I. NAFARROAKO FORU KOMUNITATEA
Agintariak eta Langileak
EBAZPENA, 1998ko otsailaren 23koa, Funtzio Publikoaren Zuzendari Nagusiak emana, Industri, Merkataritza, Turismo eta Lan Departamentuko Turismo Zerbitzuaren menpeko diren Nafarroako Turismo Bulegoetan aritzeko Turismoko sei azafata (C maila) administrazio araubidean eta aldi baterako kontratatzeko deialdia onesten duena.
Funtzio Publikoaren Zuzendari Nagusiak 1998ko otsailaren 23an emandako Ebazpenaren bidez, Industri, Merkataritza, Turismo eta Lan Departamentuko Turismo Zerbitzuaren menpeko diren Nafarroako Turismo Bulegoetan aritzeko Turismoko sei azafata (C maila) administrazio araubidean eta aldi baterako kontratatzeko deialdia onetsi da, honako oinarri hauen arabera:
O I N A R R I A K
1. Turismoko sei azafata (C maila) administrazio araubidean eta aldi baterako kontratatzeko deialdia iragartzen da, Nafarroako Foru Komunitateko Administrazioaren Industri, Merkataritza, Turismo eta Lan Departamentuko Turismo Zerbitzuaren menpeko diren Nafarroako Turismo Bulegoetan aritzeko. Hautatuek aldi batean beteko dituzte plantilan zenbaki hauek dituzten lanpostuak: 5798, 5800, 5801, 5802, 5803 eta 5804. Lanpostu horiek ondoko herrietara daude atxikirik:
a) Eremu eskualduna:
-Orreagako Turismo Bulegoa
-Bertiz-Baztango Turismo Bulegoa
-Lekunberriko Turismo Bulegoa
b) Eremu mistoa eta eremu erdalduna:
-Iruñeko Erreserben eta Ostatuen Zentrala
-Otsagiko Turismo Bulegoa
-Zangozako Turismo Bulegoa
2. Hautatuak gertatzen diren izangaiei administrazio araubideko kontratua eginen zaie aldi baterako, Nafarroako Administrazio Publikoen zerbitzuko Langileriaren Estatutuaren Testu Bategina onetsi zuen abuztuaren 30eko 251/1993 Legegintzako Foru Dekretuaren 88 b) artikuluan eta hurrengoetan, bai eta 1998ko ekitaldirako Nafarroako Aurrekontu Orokorren abenduaren 30eko 21/1997 Foru Legeko 14. artikuluan eta kasuari aplikagarri zaizkion beste xedapen arau emaileetan ere xedatzen denari jarraikiz, eta lanpostu horri dagozkion lansariak izanen ditu, antzinatasuna, gradua eta famili laguntza salbuetsirik.
Kontratu administratiboen iraupena, hasierako aldian, 7 hilabetekoa izanen da, (non eta parteek luzatzea erabakitzen ez duten), eta beti ere kontratuak deseginen dira lanpostuak erregelamenduz betetzen badira edo lanpostua amortizatzen bada.
Gainerako baldintzak, egiten zaizkien kontratuetan zehaztuko dira, Nafarroako Administrazio Publikoaren eta haren erakunde autonomoen zerbitzuko langile funtzionariei orokorrean ezartzen zaien araudian xedatutakoarekin bat.
Kontratatuek alta hartuko dute eta Gizarte Segurantzako erregimen orokorrean kidetuko da, eta haien kontu izanen dira, beraz, dagokion kuota eta PFEZaren atxikipenak, bidezko diren zenbatekoetan.
3. Izangaiek honako baldintza hauek bete beharko dituzte:
a) Batxilergo, Bigarren Mailako Lanbide Heziketa edo baliokideko titulu ofiziala izatea, edo bestela titulu hori eskuratzeko eskubideak ordaindu izanaren gordekina.
b) Nazionalitatez espainola eta adinez nagusia izatea.
c) Eginkizun publikoak betetzeko desgaitua edo zigortua ez izatea eta edozein Administrazio Publikoren zerbitzutik behin ere bereizia ez izana.
d) Dagozkion eginkizunetan aritzeko behar den gaitasun fisikoa eta psikikoa izatea.
Baldintza horiek hautatu eta kontratatutako izangaiek agiri bidez egiaztatu beharko dituzte, esaten zaien momentuan, kontratua sinatu baino lehen.
Aipatu baldintzak eskaerak aurkezteko epea akitzen den egunean betetzen direla ulertuko da, eta horrela bete beharko dituzte hautabide bitartean eta kontratazioa egiten den arte.
4. Deialdi honetan parte hartu nahi dutenek Nafarroako Foru Komunitateko Administrazioaren Erregistro Orokorrean (Iruña, Karlos III.a, 2) aurkeztu beharko dute eskabidea, I. Eraskinean agertzen den ereduaren arabera.
5. Eskabideak aurkezteko epea hamabost egun naturalekoa izanen da, ebazpen hau Nafarroako ALDIZKARI OFIZIALean argitara eman eta biharamunetik kontatuta.
6. Eskabideak aurkezteko epea bukaturik, Lehendakaritza eta Barne Departamentuko Funtzio Publikoaren Zuzendaritza Nagusiak argitara emanen du Nafarroako Gobernuko Iragarki Oholean, onartu eta baztertutako izangaien zerrenda. Bertan azalduko dira hautapen probak egiteko eguna eta tokia. Proba horiek 1998ko martxoaren bigarren hamabostaldian eginen dira (data aurrerago zehaztuko da).
7. Epaimahai kalifikatzailea:
7.1. Hautapena eginen duen epaimahai kalifikatzailea honako kide hauek osatuko dute:
Mahaiburua: Ana Lizarraga Dallo andrea, Industri, Merkataritza, Turismo eta Lan Departamentuko Turismo Zerbitzuko zuzendaria.
Mahaikidea: Marina Roncal Delgado andrea, Industri, Merkataritza, Turismo eta Lan Departamentuko Turismo Zerbitzuari atxikitako Enpresa eta Jarduera Turistikorako teknikaria.
Mahaikidea: Fernando Balduz Ugarriza jauna, Industri, Merkataritza, Turismo eta Lan Departamentuko Turismo Zerbitzuko Turismo atalburua.
Mahaikidea: Foru Komunitateko Administrazioaren Langileen Batzordeak izendatutako ordezkari bat.
Mahaikide idazkaria: José N. Viguria Alegría, A.P.T., arlo juridikoa, Industri, Merkataritza, Turismo eta Lan Departamentuko Idazkaritza Teknikoari atxikia.
Epaimahaia hautapen probak egin aurretik eratu beharko da.
7.2. Epaimahaia ezin izanen da eratu, ez eta aritu ere, gutxienez kideen gehiengo absolutua biltzen ez bada.
7.3. Epaimahaiak gehiengoaren botoen bidez ebatziko ditu deialdi honetako oinarriak aplikatu eta interpretatzerakoan sor daitezkeen auzi guztiak.
7.4. Epaimahaiak aholkulari espezialistak ekartzen ahal ditu ariketa batzuetarako edo guztietarako. Aholkulari horiek beren lana espezialitate tekniko horietara mugatuko dute eta epaimahaiari horietan soilik lagunduko diote.
8. Hautapen prozesuaren garapena eta balorazioa:
8.1. Hautapena ondoko ariketa hauen bidez eginen da:
Lehenbiziko ariketa, teoriko-praktikoa: epaimahaiak II. eraskinean heldu den gai zerrendari buruz proposatu edo eginen dituen gai edo galderei erantzun beharko zaie.
Ariketa hau 0 puntutik 80ra baloratuko da.
Bigarren ariketa: frantsesa eta ingelesaren gaineko ahozko probak.
Ariketa hau 0 puntutik 20ra bitarte baloratuko da.
8.2. Bi ariketak baztergarriak izanen dira, eta baztertuta geldituko dira lehenbizikoan 50 puntu behintzat lortzen ez dituzten oposiziogileak eta bigarrenean 10 puntura iristen ez direnak.
8.3. Probetara aurkezteko deialdi bakarra eginen da eta bertara Nortasun Agiri Nazionala aldean dutela azalduko dira izangaiak. Azaltzen ez direnak baztertuak izanen dira.
8.4. Hautapen probak egiterakoan, eskabide orrian adierazitakoaren arabera, minusbaliatuentzat denbora eta baliabideen aldetik egin daitezkeen egokitzapenak ezarriko dira.
9. Hautatutako izangaien izen zerrenda Nafarroako Gobernuko Iragarki Oholean emanen da argitara, atera duten puntuazioaren ordenan.
10. Hautatutako izangaiak Industri, Merkataritza, Turismo eta Lan Departamentuko Turismo Zerbitzuaren menpeko diren Turismo Bulegoei atxikiko zaizkie.
11. Uztailaren 4ko 135/1994 Foru Dekretuan xedatutakoaren arabera, euskaraz jakitea eremu euskaldunean lanpostua aukeratzeko merezimendu kualifikatua izanen da, eta hori egiaztatzeko eskabide orriarekin batera aurkeztu beharko da Euskararen Gaitasun Agiria, Hizkuntza Eskola Ofizial batek luzatua edo ofizialki onartzen den beste titulazio baten agiria, eta bestela proba bat egin beharko da Hizkuntza Politikarako Zuzendaritza Nagusian, izangaiaren hizkuntza maila zehazteko. Hizkuntzaren ezagutza maila baloratzeko gehienez ere 15 puntu izanen dira. Puntuazio hori lortuko da Gaitasun Agiria edo aipatu tituluak izanez gero, edo nahikotasun proban behar den maila badela frogatzen denean.
12. Deialdi honetan ezarritako arauak aplikatu edo interpretatzeko orduan sor daitezkeen zalantza eta auziak epaimahaiak ebatziko ditu.
13. Deialdi honen aurka, bai eta horren oinarri eta egintzen aurka ere, errekurtso arrunta jarri ahalko da Nafarroako Gobernuan, errekurritutako egintza argitaratu edo jakinarazi eta hurrengo hilabetearen barnean. Errekurtso arruntari buruzko erabakiaren aurka Nafarroako Auzitegi Nagusian administrazioarekiko errekurtsoa izanen da bidezko, bi hilabeteko epearen barnean.
Iruñean, mila bederatziehun eta laurogeita hemezortziko otsailaren hogeita hiruan.-Funtzio Publikoaren Zuzendari Nagusia, Ignacio Bandres Urriza.
I. ERASKINA
Eskabide eredua
.............................. j/a, adinez nagusia, Nortasun Agiri Nazionala ......... zk.koa, 19....eko ........aren ....(e)an jaioa, berez ...........(e)koa, eta helbidea ...........(e)n duena, ................. kalea .... zk.a .... solairua, ....... posta kodea, ............ telefonoa, zuregana agertu eta
Azaltzen du:
Onetsi delarik Nafarroako Foru Komunitateko Administrazioaren Industri, Merkataritza, Turismo eta Lan Departamentuko Turismo Zerbitzuaren menpeko diren Nafarroako Turismo Bulegoetan aritzeko Turismoko sei azafata aldi baterako eta administrazio araubidean kontratatzeko deialdia, 1998ko ................aren ......(e)ko ....... Nafarroako ALDIZKARI OFIZIALean argitaratua.
Deialdian eskatzen diren honako baldintza hauek guztiak betetzen dituelarik:
a) Batxilergo, Bigarren Mailako Lanbide Heziketa edo balio bereko titulu ofiziala izatea edo bera eskuratzeko eskubideak ordaindu izanaren gordekina.
b) Nazionalitatez espainola eta adinez nagusia izatea.
c) Eginkizun publikoak betetzeko desgaitua edo zigortua ez izatea eta edozein Administrazio Publikoren zerbitzutik behin ere bereizia ez izatea.
d) Dagozkion eginkizunetan aritzeko behar den gaitasun fisikoa eta psikikoa izatea.
Eskatzen du:
Deialdi honetan onar dezatela, eginen diren hautapen probetan parte hartu ahal izateko.
Halaber, eremu euskaldunean euskaraz jakitea lanpostua aukeratzeko merezimendu kualifikatutzat aitor dakiola, eta puntu honi dagokionez adierazten du:
a) Euskararen Gaitasun Agiria edo titulu baliokidea aurkezten duela
b) Horietako titulurik ez duenez, euskararen gaitasunari buruzko proba egin nahi duela
(Kasu bakoitzari dagokion laukian X bat jarri)
Iruñean, 1998ko ....................aren .......(e)an.
(Sinadura)
II. ERASKINA
Gaiak
-Turismo Bulegoak
1. Turismoaren antolaketa Nafarroan: partzuergoak, enpresa elkarteak eta turismoko beste agente batzuk.
2. Nafarroako baliabide turistikoak: ahalmenak eta egokitzapena.
3. Nafarroako Turismo Bulegoen Sarea: antolaketa, motak eta oinarrizko eginkizunak.
4. Turismo arloko eskaintza-eskarien azterketa: turismo bulegoen eginkizuna.
-Erreserben Zentralak
1. Turismo eskaintza komertzializatzeko antolaketa: banaketa bideak.
2. Bitartekotza zentral motak. Hornitzaile-bezeroaren arteko prozesua.
3. Turismo establezimenduen motak. Eskaintzaren sailkapena eta komertzializazio motak.
4. Komertzializaiorako tresnak. Datu-baseak. Nazioarteko programekiko harremanak, etab.
Iragarkiaren kodea: A9801770
