 10.15 h.
Lizarra 6 377 Zereala María Carmen Azanza Imaz 687,5 - 2000-09-08
Valdeaga, 1 Lizarra 13 h.
Villatuertako E.Z.rako deribazioa
Villatuerta 1 150 Zereala Fermín Ramón Ganulza Sanz de Galdeano 550 - 2000-09-08
Senda Morronda, 6 Villatuerta 12 h.
Villatuerta 1 149 Zereala Fermín Ramón Ganulza Sanz de Galdeano 68,75 1/2 2000-09-08
Senda Morronda, 6 Villatuerta 08-02 12 h.
Lekua: Aritzala, Villatuerta eta Lizarrako udalak. Eguna: 2000ko irailaren 8an.
Egintzaren hasiera: Aritzala, 9,30etan / Villatuerta, 12etan / Lizarra, 13,00etan.
Iragarkiaren kodea: A0007352
