30. ALDIZKARIA - 1999ko martxoaren 10a

I. NAFARROAKO FORU KOMUNITATEA

- Beste Xedapenak

EBAZPENA, 1999ko otsailaren 15ekoa, Nekazaritza eta Abeltzaintza zuzendari nagusiak emana, Funesko Sociedad Cooperativa Santiago Apóstol Fruta eta Barazki Ekoizleen Batasun gisa aurretiaz onartzen duena, Europako Kontseiluak emandako urriaren 28ko 2200/1996 Erregelamenduko 14. artikuluaren arabera.

Funesko Sociedad Cooperativa Santiago Apóstol-ek jarduketa eremutzat Nafarroako Foru Komunitatea duenak, Fruta eta Barazki Ekoizleen Batasun gisa aurretiaz onartzea eskatu du, Europako Kontseiluak emandako urriaren 28ko 2200/1996 Erregelamenduko 14. artikuluaren eta 1997ko apirilaren 30eko Aginduaren arabera.

Nekazaritzako eta Abeltzaintzako Ekoizpenaren Zerbitzuak eginiko txostena ikusirik, eta batasun horien onarpenari buruzko arautegian eskatu baldintzak betetzen dituela uste denez.

Horrenbestez, eta Nekazaritza, Abeltzaintza eta Elikadura kontseilariak 1996ko urriaren 7an emandako Foru Aginduaren bidez jaso ditudan eskurantzak erabiliz,

EBATZI DUT:

1. Funesko Sociedad Cooperativa Santiago Apóstol Fruta eta Barazki Ekoizleen Batasun gisa aurretiaz onartzea I. kategoriarako (Frutak eta Barazkiak), Europako Kontseiluak emandako 1996ko urriaren 28ko 2200/1996 Erregelamenduko 14. artikuluaren eta 1997ko apirilaren 30eko Aginduaren arabera.

2. Ebazpen hau igortzea Nekazaritza, Arrantza eta Elikadura Ministerioaren barneko Nekazaritza Zuzendaritza Nagusira, dagokion Erregistroan inskriba dadin, bai eta Funesko Sociedad Cooperativa Santiago Apóstol-i ere.

3. Ebazpen hau Nafarroako ALDIZKARI OFIZIALean argitara ematea.

Iruñean, mila bederatziehun eta laurogeita hemeretziko otsailaren hamabostean.-Nekazaritza eta Abeltzaintzako zuzendari nagusia, Carmelo Sáinz de Murieta Sáinz.

Iragarkiaren kodea: A9901723