88. ALDIZKARIA - 1999ko uztailaren 16a

I. NAFARROAKO FORU KOMUNITATEA

- Agintariak eta Langileak

EBAZPENA, 1999ko ekainaren 7koa, Funtzio Publikoaren zuzendari nagusiak emana, Nafarroako Foru Komunitateko Administrazioaren eta haren erakunde autonomoen zerbitzuko SOS Nafarroako gelaburu izateko bi lanpostu, oposizio- lehiaketa bidez, betetzeko deialdian onartu eta baztertu diren izangaien behin- behineko zerrenda onesten duena, eta merezimenduen baremoen erredakzioan antzemandako akatsa zuzentzen duena.

Funtzio Publikoaren zuzendari nagusiak 1999ko apirilaren 6an emandako Ebazpenaren bidez, Nafarroako Foru Komunitateko Administrazioaren eta haren erakunde autonomoen zerbitzuko SOS Nafarroako gelaburu izateko bi lanpostu oposizio-lehiaketa bidez betetzeko deialdia onetsi zen. Aipatu deialdia 1999ko apirilaren 7ko 42. Nafarroako ALDIZKARI OFIZIALean eman zen argitara.

Eskabideak aurkezteko epea iragan baita, bidezko da deialdian onartu eta baztertuen behin-behineko zerrenda onestea.

Bidezko da, bestetik, deialdiaren merezimenduen baremoan antzemandako akatsa zuzentzea, 1. puntuko c) letraren 2. lerroaldearen bukaera kentzea alegia.

Horrenbestez, Lehendakaritza eta Barne kontseilariak azaroaren 3an emandako 164/1998 Foru Aginduaren bidez esleitu zizkidan eskurantzak erabiliz,

EBATZI DUT:

1. Nafarroako Foru Komunitateko Administrazioaren eta haren erakunde autonomoen zerbitzuko SOS Nafarroako gelaburu izateko bi lanpostu oposizio- lehiaketa bidez betetzeko deialdian onartu eta baztertu diren izangaien behin-behineko zerrenda onestea. Zerrenda eranskinean dago.

2. Behin-behineko zerrenda Nafarroako ALDIZKARI OFIZIALean argitara eman ondoko hamar egun balioduneko epearen barrenean, baztertutako izangaiek erreklamazioak aurkez ditzakete eta egindako akatsak zuzendu.

3. Merezimenduak baloratzeko baremoaren 1. puntuko c) letraren 2. lerroaldearen bukaera kentzea. Lerroaldea honela geldituko da:

"Ez dira baloratuko lerrun akademiko haundiagoko tituluak lortzeko ezinbesteko baldintza diren beste titulu batzuk, haiek baremo honetan baloratzen badira eta merezimendu gisa azaldu baldin badira."

4. Epaimahaikideei ebazpen honen berri ematea eta Nafarroako ALDIZKARI OFIZIALean argitara dadila agintzea, behar diren ondorioak izan ditzan.

Iruñean, mila bederatziehun eta lauretan hogeita hemeretziko ekainaren zazpian.-Funtzio Publikoaren zuzendari nagusia, Ignacio Bandrés Urriza.

E R A N S K I N A

Onartu eta baztertuen behin-behineko zerrenda

Onartuak:

ANAUT PEÑA, ISABEL

CANTERO ARROSAGARAY, FELISA

JIMENEZ MARIN, YOLANDA

LABIANO CENOZ, MARIA JESUS

LACASA ARREGUI, MARIA TERESA

MONDELA BARADO, ALICIA

PUEYO MENDIVIL, NIEVES

SENOSIAIN LANZ, PURIFICACION

URDAX VALENCIA, MARIA ARANZAZU

URRUTIA IBAÑEZ, JOSE LUIS

Baztertuak:

PEREZ COBO, JULIAN FERNANDO

Betebeharrak ez ditu egiaztatu. Ordainagiria eta NANaren fotokopia falta dira.

Iragarkiaren kodea: A9906029