I. NAFARROAKO FORU KOMUNITATEA
Agintariak eta Langileak
694/1998 EBAZPENA, uztailaren 2koa, Hezkuntza zuzendari nagusiak emana, jarduneko irakasle ez-unibertsitario, eskolako orientatzaile eta ikuskatzaileek EGA agiria erdiesteko berariazko proben 1998ko lehen deialdi irekiko azterketak prestatu, burutu eta zuzenduko dituen batzorde teknikoko kideak izendatu eta azterketak egiteko egun eta tokiak finkatzen dituena.
Hezkuntza eta Kultura kontseilariaren ekainaren 17ko 221/1998 Foru Aginduaren bidez onetsi da jarduneko irakasle ez-unibertsitario, eskolako orientatzaile eta ikuskatzaileek Euskararen Gaitasun Agiria (EGA) erdiesteko berariazko probak egitea, proba horiek antolatu eta prestatzeko eginkizun teknikoak Irakasleendako Birziklaia Ikastegiaren (IBI) esku uztea eta 1998ko lehen deialdi irekia egitea.
Foru Agindu hori garatzeko beharrezkoa da Batzorde Teknikoko kideak izendatzea eta lehen deialdi irekiko probak egiteko egunak ezartzea.
Ikusirik, Euskara Zerbitzuak afera honen gainean eman duen txostena.
Hezkuntza eta Kultura kontseilariaren irailaren 30eko 398/1996 Foru Aginduaren bidez esleiturik ditudan eskurantzak erabiliz,
EBATZI DUT:
1. Ondorengo pertsonak izendatzea, jarduneko irakasle ez-unibertsitario, eskolako orientatzaile eta ikuskatzaileek Euskararen Gaitasun Agiria (EGA) erdiesteko, berariazko proben 1998ko lehen deialdi irekiko azterketak prestatu, burutu eta zuzenduko dituen Batzorde Teknikoko kide.
-Irakasleendako Birziklaia Ikastegikoak:
Adelaida Quintana López de Goikoetxea anderea, ikastegi horretako zuzendaria, Batzordeko koordinatzaile arituko dena.
José Bernardo Jauregi Apalategi jauna, ikastegi horretako ikasketaburua, Batzordeko idazkari arituko dena.
-Nafarroako hizkuntza eskola ofizialetakoa:
Pedro Luis Mateos Yuste jauna, Tuterako Hizkuntza Eskola Ofizialeko irakaslea.
-Miluze euskaltegikoa:
Javier Tirapu Flores jauna, irakaslea.
-Hizkuntza Politikarako Zuzendaritza Nagusikoa:
Juan Ignacio Lizarraga Lazkano jauna, erdi mailako euskara teknikaria.
-Euskara Zerbitzukoak:
Maite Gorospe Lizaso anderea eta Iñaki Biain Salaberria jauna, teknikariak.
2.-Azterketak egiteko egunak eta tokia finkatzea:
Lehen azterketa (idatzizko eta ahozko ulermena, eta idatzizko adierazpena) abuztuaren 21ean, ortziralean, goizeko 9:00etan, eginen da, Nafarroako Administrazio Publikoaren Institutuan (INAP), Nabarreria 39, Iruña.
Bigarren azterketa (ahozko adierazpena) abuztuaren 26an, asteazkenean, goizeko 8:30etatik aitzina eginen da Nafarroako Administrazio Publikoaren Institutuan (INAP). Epaimahaiak erabakiko du partehartzaile bakoitzak zein ordutan egin beharko duen azterketa.
3.-Deialdi honen ondorioz sortuko diren gastuak indarra duen 1998ko Gastuen Aurrekontuaren kargu izanen dira: "Zerbitzuaren, IGAren eta EGAren funtzionamendu gastuak" izeneko 41400-2269-4229 Ekonomi Kodifikazioa, 13510-4 Lerroa.
4.-Ebazpen hau Nafarroako ALDIZKARI OFIZIALean argitara dadila agintzea.
5.-Ebazpen hau igortzea Euskara Zerbitzura, Giza Baliabideen Zerbitzura, Zerbitzuak Ikuskatzeko eta Ikuskapen Teknikorako Zerbitzura, Idazkaritza Teknikora, Hezkuntza Zuzendaritza Nagusira, Irakaslegoaren Birziklaia Ikastegira, Iruñeko eta Tuterako hizkuntza eskola ofizialetara, Miluze Euskaltegira, Hizkuntza Politikarako Zuzendaritza Nagusira eta epaimahaikideei, ondorio egokiak izan ditzan.
Iruñean, mila bederatziehun eta lauretan hogeita hemezortziko uztailaren bian.-Hezkuntza zuzendari nagusia, Santiago Arellano Hernández.
Iragarkiaren kodea: A9806436