II. ADMINISTRACION LOCAL DE NAVARRA
- MIRANDA-ARGA
2000. urteko udal zergen karga-tasak, indizeak eta portzentajeak
1.-2000. urteko hirilurraren gaineko kontribuziorako, katastroko balio garbiaren ehuneko 0,2704ko tasa ezarri da, gehi erakunde eskudun ofizialak 1999rako onetsi K.P.I.aren zenbatekoa.
2.-Landalurraren gaineko kontribuziorako, katastroko balio garbiaren ehuneko 0,6402ko tasa ezarri da, gehi erakunde eskudun ofizialak 1999rako onetsi K.P.I.aren zenbatekoa.
3.-Eraikuntza, instalazio eta obren gaineko zerga: 1999. urtean bezala, obraren kostuaren ehuneko 3ko karga-tasa, obren exekuzio materialaren zenbatekoaren gainean aplikatuko dena, eta zerga oinarritik kanpo geldituko dira teknikarien ordainsariak, industri mozkina, gastu orokorrak eta BEZa.
4.-Ehiza barrutiko luxuzko gastuen gaineko zerga-tasa ehuneko 6,07895ekoa izanen da 2000. urtean, gehi erakunde eskudun ofizialak 1999rako onetsi K.P.I.aren zenbatekoa.
5.-Etxebizitza hutsen gaineko zerga: 2000. urtean ez da halakorik aplikatuko.
6.-Jarduera ekonomikoen gaineko zerga: 1,139 indizea ezarri da, gehi erakunde ofizial eskudunak 1999rako onetsi K.P.I.aren zenbatekoa (Nafarroako Toki Ogasunei buruzko Foru Legearen 154. artikulua).
7.-Hirilurren balio igoeraren gaineko zerga: urteko 2,2ko portzentajea ezarri da, Nafarroako Toki Ogasunei buruzko 2/95 Foru Legearen 175. artikuluko eskalan adierazitakoa, eta ehuneko 8ko tasa, hau da, Foru Lege horren 176. artikuluan aipatutako karga eskalako txikiena.
8.-Merkatu txikia: 1995, 1996, 1997, 1998 eta 1999ko tarifa berberak.
Saltoki finkoa: 10.000 pezeta hiruhileko.
Saltoki ez-finkoa: 1.000 pezeta eguneko.
Arraina kalez kale saltzea: 10.000 pezeta hiruhilabeteko.
Kalez kaleko bestelako salmentak: 1.000 pezeta eguneko.
9.-Beste zenbait probetxamendu eta esleipen:
Bestetik ere, eta Nafarroako Toki Ogasunei buruzko 2/1995 Foru Legearen 27. artikuluan ezarritakoari jarraituz, laborantza, abeltzaintza edo oihangintzako probetxamenduei aplikatuko zaie errentamenduaren kanon edo prezioaren urteko eguneratze klausula bat, nekazari edo abeltzainek jasandako prezio aldaketarekin bat datorrena eta erakunde ofizial eskudunak onetsitako indizeen araberakoa.
Gainontzeko probetxamendu, errentamendu eta esleipenen prezioei 1999. urtean kontsumorako prezioen indizean igotako portzentajea gaineratuko zaie.
Erabaki hauek 2000ko urtarrilaren batean hartuko dute indarra, eta haien kontra administrazioarekiko auzi-errekurtsoa jartzen ahal da, zuzenean Nafarroako Auzitegi Nagusiaren arlo bereko Sailari zuzendua, bi hilabeteko epean jarri ere, argitaratu eta hurrengo egunetik aitzina edo, aldez aurretik eta nahi bada, gora jotzeko errekurtsoa, Nafarroako Administrazio Auzitegiari zuzendua, argitaratu ondoko hilabeteko epean.
Miranda-Argan, mila bederatziehun eta laurogeita hemeretziko abenduaren hogeita hamaseian. Alkatea, María Teresa Iradiel Ibáñez.
Iragarkiaren kodea: A9912516
