94. ALDIZKARIA - 1998ko abuztuaren 7a

I. NAFARROAKO FORU KOMUNITATEA

Agintariak eta Langileak

7/1998 FORU DEKRETUA, abuztuaren 4koa, Gobernuko lehendakariordeak emana, Ingurugiro, Lurraldearen Antolamendu eta Etxebizitza kontseilaria heldu den abuztuan kanpoan den bitartean Gizarte Ongizate, Kirol eta Gazteria kontseilariak ordeztuko duela erabakitzen duena.

Ingurugiro, Lurraldearen Antolamendu eta Etxebizitza kontseilariak heldu den abuztuan kanpoan egon behar duenez gero, beharrezkoa da haren ordezkoa jartzea, Nafarroako Foru Komunitateko Gobernua eta Administrazioa arautzen dituen apirilaren 11ko 23/1983 Foru Legearen 43. artikuluan xedatu bezala.

Horrenbestez, aipatu Foru Legeko 24. g) artikuluak emandako eskurantzak erabiliz,

DEKRETATU DUT:

Artikulu bakarra.-Heldu den abuztuan kanpoan den bitartean, Ingurugiro, Lurraldearen Antolamendu eta Etxebizitza kontseilariaren ordez eta bitarteko gisa Gizarte Ongizate, Kirol eta Gazteria kontseilaria arituko da hari dagozkion eginkizunak betetzen.

Iruñean, mila bederatziehun eta laurogeita hemezortziko abuztuaren lauan.-Nafarroako Gobernuko lehendakariordea, Rafael Gurrea Induráin.

Iragarkiaren kodea: A9807291