30. ALDIZKARIA - 1999ko martxoaren 10a

I. NAFARROAKO FORU KOMUNITATEA

- Xedapen Orokorrak. Foru Dekretuak

38/1999 FORU DEKRETUA, otsailaren 15ekoa, Ekonomi eta Ogasun Departamentuko Kanpo Ekintzarako Zerbitzuaren plantila organikoa aldatzen duena.

Nafarroako Kanpo Ekintzarako Elkarteari egun batean esleitu zitzaizkion eginkizunen ardura hartuz joan dadin, beharrezkoa da Ekonomi eta Ogasun Departamentuko Kanpo Ekintzarako Zerbitzua, unitate organiko horri atxikiriko baliabideak indartuko dituzten lanpostu berriekin hornitzea. Horrela, izendapen libreko eta funtzionario araubideko langileak hartzeko modua izanik, zerbitzuak modu koordinatu eta eraginkorrago batean emateko aukera izanen da.

Horrek sortzen duen gastua indarrean dagoen gastuen aurrekontuko 11600-4400-1341 kontusailean, 08000-8 lerroan diren kredituen kargura finantzatuko da, Nafarroako Aurrekontu Orokorrei buruzko abenduaren 30eko 21/1998 Foru Legearen 39. artikuluan ezarritakoaren babesean. Gai horren gainean Eskuhartzailetza delegatuak adostasun txostena eman zuen.

Horrenbestez, Ekonomi eta Ogasun kontseilariak eta Lehendakaritza eta Barne kontseilariak proposaturik eta Nafarroako Gobernuak mila bederatziehun eta laurogeita hemeretziko otsailaren hamabosteko bilkuran hartutako erabakiari jarraikiz,

DEKRETATU DUT:

1. artikulua. Nafarroako Foru Komunitateko Administrazioaren eta haren erakunde autonomoen behin-behineko plantila organikoa aldatzea, Ekonomi eta Ogasun Departamentuko Kanpo Ekintzetarako Zerbitzuan hiru lanpostu sortuz, ondoren zehazten den moduan:

Bat.-1. Bruselan Nafarroako Gobernuko delegatu izateko lanpostu huts bat sortzea, plantila organikoan 5.933 zenbakia.

2. Aholkularitza eta laguntza teknikorako organo gisa, lanpostu hau izendapen libreko behin-behinekoa izanen da eta Nafarroako Administrazio Publikoen zerbitzuko Langileriari buruzko Testu Bategina onetsi zuen abuztuaren 30eko 251/1993 Legegintzako Foru Dekretuaren 85, 86 eta 87. artikuluetan ezarritakoak arautuko du.

3. Lanpostu horren lansaria Nafarroako Gobernuak ezarriko du Erabaki baten bidez eta dagokion gastuen aurrekontuan agertuko da.

Bi.-1. Goi mailako tituludun batendako lanpostu huts bat sortzea, funtzionario araubidean, A maila, plantila organikoan 5.934 zenbakia.

2. Lanpostu horri bateraezintasun osagarria erantsiko zaio bai eta lanpostuaren osagarria ere, mailari dagokion soldataren 100eko 75ekoa.

Hiru.-1. Administrari laguntzaile batendako lanpostu huts bat sortzea, funtzionario araubidean, D maila, plantila organikoan 5.935 zenbakia.

2. Lanpostu honi lanpostuaren osagarria, mailari dagokion soldataren 100eko 75ekoa erantsiko zaio. Osagarru hori bateragarria izanen da Nafarroako Foru Komunitateko Administrazioaren Departamentuei atxikiriko administrazio laguntzaile lanpostuentzat, orokorrean, finkaturik dauden beste lansari osagarriekin.

2. artikulua. Foru Dekretu honen 1. artikuluan sortutako lanpostuetan, funtzionario araubideko horietan, aritzeko, maila eta lanpostu bakoitzean Funtzio Publikoan sartzeko eskatzen diren baldintzez gainera beste hauek bete beharko dira:

a) Bruselan bizi beharra.

b) Beren lanerako gutxienez frantsesa eta ingelesa, idatziz nahiz ahoz, behar den mailan jakitea.

AZKEN XEDAPENAK

Lehena.-Lehendakaritza eta Barne kontseilariari ahalmena ematea Foru Dekretu hau garatu eta aplikatzeko behar diren xedapen guztiak eman ditzan.

Bigarrena.-Foru Dekretu honek Nafarroako ALDIZKARI OFIZIALean argitaratu eta biharamunean hartuko du indarra.

Iruñean, mila bederatziehun eta laurogeita hemeretziko otsailaren hamabostean.-Nafarroako Gobernuko lehendakaria, Miguel Sanz Sesma.-Lehendakaritza eta Barne kontseilaria, Rafael Gurrea Induráin.-Ekonomi eta Ogasun kontseilaria, José María Aracama Yoldi.

Iragarkiaren kodea: A9901772